វប្បធម៌-សិល្បៈ វប្បធម៌

12/11/2013 - 14:22

ភាពសម្បូបែបនៃទិវាវប្បធម៌ និងទេសចរណ៍ជនជាតិខ្មែរ ខេត្តគៀងយ៉ាងលើកទី៧ឆ្នាំ២០១៧

ភាពសម្បូបែបនៃទិវាវប្បធម៌និងទេសចរណ៍ជនជាតិខ្មែរ ខេត្តគៀងយ៉ាងលើកទី៧ឆ្នាំ២០១៧ ជារៀងរាល់ឆ្នាំ ឲ្យតែដល់ថ្ងៃបុណ្យអកអំបុករបស់ជនជាតិខ្មែរខេត្តគៀងយ៉ាងតែងរៀបចំទិវាបុណ្យវប្បធម៌កីឡានិងទេសចរណ៍ជនជាតិខ្មែរយ៉ាងឱឡារឹក ទាក់ទាញប្រជាជនក្នុងនិងក្រៅខេត្តរាប់ពាន់នាក់ មកទស្សនានិងលើកទឹកចិត្ត។ ទិវាបុណ្យវប្បធម៌ កីឡានិងទេសចរណ៍ ជនជាតិខ្មែរខេត្តគៀងយ៉ាងលើកទី៧ ឆ្នាំ២០១៣នេះនឹងប្រព្រឹត្តឡើង ក្នុងអំឡុង៥ថ្ងៃ ចាប់ពីថ្ងៃទី១៤ដល់១៨វិច្ឆិកា ឆ្នាំ២០១៣ នៅទីប្រជុំជន ហ្គវ៉ាវ ស្រុកហ្គវ៉ាវ ដោយមានការផ្លាស់ថ្មីខាងខ្លឹមសារទ្រង់ទ្រាយនិង គុណភាព។

ទិវាបុណ្យវប្បធម៌-កីឡានិងទេសចរណ៍របស់ជនជាតិ ខែ្មរនៅខេត្តគៀងយ៉ាង។

ដោយសម្ទុះរីកសាយភាយពីមួយថ្ងៃទៅមួយថ្ងៃ កាន់តែទូលំទូលាយ ជារៀងរាល់ឆ្នាំ ពិធីបុណ្យអកអំបុករបស់ជនជាតិខ្មែរនៅស្រុកហ្គវ៉ាវ បានគណៈកម្មាធិការប្រជាជនខេត្តគៀងយ៉ាង បង្កើនកម្រិតជាទិវាបុណ្យវប្បធម៌ កីឡា និងទេសចរណ៍ជនជាតិខ្មែរថ្នាក់ខេត្តចាប់ពីឆ្នាំ ២០០៧។ ឆ្លងកាត់៦ឆ្នាំរៀបចំទិវាបុណ្យវប្បធម៌ពីមួយថ្ងៃទៅមួយថ្ងៃ កាន់តែមានរបៀបរៀបរយ ជំនាញនិងមានសម្ទុះរីកសាយភាយពីមួយ ថ្ងៃទៅមួយថ្ងៃ កាន់តែខ្លាំងក្លាមិនត្រឹមគ្រាន់តែជាទិវាបុណ្យវប្បធម៌របស់ជនជាតិខ្មែរប៉ុណ្ណោះទេ តែបានក្លាយជាទិវាបុណ្យរួមរបស់សហគមន៍ ពិសេសគឺការងាររៀបចំពិធីបុណ្យមានលក្ខណៈសង្គមូបនីយ កម្មខ្ពស់។ ដើម្បីមិនបង្អង់ក្នុងការច្នៃប្រតិដ្ឋនិងផ្លាស់ថ្មី ខ្លឹមសារក៏ដូច ជារបៀបរៀបចំកម្មវិធីសម្រាប់ទិវាបុណ្យវប្បធម៌ ស្រុកហ្គវ៉ាវបានរៀប ចំសន្និបាតវាយតម្លៃ ដកពិសោធន៍និងដាក់ចេញវិធានការលើកកម្ពស់ គុណភាពរៀបចំទិវាបុណ្យវប្បធម៌ កីឡា និងទេសចរណ៍ជនជាតិខ្មែរ ខេត្តគៀងយ៉ាង។ ព្រោះហេតុនោះ ទិវាបុណ្យវប្បធម៌ឆ្នាំនេះនឹងបាន កែសម្រួល វិនិយោគទុនដោយផ្ចិតផ្ចង់ជាមួយនឹងការផ្លាស់ថ្មីខ្លឹមសារ និង របៀបរៀបចំលើកកម្ពស់គុណភាពដែលមានបណ្តាសកម្មភាព ជឿនលឿន ដិតដាមដោយអត្តសញ្ញាណវប្បធម៌ជនជាតិ ដើម្បីបង្កការ ចាប់អារម្មណ៍ដូចៈ សមោសរសិល្បៈ ដោយមានការចូលរួមរបស់ក្រុម ភ្លេងនិងចម្រៀងចម្រុះមកពីក្រុងហូជីមិញ ក្រុមសិល្បៈខ្មែរ ខេត្តគៀងយ៉ាង បណ្តាក្រុមសិល្បៈខ្មែរស្រុកទីប្រជុំជនក្រុងក្នុងខេត្ត; ប្រឡងដង្ហែ និងបណ្តែតប្រទីប ផ្សារណាត់ពាណិជ្ជកម្ម-តាំងពិព័រណ៍ផ្សព្វផ្សាយផលិតផល និងផ្លាកពាណិជ្ជកម្មទំនិញវៀតណាមគុណភាពខ្ពស់ តាំងពិព័រណ៍គំនូរ រូបថត វត្ថុតាំងនិងវប្បធម៌ម្ហូបអាហារ ព្រមជាមួយនឹងសកម្មភាព កម្សាន្តសប្បាយល្បែងប្រជាប្រិយ។ ការប្រណាំងទូកប្រពៃណីនិងប្រណាំងទូកងមានរង្វាន់។ មហាសន្និបាតកីឡាអប់រំកាយខេត្តគៀងយ៉ាងលើកទី៧ ឆ្នាំ២០១៣-២០១៤ រួមមានខ្លឹមសារប្រឡងចំនួន ១៨សម្រាប់ទូកបុរសនិងទូកនារី ដោយមានអ្នកអុំ១០នាក់២០នាក់និងខ្លឹមសារអុំទូកងចម្ងាយ៨០០ម៉ែត្រ១.០០០ម៉ែត្រ សម្រាប់បុរសនិង៨០០ម៉ែត្រ ៦០០ម៉ែត្រសម្រាប់នារី។ រង្វាន់បាល់ទាត់និងរង្វាន់បាល់ទះ។ ទិវាបុណ្យវប្បធម៌នឹងបើកវគ្គនៅម៉ោង៧និង៣០នាទី ថ្ងៃទី១៧ វិច្ឆិកា ឆ្នាំ២០១៣នៅវេទិកាមាត់ទន្លេកៃលើង ទីប្រជុំជនហ្គវ៉ាវ; បន្ទាប់ពីពិធី បើកវគ្គ គឺមានកម្មវិធីសម្តែងសិល្បៈខ្មែរ ហាត់ប្រាណ អេរ៉ូប៉ិក ហាត់ប្រាណឃោសនា ប្រណាំងទូកងនិងប្រណាំងទូកនាគ។ ពិធីសំពះព្រះខែរៀបចំក្នុងរាត្រីនោះដែរនៅលើឆាកសម្តែងនៃពិធីបុណ្យវប្បធម៌តែម្តង។

ទិវាបុណ្យវប្បធម៌ឆ្នាំនេះបានបើកទូលាយខាងបរិយាកាស ហើយខ្លឹមសារនៃកម្មវិធីសកម្មភាពមានទ្រង់ទ្រាយធំជាង បើប្រៀបធៀបនឹង ប៉ុន្មានឆ្នាំមុន ដើម្បីអភិរក្សពិធីបុណ្យប្រពៃណីរបស់ជនរួមជាតិខ្មែរ ឆ្លងតាមរយៈនោះដែរ នឹងថែរក្សានិងពង្រីកអត្តសញ្ញាណវប្បធម៌ជនជាតិខ្មែរ បង្កលក្ខណៈដើម្បីជនរួមជាតិខ្មែរមានឱកាសជួបជុំដោះដូរវប្បធម៌ បទពិសោធន៍បង្កើនសាមគ្គីភាព ផ្សារភ្ជាប់រវាងបណ្តាជនជាតិនេះក៏ជាឱកាសដើម្បីផ្សព្វផ្សាយពីសក្តានុភាពអភិវឌ្ឍសេដ្ឋកិច្ច - សង្គមកិច្ច របស់ភូមិភាគ គួបផ្សំជាមួយការរៀបចំបណ្តាវិញ្ញាសាកីឡាស្ថិតក្នុងក្របខណ្ឌនៃមហាសន្និបាតកីឡាអប់រំកាយរបស់ខេត្តគៀងយ៉ាងលើកទី៧ឆ្នាំ២០១៣-២០១៤ ដើម្បីជំរុញយ៉ាងខ្លាំងក្លានូវចលនាទូទាំងប្រជាជនសាមគ្គីកសាងជីវភាពវប្បធម៌ ទូទាំងប្រជាជនលត់ដំរាងកាយ តាមគំរូអ៊ំហូ ដ៏មហិមាផ្សារភ្ជាប់ជាមួយនឹងចលនាប្រឡងប្រណាំង កសាងជនបទថ្មី៕

លេស៊ាង-វិមាន

ចែករំលែកអត្ថបទ

ពាក្យគន្លឹះ