ព្រឹត្តិការណ៍ - នយោបាយ ព្រឹត្តិការណ៍

13/12/2025 - 15:07

ព្រឹត្តិការណ៍ពិធីបុណ្យផ្សេងៗនៅចុងឆ្នាំ បង្កចំណុចលេចធ្លោសម្រាប់ទេសចរណ៍

ចុងឆ្នាំគឺជាដំណាក់កាលប្រារព្ធឡើងនូវពិធីបុណ្យផ្សេងៗ បង្កជាព្រឹត្តការណ៍លេចធ្លោក្នុងការអភិវឌ្ឍន៍ទេសចរណ៍; ឆ្លងតាមរយៈនោះ ខេត្ត ក្រុងនានាក្តាប់បានពីចំណង់ចំណូលចិត្តរបស់ភ្ញៀវទេសចរ បានតម្រង់ទិសវិនិយោគសមស្របសម្រាប់ផលិតផលទេសចរណ៍នៅភូមិភាគ។

ភ្ញៀវទេសចរទស្សនាផ្សារអណ្តែតកៃរុាំង។

ដើមខែធ្នូ ពិធីបុណ្យវប្បធម៌ទេសចរណ៍ភូមិបុរាណ ដុងហ្វាហ៊ីប ក្រោមប្រធានបទ “អនុស្សាវរីយ៍ភូមិបុរាណ” (ចាប់ពីថ្ងៃទី៣ដល់ថ្ងៃទី៧ ខែធ្នូ) ក៏បានបញ្ចប់ដោយបន្សល់ទុកនូវស្នាមអនុស្សាវរីយ៍ជាច្រើននៅដុងថាប។ លុះដល់សប្តាហ៍ទី២ ខែធ្នូ សប្តាហ៍ទេសចរណ៍ទីក្រុងហូជីមិញ លើកទី៥ ក្រោមប្រធានបទ “ភាពពុះពោររដូវពិធីបុណ្យ - Vibrant Ho Chi Minh Fest” បានប្រព្រឹត្តឡើង (ចាប់ពីថ្ងៃទី៥ ដល់ថ្ងៃទី១២ ខែធ្នូ)។ នេះជាសកម្មភាពចាប់ផ្តើមនៃព្រឹត្តិការណ៍ទេសចរណ៍ដ៏ពុះពោរ ដើម្បីជំរុញតម្រូវការទេសចរណ៍ក្នុងប្រទេសនិងអន្តរជាតិ ជំរុញកំណើនសេដ្ឋកិច្ចទេសចរណ៍ចុងឆ្នាំ។ សកម្មភាពទេសចរណ៍ វប្បធម៌ កីឡានិងតន្ត្រី បានប្រព្រឹត្តឡើងជាបន្តបន្ទាប់ លេចធ្លោបំផុតគឺពិធីតាំងបង្ហាញម្ហូបអាហារចើលើង បរិយាកាសនំប្រជាប្រិយណាមបូ ពិធីបុណ្យ "តុបតែងកៃច្នៃឡើងវិញ- ទន្លេយិញក្នុងចិត្តខ្ញុំ" រង្វាន់រត់ Marathon អន្តរជាតិទីក្រុងហូជីមិញ។ល។ ក្នុងនោះ សកម្មភាពសំខាន់គឺការចូលរួមរបស់អាជីវកម្មទេសចរណ៍រាប់រយបានឧទ្ទេសនាមផលិតផល សេវាទេសចរណ៍ថ្មី និងកម្មវិធីជំរុញតម្រូវការដល់ភ្ញៀវទេសចរណ៏គ្រប់មជ្ឈដ្ឋាន។

ចំណុចលេចធ្លោក្នុងរដូវបុណ្យទេសចរណ៍ចុងឆ្នាំតំបន់ភាគខាងត្បូង គឺពិធីបុណ្យវប្បធម៌ព្រែកទន្លេកឹងធើ ឆ្នាំ២០២៥។ នេះជាសកម្មភាពលើកដំបូងបានប្រព្រឹត្តឡើងនៅកឹងធើ បង្កចំណុចលេចធ្លោវប្បធម៌-ទេសចរណ៍ អំណរឆ្នាំថ្មីឆ្នាំ២០២៦; ទន្ទឹមនឹងនោះ ផ្សព្វផ្សាយវប្បធម៌ព្រែកទន្លេពិសេសដោយឡែករបស់កឹងធើនិយាយដោយឡែក និងវាលរាបទន្លេគឺវឡុងនិយាយរួម។ ពិធីបុណ្យ មានប្រធានបទ “កឹងធើ – សម្រស់ព្រែកទន្លេ” នឹងប្រព្រឹត្តឡើងចាប់ពីថ្ងៃទី២៦ ខែធ្នូ ឆ្នាំ២០២៥ ដល់ថ្ងៃទី០១ ខែមករា ឆ្នាំ២០២៦ នៅសួនច្បារកំពង់ផែនិញកេវ (សង្កាត់និញកេវ) សួនច្បារសុងហូវ (សង្កាត់កៃខេ) និងនៅតំបន់ជិតខាង។

ចំណុចលេចធ្លោនៃពិធីបុណ្យ គឺកម្មវិធីបើកឆាកដោយមានសម្តែងសិល្បៈដ៏វិសេស បង្ហាញឡើងវិញនូវប្រវត្តិកាប់ឆ្កា ជីវភាពវប្បធម៌ផ្សារភ្ជាប់នឹងព្រែកទន្លេរបស់អ្នកតាំងទីលំនៅនៅកឹងធើនិងវាលរាបទន្លេគឺវឡុង។ ក្រៅពីនោះ ពិធីបុណ្យនៅមានសកម្មភាពជាច្រើនទៀត ដូចជា៖ ក្បួនដង្ហែទូកកប៉ាល់ សម្តែងបង្ហាញពីបរិយាកាសផ្សារអណ្តែតកៃរុាំង ង៉ាបៃ និងង៉ាណាំ។ បរិយាកាសដាក់តាំង ឧទ្ទេសនាមផលិតផល ម្ហូបអាហារពិសេសដោយឡែក ផលិតផលOCOP ផ្សព្វផ្សាយពីផលិតផលទេសចរណ៍របស់ភូមិភាគនានា; សម្តែងតន្ត្រី acoustic តាមដងផ្លូវ; តាំងពិព័រណ៍រូបថត ព្រមជាមួយនឹងសកម្មភាពកីឡាដិតដាមដោយអត្តសញ្ញាណព្រែកទន្លេ បណ្តែតប្រទីបលើដងទន្លេ និងសិក្ខាសាលាអំពីទេសចរណ៍។ល។

ស្របពេលជាមួយនោះដែរ នៅដុងថាប Festival ផ្កាលម្អសាឌាក ក៏បានវិលមកជាលើកទី២ក្នុងឱកាសចុងឆ្នាំនេះដែរ ក្រោមប្រធានបទ "សម្រស់ផ្កាថ្ងៃថ្មី" បានប្រព្រឹត្តឡើងចាប់ពីថ្ងៃទី២៧ ខែធ្នូ ឆ្នាំ២០២៥ ដល់ថ្ងៃទី ៤ ខែមករា ឆ្នាំ២០២៦ នៅសង្កាត់សាឌាក ខេត្តដុងថាប។ នេះជាព្រឹត្តិការណ៍លើកតម្កើងតម្លៃភូមិផ្កាលម្អ សំដៅលើកកម្ពស់តម្លៃផលិតផ្កាលម្អ; ផ្សព្វផ្សាយរូបភាពសាឌាក ដុងថាប; ផ្សារភ្ជាប់និងពង្រីកទីផ្សារផ្កាលម្អ; កសាងផ្លាកសញ្ញា ជំរុញដំណើរការផ្សព្វផ្សាយផ្កាលម្អសាឌាក និងផ្នែកទេសចរណ៍ដុងថាបអភិវឌ្ឍន៍ដោយចីរភាព។

ចំណុចលេចធ្លោរបស់ពិធីបុណ្យ គឺកម្មវិធីបើកឆាក និងបរិយាកាសសម្រស់ផ្កាសាឌាក ដាក់តាំងពូជផ្កាលម្អចំនួន ១.០០០ប្រភេទ។ ទន្ទឹមនឹងនោះ នៅមានសកម្មភាពជាច្រើនទៀត ដូចជា៖ បរិយាកាស "តំបន់បេតិកភណ្ឌ" សម្តែងទេសភាពពិត "មួយរយឆ្នាំសម្រស់ភូមិផ្កា"; ដាក់តាំងពិព័រណ៍ផ្កា - ឈើលម្អក្នុងប្រទេសនិងអន្តរជាតិ; ផ្សារណាត់ផ្កាលម្អសាឌាក; វិថីម្ហូបអាហារ "សម្រស់ពិដោរណាមបូ"; បាឡុងហោះ ក្រោមប្រធានបទ "សាឌាក - ហោះឡើងជាមួយនឹងសម្រស់ផ្កា"...និងអង្គប្រជុំ សិក្ខាសាលាអំពីផ្កាលម្អ និងទេសចរណ៍។

ក្រៅពីនោះ ក៏មានកម្មវិធីគាំទ្រជាច្រើន ដូចជា៖ ក្បួនដង្ហែ “នារីនឹងអាវផាយផ្កា” ពិធីប្រឡងច្រកទ្វារផ្កា វិថីផ្កា និងសួនផ្កាស្ថាប័នរដ្ឋស្អាតលើកទី២ ប្រឡងរូបព្រឹត្តិការណ៍សិល្បៈ គាំទ្រ Festival ផ្កាលម្អសាឌាក លើកទី២ ឆ្នាំ២០២៥ កម្មវិធីដោះដូររបាំប្រជាប្រិយនិងសមោសរ “សំឡេងច្រៀងមហាហង្ស” និងល្បែងប្រជាប្រិយ។ល។ នាំមកជូនភ្ញៀវទេសចរណ៍។

ជាក់ស្តែងគឺព្រឹត្តិការណ៍ពិធីបុណ្យទាំងនេះ បានទាក់ទាញអ្នកទេសចរណ៏ជាច្រើនមកឆ្លងកាត់បទពិសោធន៍ ទន្ទឹមនឹងនោះ ទស្សនាតំបន់ទីតាំងទេសចរណ៍របស់ភូមិភាគ។ នេះចាត់ទុកជារូបភាពចងសម្ព័ន្ធមួយ ផ្សព្វផ្សាយទេសចរណ៍ស្រុកកំណើតមានប្រសិទ្ធភាព ឆ្លងតាមរយៈសកម្មភាពសម្បូរបែបនៃពិពីបុណ្យ។ អាស្រ័យហេតុនោះ ខេត្ត ក្រុងជាច្រើនយកចិត្តទុកដាក់កសាងផលិតផលទេសចរណ៍អំពីពិធីបុណ្យ។ ជាមួយនឹងទ្រង់ទ្រាយ អត្តសញ្ញាណនៃពិធីបុណ្យក៏បានការយកចិត្តទុកដាក់ ដើម្បីភូមិភាគនីមួយៗបង្កបានស្នាមអនុស្សាវរីយ៍ដោយឡែកក្នុងចិត្តភ្ញៀវទេសចរណ៏៕

យោង៖ baocantho.com.vn - ប្រែសម្រួល៖ វិមាន

ចែករំលែកអត្ថបទ

ពាក្យគន្លឹះ