សន្តិសុខ - ការពារប្រទេស ការពារប្រទេស

25/03/2026 - 23:23

សិក្ខាសាលាវិទ្យាសាស្ត្រ - ភាពជាក់ស្តែង “មូលដ្ឋានទ្រឹស្តី និងតថភាពការងារធានាសន្តិសុខសេដ្ឋកិច្ចឌីជីថលនៅទីក្រុងកឹងធើ”

សិក្ខាសាលាវិទ្យាសាស្ត្រ - ភាពជាក់ស្តែង “មូលដ្ឋានទ្រឹស្តី និងតថភាពការងារធានាសន្តិសុខសេដ្ឋកិច្ចឌីជីថលនៅទីក្រុងកឹងធើ” គឺជាមូលដ្ឋានដ៏សំខាន់ រួមចំណែកធ្វើឱ្យសុក្រឹតប្រព័ន្ធទ្រឹស្តី ផ្តល់អំណះអំណាងវិទ្យាសាស្ត្រ និងភាពជាក់ស្តែងដល់ការកសាង និងធ្វើឱ្យសុក្រឹតនូវគោលនយោបាយ លើកកម្ពស់ប្រសិទ្ធភាពការងារធានាសន្តិសុខសេដ្ឋកិច្ចឌីជីថល។

នៅរសៀលថ្ងៃទី ២៤ ខែមីនា លោក ង្វៀងវុាំងខើយ អនុប្រធានគណៈកម្មាធិការប្រជាជនទីក្រុងកឹងធើ បានអញ្ជើញចូលរួមដឹកនាំសិក្ខាសាលាវិទ្យាសាស្ត្រ - ភាពជាក់ស្តែង “មូលដ្ឋានទ្រឹស្តី និងតថភាពការងារធានាសន្តិសុខសេដ្ឋកិច្ចឌីជីថលនៅទីក្រុងកឹងធើ” អាស្រ័យវិទ្យាស្ថានសន្តិសុខមិនមែនប្រពៃណីនៃសាកលវិទ្យាល័យជាតិហាណូយ សហការជាមួយនគរបាលទីក្រុងកឹងធើរៀបចំឡើង។

ឧត្តមសេនីយ៍ទោ សាស្ត្រាចារ្យបណ្ឌិត ង្វៀងស្វឹងអ៊ីម វិទ្យាធិការសន្តិសុខមិនមែនប្រពៃណី និងវរសេនីយ៍ឯក ង្វៀងវុាំងថាំង នាយករងនគរបាលទីក្រុងកឹងធើ ធ្វើជាសហធិបតីអង្គសិក្ខាសាលា។

ឧត្តមសេនីយ៍ទោ សាស្ត្រាចារ្យ បណ្ឌិត ង្វៀងស្វឹងអ៊ីម វិទ្យាធិការសន្តិសុខមិនមែនប្រពៃណី ដឹកនាំកិច្ចពិភាក្សា។

ទីក្រុងកឹងធើ ជាមជ្ឈមណ្ឌលសេដ្ឋកិច្ច - សង្គមនៃតំបន់វាលរាបទន្លេគឺវឡុង ហើយក៏ជាមជ្ឈមណ្ឌលនយោបាយសេដ្ឋកិច្ច - សង្គមរបស់ទូទាំងប្រទេស បាននិងកំពុងកំណត់សេដ្ឋកិច្ចឌីជីថលជាសសរស្តម្ភមួយក្នុងចំណោមសសរស្តម្ភទាំងបីនៃការផ្លាស់ប្តូរឌីជីថល ជាកម្លាំងជំរុញកំណើនដ៏សំខាន់ដើម្បីរចនាសម្ព័ន្ធសេដ្ឋកិច្ចឡើងវិញ និងលើកកម្ពស់គុណភាពកំណើន។

ប៉ុន្មានឆ្នាំជិតៗនេះ ទីក្រុងសកម្មអនុវត្តនូវកម្មវិធី និងគោលនយោបាយ ដើម្បីជំរុញអភិវឌ្ឍសេដ្ឋកិច្ចឌីជីថល កសាងរដ្ឋអំណាចឌីជីថល និងសង្គមឌីជីថល។ រួមជាមួយនឹងការអភិវឌ្ឍឆាប់រហ័សនៃសកម្មភាពសេដ្ឋកិច្ចលើគ្រឹះធារឌីជីថល បញ្ហាជាប់ពាក់ព័ន្ធដល់ការគ្រប់គ្រងហានិភ័យ ការពារទិន្នន័យ សុវត្ថិភាពព័ត៌មាន បង្ការទប់ស្កាត់ឧក្រិដ្ឋកម្មបច្ចេកវិទ្យាខ្ពស់ ក៏ដូចជាធានាសន្តិសុខសេដ្ឋកិច្ចក្នុងបរិស្ថានឌីជីថល កំពុងដាក់ចេញតម្រូវការថ្មីចំពោះស្ថាប័នគ្រប់គ្រងរដ្ឋ កម្លាំងសមត្ថកិច្ច និងសហគមន៍អាជីវកម្ម។ ហានិភ័យគំរាមកំហែងដល់សន្តិសុខសេដ្ឋកិច្ចឌីជីថលកំពុងឋិតនៅទាមទារត្រូវតែមានការស្រាវជ្រាវមានបែបបទ ដើម្បីកំណត់ភិនភាគ វាយតម្លៃ និងស្នើដំណោះស្រាយបង្ការ តទល់មានប្រសិទ្ធភាព។

លោក ង្វៀងវុាំងខើយ អនុប្រធានគណៈកម្មាធិការប្រជាជនទីក្រុងកឹងធើ ចូលរួមដឹកនាំក្នុងសិក្ខាសាលា។

សិក្ខាសាលាវិទ្យាសាស្ត្រ “មូលដ្ឋានទ្រឹស្តី និងតថភាពការងារធានាសន្តិសុខសេដ្ឋកិច្ចឌីជីថលនៅទីក្រុងកឹងធើ” បង្កវេទិកាវិទ្យាសាស្រ្តដើម្បីអ្នកគ្រប់គ្រង អ្នកវិទ្យាសាស្ត្រ អ្នកជំនាញការ និងអ្នកតំណាងអាជីវកម្ម ដោះដូរពិភាក្សា ចែករំលែកបទពិសោធន៍ និងស្នើដំណោះស្រាយជាក់ស្តែងបម្រើដល់ការកំណត់ផែនការគោលនយោបាយ និងគ្រប់គ្រងរដ្ឋអំពីសន្តិសុខសេដ្ឋកិច្ចឌីជីថល។

វរសេនីយ៍ឯក ង្វៀងវុាំងថាំង នាយករងនគរបាលទីក្រុងកឹងធើ ថ្លែងការណ៍ក្នុងសិក្ខាសាលា។

អ្នកតំណាងទាំងឡាយបានធ្វើឱ្យច្បាស់នូវខ្លឹមសារសំខាន់ៗជាច្រើន ឯកភាពអំពីផ្នែកយល់ដឹងលើមូលដ្ឋានទ្រឹស្តីខាងសន្តិសុខសេដ្ឋកិច្ចឌីជីថល និងគ្រប់គ្រងសន្តិសុខសេដ្ឋកិច្ចឌីជីថលក្នុងបរិការណ៍អភិវឌ្ឍសេដ្ឋកិច្ចឌីជីថល និងផ្លាស់ប្តូរឌីជីថលជាតិផ្តើមពីភាពជាក់ស្តែងនៅទីក្រុងកឹងធើ; វិភាគនិន្នាការ ឧបសគ្គ ហានិភ័យ និងការសាកល្បងគំរាមកំហែងដល់សន្តិសុខសេដ្ឋកិច្ចក្នុងបរិស្ថានឌីជីថលនៅភូមិភាគ; ស្នើវិធានការ និងដំណោះស្រាយធ្វើឱ្យសុក្រឹតនូវរបបយន្តការសហការ លើកកម្ពស់សមត្ថភាពគ្រប់គ្រងហានិភ័យ និងធានាសន្តិសុខសេដ្ឋកិច្ចឌីជីថលនៅទីក្រុងកឹងធើក្នុងពេលខាងមុខ។ល។ សិក្ខាសាលានៅទាំងរួមចំណែកផ្តល់មូលដ្ឋានវិទ្យាសាស្ត្រ និងភាពជាក់ស្តែង ធ្វើឱ្យច្បាស់នូវឱកាស ក៏ដូចជាហានិភ័យអំពីសន្តិសុខដែលប៉ះពាល់ដោយផ្ទាល់ដល់សន្តិសុខសេដ្ឋកិច្ចឌីជីថលរបស់ទីក្រុងកឹងធើ ជួយឱ្យកងកម្លាំងនគរបាលធ្វើសេនាធិការអនុវត្តបានល្អនូវវិធានការបង្ការ តស៊ូធានាសន្តិសុខសេដ្ឋកិច្ច ធានាសន្តិសុខបណ្តាញតាមមុខងារ និងភារកិច្ចដែលបានប្រគល់ជូន។

អ្នកតំណាងធ្វើបទបង្ហាញនៅក្នុងសិក្ខាសាលា។

តាមគណៈចាត់តាំង បណ្តាមតិរួមយោបល់ និងធ្វើបទបង្ហាញវិទ្យាសាស្ត្រនៅក្នុងសិក្ខាសាលា នឹងជាមូលដ្ឋានដ៏សំខាន់ រួមចំណែកធ្វើឱ្យសុក្រឹតនូវប្រព័ន្ធទ្រឹស្តី ផ្តល់អំណះអំណាងវិទ្យាសាស្ត្រ និងភាពជាក់ស្តែងដល់ការកសាង ធ្វើឱ្យសុក្រឹតគោលនយោបាយ និងលើកកម្ពស់ប្រសិទ្ធភាពការងារធានាសន្តិសុខសេដ្ឋកិច្ចឌីជីថល៕

កេវជិញ - វិមាន

ចែករំលែកអត្ថបទ

ពាក្យគន្លឹះ