សុខភាព - អប់រំ សុខភាព

20/11/2025 - 07:21

ធានារ៉ាប់រងសុខាភិបាល - ទីបង្អែកថែទាំសុខភាពជនជាតិភាគតិច

ប៉ុន្មានឆ្នាំកន្លង គោលនយោបាយធានារ៉ាប់រងសុខាភិបាល បានក្លាយជាទីបង្អែកដ៏រឹងមាំជួយជនជាតិភាគតិចនៅទីក្រុងកឹងធើបង្ខិតជិតសេវាសុខាភិបាល ការពារសុខភាពនិងលើកកម្ពស់គុណភាពរស់នៅ។

ប្រជាជនមកពិនិត្យជំងឺនិងទទួលថ្នាំដោយប្រើប័ណ្ណធានារ៉ាប់រងសុខាភិបាល
នៅដំណាក់សុខាភិបាលវៀងអាង ឃុំតៃវុាំង។

នៅឃុំតៃរុាំង ការថែទាំសុខភាពជូនជនជាតិភាគតិចតែងបានរដ្ឋអំណាច ភូមិភាគយកចិត្តទុកដាក់និងអនុវត្តមានប្រសិទ្ធភាព មកទល់ពេលនេះ អត្រាប្រជាជនចូលរួមធានារ៉ាប់រងសុខាភិបាលនៅភូមិភាគសម្រេចបានជាង ៩៨% ។ ដោយឡែកដំណាក់សុខាភិបាលវៀងអាង ឃុំតៃវុាំងក្នុងមួយថ្ងៃ ទទួលប្រជាជនរាប់សិបលើកនាក់មកពិនិត្យជំងឺ ក្នុងនោះ មានប្រជាជនជិត ៩០% លើកនាក់ពិនិត្យជំងឺ ដោយប្រើប័ណ្ណធានារ៉ាប់រងសុខាភិបាល ហើយភាគច្រើនគឺជនជាតិភាគតិច។ ផ្តើមពីនោះ បង្កលក្ខណៈដើម្បីប្រជាជនបង្ខិតជិតសេវាសុខាភិបាលបានងាយស្រួល ទាន់ពេលនិងមានប្រសិទ្ធភាពចាប់ពីថ្នាក់មូលដ្ឋាន។

អ្នកមីងតាំងធីហ្វែ នៅភូមិទីបញឹក ឃុំតៃវុាំង ចែករំលែក៖ “សព្វថ្ងៃមានប័ណ្ណធានារ៉ាប់រង ដូច្នេះ ពេលទៅដំណាក់សុខាភិបាល ឬមន្ទីរពេទ្យក៏បានកាត់បន្ថយប្រាក់ថ្លៃពេទ្យ។ មាមីងខ្មែរយើងមិនរារែកទៅពិនិត្យជំងឺដូចមុនទៀត”។

មន្ទីរពេទ្យឯកទេសសម្ភព - កុមារសុកត្រាំង ជាអង្គភាពឈានមុខផ្នែកខាងថែទាំសុខភាពអ្នកម្ដាយនិងទារករបស់ខេត្តសុកត្រាំង (ចាស់) ចាប់ពីដើមឆ្នាំមកដល់ពេលនេះ មន្ទីរពេទ្យបានទទួល និងព្យាបាលអ្នកជំងឺជាង ៨៥.០០០ លើកនាក់ ក្នុងនោះ មានជាង ២៦.៥០០ លើកនាក់ជាជនជាតិភាគតិច ស្រូបអត្រា ៣១% នៃចំនួនអ្នកមកពិនិត្យព្យាបាលជំងឺ។ អត្រាពិនិត្យព្យាបាលជំងឺមិនសម្រាកពេទ្យ ដោយប្រើប័ណ្ណធានារ៉ាប់រងសុខាភិបាលសម្រេច ២៩% ក្នុងនោះ មានអ្នកជំងឺជនជាតិភាគតិចមកព្យាបាលជំងឺដេកពេទ្យ ប្រើប្រាស់ប័ណ្ណធានារ៉ាប់រងសុខាភិបាលប្រមាណ ៩៦%។

ប្រជាជនមកចុះឈ្មោះពិនិត្យជំងឺដោយប្រើធានារ៉ាប់រងសុខាភិបាលនៅមន្ទីរពេទ្យសម្ភព-កុមារសុកត្រាំង។

ដើម្បីធានាជនជាតិភាគតិចបានទទួលផលគ្រប់គ្រាន់ ត្រឹមត្រូវនិងទាន់ពេលតាមរយៈធានារ៉ាប់រងសុខាភិបាលតាមការកំណត់របស់រដ្ឋ មន្ទីរពេទ្យក៏បានផ្សព្វផ្សាយព្រមៗគ្នានូវដំណោះស្រាយជាច្រើន តាំងពីការទទួលអ្នកជំងឺរហូតដល់ដំណាក់កាលសម្រាកព្យាបាល ជាក់ស្តែង ដូច៖ ធានាផលប្រយោជន៍ធានារ៉ាប់រងសុខាភិបាល ១០០% ជូនគ្រួសារជនជាតិភាគតិចក្រីក្រ ក្បែរក្រ នៅតំបន់លំបាកខ្លាំងតាមការកំណត់; អនុវត្តរបបពិនិត្យព្យាបាលជំងឺធានារ៉ាប់រងសុខាភិបាល ត្រូវតាមថ្នាក់មន្ទីរពេទ្យដែលចុះឈ្មោះពីដំបូង បញ្ជូនទៅមន្ទីរថ្នាក់លើ បើកចំហ ថ្នាក់មន្ទីរពេទ្យខេត្ត ក្រុង តាមការកំណត់ថ្មី បង្កលក្ខណៈងាយស្រួលដល់អ្នកជំងឺ; ធានាស្មើភាពក្នុងការពិនិត្យ ព្យាបាលជំងឺ៘

វេជ្ជបណ្ឌិតឯកទេសកម្រិត II ជុងតឹងឌិញ នាយកមន្ទីរពេទ្យឯកទេសសម្ភព-កុមារសុកត្រាំង ឱ្យដឹង៖ “ពិនិត្យជារួមអត្រានៃការប្រើប្រាស់ប័ណ្ណធានារ៉ាប់រងសុខាភិបាលរបស់ជនជាតិភាគតិច នៅមន្ទីរពេទ្យតែងរក្សាបានកម្រិតខ្ពស់ រួមចំណែកកាត់បន្ថយបន្ទុកចំណាយក្នុងការព្យាបាលជំងឺ ជួយអ្នកជំងឺស្ងប់អារម្មណ៍ខណៈពេលមកមន្ទីរពេទ្យពិនិត្យ ព្យាបាលជំងឺ។ នេះគឺជាគោលនយោបាយមនុស្សធម៌ បង្ហាញពីការយកចិត្តទុកដាក់យ៉ាងជ្រាលជ្រៅរបស់បក្ស រដ្ឋ ចំពោះសុខភាពរបស់ប្រជាជន ពិសេសជនជាតិភាគតិច”៕

ហុងទើ-លីសៀ

ចែករំលែកអត្ថបទ

ពាក្យគន្លឹះ