សន្តិសុខ - ការពារប្រទេស ការពារប្រទេស

08/01/2026 - 08:47

ប្រកាសសេចក្តីសម្រេចស្តីពីការរួមបញ្ចូលសមាគមអតីតនគរបាលប្រជាជន

- នៅថ្ងៃទី៧ ខែមករា ឆ្នាំ ២០២៦ លោកង្វៀងវ៉ាំងខើយ អនុប្រធានគណៈកម្មាធិការប្រជាជនទីក្រុងកឹងធើ អញ្ជើញចូលរួមកិច្ចប្រជុំប្រកាសសេចក្តីសម្រេចរបស់ប្រធានគណៈកម្មាធិការប្រជាជនទីក្រុងកឹងធើ ស្តីពីការអនុញ្ញាតឱ្យរួមបញ្ចូលសមាគមអតីតនគរបាលប្រជាជនខេត្តហូវយ៉ាង និងសមាគមអតីតនគរបាលប្រជាជនខេត្តសុកត្រាំង រួមបញ្ចូលជាមួយសមាគមអតីតនគរបាលប្រជាជនទីក្រុងកឹងធើ។

លោកង្វៀងវ៉ាំងខើយ អនុប្រធានគណៈកម្មាធិការប្រជាជនទីក្រុងកឹងធើ និងថ្នាក់ដឹកនាំនគរបាលទីក្រុងកឹងធើ បានប្រគល់សេចក្តីសម្រេច ស្តីពីការរួមបញ្ចូលសមាគមនិងជូនបាច់ផ្កាអបអរសាទរដល់សមាគមអតីតនគរបាលប្រជាជនទីក្រុងកឹងធើ។

យោងតាមសេចក្តីសម្រេច ក្នុងរយៈពេល៣០ថ្ងៃ ចាប់ពីថ្ងៃដែលសេចក្តីសម្រេចមានសុពលភាព សមាគមអតីតនគរបាលប្រជាជនខេត្តហូវយ៉ាង និងសមាគមអតីតនគរបាលប្រជាជនខេត្តសុកត្រាំង មានកាតព្វកិច្ចផ្ទេរទ្រព្យសម្បត្តិទាំងមូល ហិរញ្ញវត្ថុ អង្គការចាត់តាំង បុគ្គលិក សិទ្ធិនិងកាតព្វកិច្ចទាំងអស់ ទៅឱ្យសមាគមអតីតនគរបាលប្រជាជនទីក្រុងកឹងធើ; ព្រមជាមួយគ្នានេះ ត្រូវបញ្ចប់ធរមាននិងសកម្មភាព ហើយត្រូវប្រគល់ត្រាទៅឱ្យស្ថាប័នមានសមត្ថកិច្ចតាមបទប្បញ្ញត្តិនៃច្បាប់។

សមាគមអតីតនគរបាលប្រជាជនទីក្រុងកឹងធើ គឺជាអង្គការចាត់តាំងនៃជំនាន់អតីតនគរបាលប្រជាជនទីក្រុង មានអង្គការចាត់តាំងនិងដំណើរការតាមលក្ខន្តិកៈដែលបានសមាគមបានទទួលស្គាល់ ឯកភាពប្រើប្រាស់លក្ខន្តិកៈរួមរបស់សមាគមអតីតនគរបាលប្រជាជនវៀតណាម អនុវត្តតាមបទប្បញ្ញត្តិនៃច្បាប់ ស្ថិតក្រោមការគ្រប់គ្រងរដ្ឋរបស់នគរបាលទីក្រុង ព្រមទាំងក្រសួង ស្ថាប័នពាក់ព័ន្ធនានា ដែលទាក់ទងនឹងវិស័យសកម្មភាពរបស់សមាគម។ សមាគមអតីតនគរបាលប្រជាជនទីក្រុងកឹងធើ បានទទួលស្គាល់ជានីតិបុគ្គល មានត្រានិងគណនីផ្ទាល់ខ្លួន ម្ចាស់ការធានាថវិកា ទីស្នាក់ការនិងមធ្យោបាយសម្រាប់សកម្មភាពផ្ទាល់ខ្លួន។

ឧត្តមសេនីយ៍ទោ ហាង៉ៀឡោ អតីតនាយកនគរបាលទីក្រុងកឹងធើ សមាជិកគណៈប្រតិបត្តិការសមាគមអតីតនគរបាលប្រជាជនវៀតណាម កាន់តំណែងជាប្រធានសមាគមអតីតនគរបាលប្រជាជនទីក្រុងកឹងធើ។

គណៈប្រតិបត្តិការ គណៈអចិន្ត្រៃយ៍ និងគណៈកម្មការត្រួតពិនិត្យនៃសមាគមអតីតនគរបាលប្រជាជនទីក្រុងកឹងធើ បង្ហាញមុខក្នុងមហាសន្និបាត។

- នៅថ្ងៃទី៧ ខែមករា សមាគមអតីតនគរបាលប្រជាជនទីក្រុងកឹងធើ បានចាត់តាំងមហាសន្និបាតតំណាងពាក់កណ្ដាលអាណត្តិ ២០២៣-២០២៨។

កន្លងរយៈពេល២ឆ្នាំ (២០២៣-២០២៥) សកម្មភាពរបស់សមាគមអតីតនគរបាលប្រជាជនទីក្រុង ទទួលបានលទ្ធផលជាច្រើន មានគុណភាព និងកាន់តែមានជម្រៅ។ ការងាររៀបចំរចនាសម្ព័ន្ធប្រព័ន្ធគ្រប់គ្រងរបស់សមាគម បានផ្តោតការយកចិត្តទុកដាក់ សុក្រឹត មានរបៀបរៀបរយល្អ ដំណើរការមានស្ថិរភាព ចំនួនសមាជិកត្រូវបានបញ្ចូលកាន់តែកើនឡើងជាលំដាប់។

ការងារសហការរវាងសមាគមអតីតនគរបាលប្រជាជនទីក្រុង ជាមួយអង្គភាពនិងភូមិភាគនានា ស្ថិតក្រោមការគ្រប់គ្រងរបស់នគរបាលទីក្រុង បានអនុវត្តយ៉ាងម៉ត់ចត់ ទាន់ពេលវេលា ពិសេសក្នុងការងារធានាសន្តិសុខ សណ្ដាប់ធ្នាប់ និងអនុវត្តរបបគោលនយោបាយរបស់បក្ស រដ្ឋ និងផ្នែកនគរបាល ចំពោះកម្មាភិបាលនគរបាលចូលនិវត្តន៍និងសមាជិក។

សមាគមបានពិនិត្យបញ្ចូលសមាជិក ៥៨២នាក់; ក្នុងនោះ មាន៥៣០នាក់ទទួលបានការជឿទុកចិត្ត បោះឆ្នោតចូលក្នុងគណៈកម្មាធិការបក្ស ចូលរួមក្នុងរដ្ឋអំណាច អង្គការមហាជននិងចលនានានា។ ក្នុងការអនុវត្តចលនាប្រឡងប្រណាំង អាស្រ័យសមាគមអតីតនគរបាលប្រជាជនវៀតណាមបានបំផុស មានសមូហភាពនិងបុគ្គលជាច្រើនទទួលបានការស្ងើចសរសើរនិងជូនរង្វាន់នៅគ្រប់ថ្នាក់៕

ប្រភព៖ baocantho.com.vn - ពេជ្រសឿន

ចែករំលែកអត្ថបទ

ពាក្យគន្លឹះ