សន្តិសុខ - ការពារប្រទេស ការពារប្រទេស

30/04/2026 - 08:07

បង្កើនការបង្ការ ពន្លត់អគ្គិភ័យក្នុងរដូវក្តៅ

ដោយសារអាកាសធាតុក្តៅអូសបន្លាយ អាចបង្កឱ្យកើតមានហានិភ័យឆេះផ្ទុះកើតឡើង បំផុតគឺនៅមណ្ឌលតាំងទីលំនៅនិងគ្រួសារប្រជាជន។ ចំពោះស្ថានភាពនោះ នគរបាលខេត្តកាម៉ាវ បានផ្សព្វផ្សាយនូវដំណោះស្រាយព្រមៗគ្នាជាច្រើន ដើម្បីលើកកម្ពស់ប្រសិទ្ធភាពការងារបង្ការ ពន្លត់អគ្គិភ័យនិងជួយសង្គ្រោះម្ចាស់ការបង្ការនិងបន្ថយការខូចខាតទាបបំផុត ដែលបង្កឡើងដោយការឆេះផ្ទុះ។

កងកម្លាំងនគរបាលកំពុងណែនាំប្រជាជនប្រើប្រាស់បំពង់ពន្លត់អគ្គិភ័យនៅនឹងកន្លែង។

ក្នុងត្រីមាសទី ១ ឆ្នាំ ២០២៦ នគរបាលទូទាំងខេត្តកាម៉ាវ ចាត់តាំងការផ្សព្វផ្សាយបាន ៤.៥២០ លើក ដោយមានប្រជាជនចូលរួមជាង ៤៨.៧០០ លើកនាក់ ចែកខិត្តប័ណ្ណជាង ៤៥.៦០០ សន្លឹក ព្យួរបដា ប៉ាណូនិងរូបភាពផ្សព្វផ្សាយចំនួន ២៦២ អនុវត្តការផ្សព្វផ្សាយតាមរយៈមធ្យោបាយព័ត៌មានមហាជនជាង ៩០០ លើក និងតាមបណ្តាញសង្គមប្រមាណ ២.៧០០ លើក អំពីចំណេះដឹង បំណិនបង្ការពន្លត់អគ្គិភ័យនិងជួយសង្គ្រោះ។ តាមរយៈនោះ រួមចំណែកលើកម្ពស់ស្មារតីយល់ដឹងនិងការទទួលខុសត្រូវរបស់ប្រជាជនក្នុងការងារបង្ការ ពន្លត់អគ្គិភ័យ។

លោកឡេវុាំងធំ នៅសង្កាត់វិញត្រាច់ ឱ្យដឹង៖ “បន្ទាប់ពីបានចូលរួមការផ្សព្វផ្សាយ ខ្ញុំបានយល់ច្បាស់ពីវិធានការបង្ការ ពន្លត់អគ្គិភ័យ។ យល់ដឹងពីរបៀបបំពាក់មធ្យោបាយពន្លត់អគ្គិភ័យនៅនឹងកន្លែង ការប្រើប្រាស់ប្រភពអគ្គិសនី ប្រភពកម្ដៅ សុវត្ថិភាព រៀបចំសម្ភារៈប្រើប្រាស់ឱ្យមានសណ្តាប់ធ្នាប់ មិនបិទច្រកបញ្ជៀសគ្រោះថ្នាក់”។ ចំណែកអ្នកមីងលីថាញហាំង នៅសង្កាត់បាកលីវ ឱ្យដឹង៖ “ដោយបានចូលរួមការផ្សព្វផ្សាយទើបខ្ញុំបានយល់ច្បាស់ពីហានិភ័យនៃអគ្គិភ័យក្នុងរដូវក្តៅ ពេលប្រើប្រាស់ឧបករណ៍អគ្គិសនីច្រើន។ ឥឡូវនេះ នៅក្នុងផ្ទះខ្ញុំប្រើប្រាស់អគ្គិសនីយ៉ាងប្រយ័ត្នប្រយែង បិទឧបករណ៍អគ្គិសនីពេលមិនប្រើប្រាស់និងបំពាក់បំពង់ពន្លត់អគ្គិភ័យ”។

ដើម្បីបង្កើនចំណេះដឹងនិងជំនាញវិជ្ជាជីវៈ នគរបាលខេត្តក៏បានចាត់តាំងបើកវគ្គហ្វឹកហាត់ជំនាញបង្ការ ពន្លត់អគ្គិភ័យនិងជួយសង្គ្រោះ ២៩ ថ្នាក់ដល់កងកម្លាំងបង្ការ ពន្លត់អគ្គិភ័យមូលដ្ឋាន ២.៣៤៨ នាក់។ ទន្ទឹមនឹងនោះ បានកសាងនិងកែសម្រួលផែនការបង្ការ ពន្លត់អគ្គិភ័យនិងជួយសង្គ្រោះចំនួន ៥៤៩ ចាត់តាំងហ្វឹកហាត់វិធានការជារឿយៗនៅតាមមូលដ្ឋានដែលមានហានិភ័យខ្ពស់។ សកម្មភាពទាំងនេះ រួមចំណែកលើកកម្ពស់សមត្ថភាពម្ចាស់ការទប់ទល់ពេលមានគ្រោះអាសន្ន ពង្រីកប្រសិទ្ធភាពទិសស្លោក “៤នៅនឹងកន្លែង” ក្នុងការងារបង្ការ ពន្លត់អគ្គិភ័យ; ព្រមទាំងបង្កើនសមត្ថភាពសហការជិតស្និទ្ធរវាងកងកម្លាំងក្នុងការចង្អុលការ ចល័តមធ្យោបាយ អនុវត្តយុទ្ធសាស្ត្រ បច្ចេកទេសដោះស្រាយស្ថានភាពអគ្គិភ័យ។ ទន្ទឹមនឹងនោះ កងកម្លាំងនៅទាំងបង្កើតក្រុមត្រួតពិនិត្យលក្ខខណ្ឌសុវត្ថិភាពបង្ការ ពន្លត់អគ្គិភ័យនៅមូលដ្ឋានជាប្រចាំ ដើម្បីដោះស្រាយករណីល្មើស ច្បាប់បានទាន់ពេល។

វរសេនីយ៍ទោ ង្វៀងវ៉ាំងតឿង អនុប្រធានការិយាល័យនគរបាលបង្ការ ពន្លត់អគ្គិភ័យនិងជួយសង្គ្រោះនគរបាលខេត្តកាម៉ាវ ផ្តល់អនុសាសន៍៖ ដើម្បីធានាសុវត្ថិភាពនៅក្នុងរដូវក្តៅ ប្រជាជនត្រូវត្រួតពិនិត្យប្រព័ន្ធអគ្គិសនីក្នុងគ្រួសារឱ្យបានទៀងទាត់ មិនប្រើប្រាស់ឧបករណ៍ច្រើនដែលមានកម្លាំងខ្ពស់ដោតក្នុងព្រីភ្លើងតែមួយ បិទឧបករណ៍អគ្គិសនី នៅពេលមិនប្រើប្រាស់ មិនត្រូវដុតសំរាមនៅក្បែរ មណ្ឌលតាំងទីលំនៅ។ល។ ទន្ទឹមនឹងនោះ គ្រួសារនីមួយៗត្រូវបំពាក់បំពង់ពន្លត់អគ្គិភ័យយួរដៃ និងពេលប្រទះឃើញសញ្ញាឆេះផ្ទុះត្រូវរាយការណ៍ជូនកងកម្លាំងសមត្ថកិច្ចជាបន្ទាន់៕

យ្វីអាញ-មុនី

ចែករំលែកអត្ថបទ

ពាក្យគន្លឹះ