សន្តិសុខ - ការពារប្រទេស ការពារប្រទេស

06/03/2026 - 06:09

យុវវ័យទីក្រុងស្ម័គ្រចិត្តបំពេញកាតព្វកិច្ចនគរបាលប្រជាជន

ចូលរួមកាតព្វកិច្ចនគរបាលប្រជាជន មិនត្រឹមតែបំពេញកាតព្វកិច្ចប៉ុណ្ណោះទេ ថែមទាំងជាភារកិច្ច ជាកិត្តិយសរបស់យុវជនវៀតណាមម្នាក់ៗទៀតផង។ ជាមួយនឹងការទទួលខុសត្រូវ បេះដូងក្លៀវក្លា យុវវ័យទីក្រុងកឹងធើ បានស្ម័គ្រចិត្តចុះឈ្មោះបំពេញកាតព្វកិច្ចចូលរួមនគរបាលប្រជាជន ដើម្បីបានហ្វឹកហាត់ខ្លួនផង បានលះបង់កម្លាំងយុវវ័យ ចំពោះមាតុភូមិនិងប្រជាជន ដើម្បីរក្សាជីវភាពសុខសាន្តផង។

ក្រុមប្រឹក្សាកាតព្វកិច្ចយោធាឃុំត្រឹងដេ មកសួរសុខទុក្ខនិងលើកទឹកចិត្តយុវជនស្ម័គ្រចិត្តចូលបម្រើនគរបាលប្រជាជន។

ជាបងប្អូនបង្កើត ២ នាក់ ប្អូនចូវហ្វាងញ៉ឹង និងចូវហ្វាងង៉ៀ នៅភូមិដុងយង់ ឃុំត្រឹងដេ បានស្ម័គ្រចិត្តចុះឈ្មោះបំពេញកាតព្វកិច្ច ចូលរួមនគរបាលប្រជាជន និងជាប់ជម្រើសកាតព្វ កិច្ចដូចគ្នា។ ប្អូនទាំងពីរ ចែករំលែក៖ “ពួកប្អូន មានសេចក្តីប្រាថ្នា បង្ហាញពីទំនួលខុសត្រូវរបស់យុវវ័យចំពោះភូមិស្រុក ប្រទេសជាតិ ម្ល៉ោះហើយ ក្រោយពីប្រឡងបញ្ចប់វិទ្យាល័យ ប្អូនទាំងពីរនាក់ ក៏ស្ម័គ្រចិត្តចុះឈ្មោះតែម្តង។ ក្នុងបរិស្ថានកង កម្លាំងនគរបាលប្រជាជន នឹងជួយឱ្យប្អូនៗហ្វឹកហាត់និងវិវឌ្ឍន៍ខ្លួន”។

តាមការរៀបរាប់របស់ញ៉ឹងនិងង៉ៀ កាលពីនៅរៀនពួកប្អូនមានបំណងចង់លះបង់កម្លាំងយុវវ័យស្នងបន្តប្រពៃណីបដិវត្តន៍របស់ភូមិស្រុកទៅហើយ។ ញ៉ឹងនិងង៉ៀ ឱ្យដឹងដោយមោទនភាព៖ “ពួកប្អូនមានអារម្មណ៍រំភើបរីករាយណាស់ ខណៈពេលបានឪពុកម្តាយគាំទ្រ ម្ល៉ោះហើយ ប្តេជ្ញាចិត្តនឹងប្រឹងប្រែងហ្វឹកហាត់ រៀនសូត្រ ដើម្បីសម្រេចល្អភារកិច្ចដែលបានប្រគល់”។

វរសេនីយ៍ទោ ង្វៀងថាញអាង ប្រធាននគរបាលឃុំ អនុប្រធានក្រុមប្រឹក្សាកាតព្វកិច្ចយោធាឃុំត្រឹងដេ ឱ្យដឹង៖ “ឃុំមានយុវជនច្រើនកុះករដែលគម្រប់អាយុ ប៉ុន្តែភាគច្រើនយុវជនទាំងនេះតែងទៅតាមកប៉ាល់ធ្វើនេសាទ ឬក៏ចំណាកស្រុកទៅធ្វើការនៅតាមខេត្ត ក្រុងធំៗ ម្ល៉ោះហើយ មានការលំបាកក្នុងការកោះហៅយុវជនចូលបម្រើកងទ័ព។ អាស្រ័យហេតុនោះ នគរបាលតែងសហការជាមួយសមាគមអង្គការមហាជន ចុះមកសួរសុខទុក្ខនិងជួបសំណេះសំណាលជារឿយៗ ចំពោះគ្រួសារដែលមានយុវជនគ្រប់លក្ខណសម្បត្តិ ដើម្បីលើកទឹកចិត្តផង ឃោសនាពីគោលការណ៍ គោលនយោបាយនិងផលប្រយោជន៍ពេលចូលរួមបំពេញកាតព្វកិច្ចនគរបាលប្រជាជនផង។ បច្ចុប្បន្ន ការជ្រើសរើសចូលរួមកាតព្វកិច្ច យោធារបស់ឃុំសម្រេច ១០០% ភាគកម្រិតដែលបានប្រគល់”។

ដើម្បីលើកទឹកចិត្ត ជំរុញស្មារតី នគរបាលទីក្រុងកឹងធើ បានចាត់តាំងសួរសុខទុក្ខនិងជូនអំណោយមានអត្ថន័យជាក់ស្តែង សម្តែងពីការយកចិត្តទុកដាក់យ៉ាងជ្រាលជ្រៅរបស់គណៈកម្មាធិការបក្ស ថ្នាក់ដឹកនាំនគរបាលទីក្រុង ចំពោះយុវជនណាដែលឆ្នើមនិងស្ម័គ្រចិត្តលះបង់កម្លាំងយុវវ័យ។

ឆ្នាំ ២០២៦ នគរបាលទីក្រុងកឹងធើ បានប្រគល់ជ្រើសរើសពលរដ្ឋ ១.៣៣១ នាក់ ក្នុងនោះ ភាគកម្រិតមានពលរដ្ឋប្រុស ១.៣២៧ នាក់ ពលរដ្ឋជាស្រី មាន ៤ នាក់។ មកដល់ពេលនេះ បានជ្រើសរើសពិនិត្យសុខភាពឡើងវិញពលរដ្ឋ ១.៥៦៦ នាក់ ធានារាល់បទដ្ឋាន ពិសេសបានជ្រើសរើសគ្រប់ភាគកម្រិតពលរដ្ឋជាស្រី ៤នាក់៕

យ្វីអាញ - លីសៀ

ចែករំលែកអត្ថបទ

ពាក្យគន្លឹះ