សន្តិសុខ - ការពារប្រទេស សន្តិសុខ

23/06/2015 - 10:36

រក្សាភាពសុខសាន្តជូនជនរួមជាតិខ្មែរ

ក្នុងបណ្តាថ្ងៃបុណ្យចូលឆ្នាំថ្មីប្រពៃណីជាតិកន្លង អង្គភាពនានាឈរជើងការពារតាមខ្សែបន្ទាត់ព្រំដែននៃខេត្តកៀងយ៉ាង តែងកាន់កាំភ្លើងជាប់នឹងដៃជានិច្ច ដើម្បីការពារខ្ជាប់ខ្ជួននូវអធិបតេយ្យបូរណភាពដែនដី និងរួមជាមួយនឹងប្រជាជនតំបន់ព្រំដែន ទទួលអំណរបុណ្យចូលឆ្នាំថ្មី។

កងទ័ពការពារព្រំដែននិងកងកម្លាំងនគរបាលឃុំ ដើរល្បាតតាមខ្សែបន្ទាត់ព្រំ
ដែនឃុំតឹងខាញ់ហ្វា ស្រុកយ៉ាងថាញ់ ខេត្តកៀងយ៉ាង។

នាឱកាសបុណ្យចូលឆ្នាំថ្មី ឆ្នាំ២០១៥កន្លងហើយរបស់ជនរួមជាតិខ្មែរ ប្រជាជនបានប្រមូលផលស្រូវរដូវប្រាំងរួចរាល់ទាំងអស់។ តាមដំណើរ បងៗយុទ្ធជនបុស្តិ៍ការពារព្រំដែនច្រកអន្តរជាតិហាតៀង តាមដងផ្លូវដើរល្បាត យើងខ្ញុំឈៀងចូលផ្ទះ លោកយាយធីគៀង ស្នាក់នៅភូមិសាសៀ ឃុំមីឌឹក ក្រុងហាតៀង។ ក្នុងផ្ទះតូចមួយខ្នង ប៉ុន្តែមានភាពសមរម្យ លោកយាយគៀងរៀបរាប់ អាស្រ័យដោយការឧបត្ថម្ភដោយអស់ពីចិត្តរបស់បងៗយុទ្ធជនការពារព្រំដែន និងរដ្ឋអំណាចភូមិភាគ សព្វថ្ងៃគ្រួសារខ្ញុំមានជីវភាពធូរធារជាងមុនច្រើនណាស់។ មុននេះ នៅតំបន់ព្រំដែន ដីស្រែផលិតមិនសូវបានផលប៉ុន្មានទេ អាស្រ័យដោយអាកាសធាតុប្រែប្រួល។ ព្រោះហេតុនោះ ត្រូវបានពួកជនទុច្ចរិតឆ្លៀតឱកាសទាក់ទាញមាមីងជារឿយៗ ឲ្យចូលដៃជើងជាមួយគេប្រព្រឹត្តអំពើរត់គយ។ ប៉ុន្តែ អាស្រ័យដោយរដ្ឋអំណាចភូមិភាគនិងកងយុទ្ធជនការពារព្រំដែនផ្សព្វផ្សាយណែនាំបានទាន់ពេល និងឧបត្ថម្ភពូជដំណាំអភិវឌ្ឍសេដ្ឋកិច្ចគ្រួសារ ម្ល៉ោះហើយមាមីងបញ្ចៀសផុតពីការទាក់ទាញរបស់ទឹកប្រាក់ពីសំណាក់ពួកជនរត់គយ។

ប៉ុន្មានឆ្នាំកន្លង ជីវភាពគ្រួសារលោកយ័ញហៀង ស្នាក់នៅភូមិសាសៀ មានការលំបាកយ៉ាងខ្លាំង ថ្ងៃបុណ្យទានក៏ដូចថ្ងៃធម្មតានៅតែទៅធ្វើការឈ្នួល ដើម្បីរកប្រាក់ទិញអង្ករហូបប្រចាំថ្ងៃ។ ប៉ុន្តែឆ្នាំនេះ ប្លែកជាប៉ុន្មានឆ្នាំមុនៗ ដោយបានការឧបត្ថម្ភទុនផលិតកម្មពីរដ្ឋអំណាចភូមិភាគ និងបុស្តិ៍ការពារព្រំដែនច្រកអន្តរជាតិហាតៀង បច្ចុប្បន្ន គ្រួសារលោកយ័ញហៀង ចិញ្ចឹមក្របីបានជាងដប់ក្បាល និងមាន់ទាជាច្រើន។ លោកយ័ញហៀង ឲ្យដឹងដោយក្តីរីករាយ៖" បុណ្យចូលឆ្នាំថ្មីកន្លងហើយ គ្រួសារខ្ញុំមានភាពសប្បាយរីករាយជាងរាល់ឆ្នាំ ពីព្រោះហ្វូងក្របីកើនឡើង មាន់ទាក៏មានច្រើន។ ទទួលអំណរបុណ្យចូលឆ្នាំដោយប្រិតសំចៃ គ្រួសារខ្ញុំមិនលក់ក្របីទេ គ្រាន់តែលក់មាន់ ទាពីរបីក្បាលទិញរបស់របរប្រើប្រាស់ក្នុងគ្រួសារប៉ុណ្ណោះ។ ក្រៅពីនោះ គ្រួសារខ្ញុំទើបតែប្រមូលផលស្រូវប៉ុន្មានកុងរួចស្រេច បានផលជាង១០០ថាំងក៏គ្រប់គ្រាន់ ដើម្បីទទួលអំណរបុណ្យចូលឆ្នាំថ្មីហើយ។

នៅបុស្តិ៍ការពារព្រំដែនច្រកអន្តរជាតិហាតៀង ប៉ុន្មានថ្ងៃនេះការងាររបស់អង្គភាព ក៏មានការមមាញឹកណាស់ ពិសេសគឺភារកិច្ចការពារអធិបតេយ្យសន្តិសុខព្រំដែន។ ការត្រៀមជាស្រេចក្នុងការការពារភូមិ សាស្រ្តជូនមាមីងទទួលបុណ្យចូលឆ្នាំថ្មី ត្រូវបានកម្មាភិបាលយុទ្ធជន ការពារព្រំដែនចាត់ទុកជាការងារចម្បង។ តាមប្រសាសន៍លោក វរៈសេនីយ៍ទោ ង្វៀនវៀតក្វឹង ប្រធានបុស្តិ៍ការពារព្រំដែនច្រកអន្តរជាតិហាតៀង ដើម្បីរក្សាភាពសុខសាន្តនៅតាមព្រំដែនជួយឲ្យប្រជាជនទទួលអំណរបុណ្យចូលឆ្នាំថ្មី អង្គភាពប្តេជ្ញាចិត្តតស៊ូទប់ស្កាត់នូវរាល់អំពើឧក្រឹដ្ឋ។ ទន្ទឹមនឹងនោះ អង្គភាពបានរៀបចំពេលវេលាសមស្រប ដើម្បីកម្មាភិបាល យុទ្ធជនជាជនជាតិខ្មែរចូលរួមសប្បាយទទួលបុណ្យចូលឆ្នាំថ្មីជា មួយនឹងមាមីងភូមិស្រុក។

ក្នុងអំឡុងប៉ុន្មានថ្ងៃនោះ អង្គភាពយុទ្ធជនបុស្តិ៍ការពារព្រំដែនច្រកអន្តរជាតិយ៉ាងថាញ់ ក៏បានអញ្ជើញទៅសួរសុខទុក្ខគ្រួសារទាំងឡាយរស់នៅជាប់ព្រំដែន គ្រួសារគំរូក្នុងការចលនាស្វ័យគ្រប់គ្រងបន្ទាត់ព្រំដែន បង្គោលព្រំដែន អាស្រ័យដោយបុស្តិ៍ការពារព្រំដែនច្រកអន្តរជាតិយ៉ាងថាញ់បំផុសចលនា។ តាមប្រសាសន៍នៃកងយុទ្ធជនទាំងឡាយ ប្រជាជនរស់នៅទីនេះ ប្រៀបបាននឹងបង្គោលព្រំដែនរស់ដរាបណាក៏ត្រៀមខ្លួនជាស្រេច ដើម្បីរួមកម្លាំងកាយចិត្តជាមួយនឹងរដ្ឋអំណាចកងទ័ពនិងប្រជាជនការពារព្រំដែន អធិបតេយ្យប្រទេសជាតិ។ លោកទៀងផាល ស្នាក់នៅភូមិហ្វាខាញ់ ឃុំតឹងខាញ់ហ្វា ស្រុកយ៉ាងថាញ់ ឲ្យដឹងៈ"សព្វថ្ងៃមាមីងរស់នៅក្នុងភូមិជាប់ព្រំដែន ភាគច្រើនបានចាកផុតពីភាពក្រីក្រ។ នោះក៏អាស្រ័យដោយគោលនយោបាយដ៏ត្រឹមត្រូវរបស់បក្ស និងរដ្ឋ ក្នុងនោះមានការជួយជីកស្តារប្រឡាយ ដើម្បីបន្សាបជាតិជូរបញ្ចុះទឹកជំនន់ ម្ល៉ោះហើយផលិតកម្មស្រូវសម្រេចបានទិន្នផលខ្ពស់។ ទន្ទឹមនឹងនោះ នៅទាំងឧបត្ថម្ភមាមីងជនជាតិខ្មែរ នៅទីនេះគម្រោងការចិញ្ចឹមគោ បន្ធាត់បន្ធំនាំមកនូវជីវភាពសម្បូរសប្បាយពិតប្រាកដ៕

ឡេស៊ាន-សឺនម៉ាល័យ

ចែករំលែកអត្ថបទ

ពាក្យគន្លឹះ