សន្តិសុខ - ការពារប្រទេស ការពារប្រទេស

04/03/2026 - 23:50

ពិធីជួបជុំខួបអនុស្សាវរីយ៍លើកទី៦៧ឆ្នាំ ទិវាប្រវេណីកងទ័ពការពារព្រំដែន

គណៈបញ្ជាការកងទ័ពការពារព្រំដែនទីក្រុងកឹងធើ ចាត់តាំងពិធីជួបជុំសមាជិកគណៈទំនាក់ទំនងប្រវេណីអំណរអនុស្សាវរីយ៍លើកទី៦៧ឆ្នាំ ទិវាប្រវេណីកងទ័ពការពារព្រំដែន(០៣/៣/១៩៥៩-០៣/៣/២០២៦); ៣៧ឆ្នាំ ទិវាការពារព្រំដែនទូទាំងប្រជាជន(០៣/៣/១៩៨៩-០៣/៣/២០២៦)និង៦៦ឆ្នាំ ទិវាប្រវេណីកងទ័ពការពារព្រំដែនខេត្តសុកត្រាំង (បច្ចុប្បន្នគឺកងទ័ពការពារព្រដែនទីក្រុងកឹងធើ) (២៨/០១/១៩៦០-២៨/០១/២០២៦)។ លោកវរសេនីយ៍ឯក ហ្វិញថាញហុង ស្នងការនយោបាយនៃគណៈបញ្ជាការកងទ័ពការពារព្រំដែនទីក្រុងកឹងធើ ធ្វើជាអធិបតីក្នុងពិធីនេះ។

នៅក្នុងពិធីនេះ អ្នកតំណាងទាំងឡាយបានរំលឹកឡើងនូវប្រវេណីដ៏អង់អាចក្លាហានរបស់កងកម្លាំងកងទ័ពការពារព្រំដែននៅរាល់ដំណាក់កាលប្រវត្តិសាស្ត្រ ដំណើការបង្កើតនិងអភិវឌ្ឍរបស់កងកម្លាំងកងទ័ពការពារព្រំដែនទីក្រុងកឹងធើ។

ថ្លែងការណ៍នៅក្នុងពិធីជួបជុំ លោកវរសេនីយ៍ឯក ហ្វិញថាញហុង ស្នងការនយោបាយនៃគណៈបញ្ជាការកងទ័ពការពារព្រំដែនទីក្រុងកឹងធើ ឱ្យដឹង៖ ឆ្នាំ២០២៥ ក្រោមការដឹកនាំ ចង្អុលការរបស់គណៈកម្មាធិការបក្សអគ្គបញ្ជាការដ្ឋានកងទ័ពការពារព្រំដែននិងគណៈកម្មាធិការបក្សគណៈបញ្ជាការកងទ័ពការពារព្រំដែនទីក្រុងកឹងធើ គណៈកម្មាធិការបក្សគណៈបញ្ជាការកងទ័ពការពារព្រំដែនទីក្រុង បានផ្សព្វផ្សាយគ្រប់ជ្រុងជ្រោយនូវរាល់ផ្នែកការងារ អនុវត្តសម្រេចល្អភារកិច្ចនយោបាយដែលបានប្រគល់ បង្កការវិវឌ្ឍន៍យ៉ាងច្បាស់លាស់លើវិស័យជាច្រើន។

អ្នកតំណាងទាំងឡាយថតរូបអនុស្សាវរីយ៍នៅក្នុងពិធីជួបជុំ។

នៅលើសមរភូមិប្រយុទ្ធប្រឆាំងបទល្មើស អង្គភាពសហការជាមួយកងកម្លាំងសមត្ថកិច្ចបង្ក្រាបបានករណីធំៗជាច្រើន ក្នុងនោះ មានករណីជួញដូរមនុស្សមានអាយុក្រោម១៦ឆ្នាំ តស៊ូប្រយុទ្ធ បង្ក្រាបករណីដឹកជញ្ជូនទំនិញខុសច្បាប់ឆ្លងដែនក្នុងបរិមាណយ៉ាងច្រើន រកឃើញចាត់វិធានការលើករណីរក្សាទុកនិងដឹកជញ្ជូនគ្រឿងញៀនខុសច្បាប់ជាច្រើនករណី រួមចំណែករក្សារឹងមាំសន្តិសុខ សុវត្ថិភាពលើភូមិឋាន។

ពិសេស បណ្តាទម្រង់ចលនាមហាជនដែលមានលក្ខណៈពិសេសរបស់កងកម្លាំងការពារព្រំដែនទីក្រុង បន្តបានរក្សានិងពង្រីកវិសាលភាព លេចធ្លោបំផុតគឺទម្រង់"ទូថ្នាំពេទ្យការពារព្រំដែន"ឧបត្ថម្ភអ្នកនេសាទចេញទៅសមុទ្រនេសាទសុវត្ថិភាព ទម្រង់"បង្រៀនអក្សរខ្មែរ"នៅតាមប៉ុស្តិ៍ការពារព្រំដែន រួមចំណែកថែរក្សាអត្តសញ្ញាណវប្បធម៌ លើកកម្ពស់ប្រជាបញ្ញា ទម្រង់"ផ្សាណាត់ពិសេស" ជួយគ្រួសារក្រីក្រនិងអ្នកដែលងាយរងគ្រោះនៅលើភូមិឋាន។

ជាមួយនឹងស្នាដៃដែលសម្រេចបាន អង្គភាពមានសមូហភាពនិងបុគ្គលរាប់រយលើកនាក់ បានគ្រប់ថ្នាក់ស្ងើចសរសើរជូនរង្វាន់ កត់សម្គាល់ចំពោះការរួមចំណែកជាក់ស្តែងក្នុងចលនាប្រឡងប្រណាំងប្តេជ្ញាឈ្នះ ចលនាប្រឡងប្រណាំងជាប្រចាំនិងបន្ទាន់។

លោកវរសេនីយ៍ឯក ហ្វិញថាញហុង ស្នងការនយោបាយនៃគណៈបញ្ជាការកងទ័ពការពារព្រំដែនទីក្រុងកឹងធើ ជូនអំណោយដល់សមាជិកគណៈទាក់ទងដែលមានស្ថានភាពលំបាក។

លោកវរសេនីយ៍ឯក ហ្វិញថាញហុង ស្នងការនយោបាយនៃគណៈបញ្ជាការកងទ័ពការពារព្រំដែនទីក្រុង បានសម្តែងនូវការគោរពចំពោះការរួមចំណែក បទពិសោធន៍និងការលះបង់អស់ពីកម្លាំងកាយចិត្តរបស់កម្មាភិបាល យុទ្ធជនគ្រប់ជំនាន់។ ព្រមទាំងរំពឹងថាគណៈទំនាក់ទំនងប្រវេណី បន្តធ្វើជាទីបង្អែកស្មារតី ជាស្ពានតភ្ជាប់មនោសញ្ចេតនា រួមដំណើរជាមួយកម្មាភិបាល យុទ្ធជនកងទ័ពការពារព្រំដែនទីក្រុងក្នុងដំណាក់កាលខាងមុខ ដើម្បីរួមចំណែកការពាររឹងមាំអធិបតេយ្យ សន្តិសុខព្រំដែនសមុទ្រនៃមាតុភូមិ៕

យ្វីអាញ-មុនី

ចែករំលែកអត្ថបទ

ពាក្យគន្លឹះ