សុខភាព - អប់រំ សុខភាព

24/06/2024 - 16:58

កៀរគរប្រជាជនចូលរួមធានារ៉ាប់រងសុខាភិបាល

ដោយកំណត់ច្បាស់ ការកៀរគរប្រជាជនចូលរួមធានារ៉ាប់រងសុខាភិបាល គឺជាភារកិច្ចសំខាន់ក្នុងការថែទាំសុខភាពប្រជាជន ម្ល៉ោះហើយឃុំលឿងហ្វា A ស្រុកចូវថាញ់ ខេត្តត្រាវិញ បានយកចិត្តទុកដាក់អនុវត្តប្រកបដោយប្រសិទ្ធភាព។

លោកថាច់យ័ញ នៅភូមិអូរល្បាប់ មកពិនិត្យជំងឺដោយប្រើប័ណ្ណធានារ៉ាប់រងសុខាភិបាលនៅដំណាក់សុខាភិបាលឃុំលឿងហ្វា A។

លោកស្រីត្រាងធីហ្វិញភឿង ប្រធានគណៈកម្មាធិការប្រជាជនឃុំលឿងហ្វា A ឱ្យដឹង៖ “ធានារ៉ាប់រងសុខាភិបាល គឺជាគោលនយោបាយសុខុមាលភាពសង្គមដ៏សំខាន់មួយក្នុងចំណោមគោលនយោបាយសុខុមាលភាពសង្គមរបស់បក្សនិងរដ្ឋ។ ដើម្បីកៀរគរប្រជាជនចូលរួមធានារ៉ាប់រងសុខាភិបាល ឃុំបានបង្កើតគណៈចង្អុលការកៀរគរប្រជាជនចូលរួមធានារ៉ាប់រងសុខាភិបាលធានារ៉ាប់រងសង្គម។ រៀងរាល់ខែ ឃុំសហការជាមួយផ្នែកជំនាញរដ្ឋអំណាចភូមិភាគចុះទៅតាមភូមិសាស្រ្តផ្សព្វផ្សាយ២លើក។ បច្ចុប្បន្ន ស្មារតីភ្ញាក់រលឹករបស់ប្រជាជន បានកើនឡើងនិងស្ម័គ្រចិត្តចូលរួមធានារ៉ាប់រងសុខាភិបាល។ មកទល់បច្ចុប្បន្ន ចំនួនប្រជាជនចូលរួមធានារ៉ាប់រងសុខាភិបាលគឺ៧.៣១៣នាក់ សម្រេចអត្រា ៧៦,២%”។

ប្រជាជនមកពិនិត្យជំងឺនៅដំណាក់សុខាភិបាលឃុំលឿងហ្វា A។

លោកវ៉វ៉ាន់ត្វង ប្រធានដំណាក់សុខាភិបាលឃុំលឿងហ្វា A ឱ្យដឹង៖ “ដើម្បីផ្ដល់ព័ត៌មាន ផ្សព្វផ្សាយពីគោលមាគ៌ា គោលការណ៍របស់បក្ស និងគោលនយោបាយ ច្បាប់របស់រដ្ឋពីធានារ៉ាប់រងសុខាភិបាល ផ្ដល់ព័ត៌មានពីសិទ្ធិនិងផលប្រយោជន៍ ខណៈពេលចូលរួមធានារ៉ាប់រងសុខាភិបាលជាលក្ខណៈគ្រួសារ ក៏ដូចជាហានិភ័យខណៈពេលមិនចូលរួមធានារ៉ាប់រងសុខាភិបាល។ល។ ដំណាក់សុខាភិបាលបានសហការជាមួយគណៈ ផ្នែក អង្គការមហាជនឃុំ ភូមិចុះទៅតាមភូមិសាស្រ្តដោយផ្ទាល់ដើម្បីដំឡើងគណនីពិនិត្យនិងព្យាបាលជំងឺពីចម្ងាយ សៀវភៅអេឡិចត្រូនិកផ្ទាល់ខ្លួនសម្រាប់ប្រជាជនម្នាក់ៗ កៀរគរប្រជាជនចូលរួមធានារ៉ាប់រងសុខាភិបាលស្ម័គ្រចិត្ត។ បច្ចុប្បន្ន មានមនុស្ស៩.៩៧៦/៩.៥៨៩ នាក់ បានដំឡើងសៀវភៅសុខភាពអេឡិចត្រូនិក សម្រេចអត្រាជាង ១០៤%។ ប្រជាជនចូលរួមនិងប្រើប្រាស់កម្មវិធីពិនិត្យ ព្យាបាលជំងឺពីចម្ងាយ ៣.៩៦០/៩.៥៨៩នាក់ សម្រេចអត្រាជាង៤១%។ ប្រជាជនមានសៀវភៅពិនិត្យ ព្យាបាលជំងឺអេឡិចត្រូនិក គឺ៦.៧៧៩/៩.៥៨៩នាក់ សម្រេចអត្រាជាង៧០%។ បច្ចុប្បន្ន ដំណាក់សុខាភិបាលមានបុគ្គលិកក្នុងក្របខ័ណ្ឌ៦នាក់ ឆ្លើយតបតម្រូវការពិនិត្យ ព្យាបាលជំងឺជូនប្រជាជន។ មធ្យមភាគក្នុងមួយថ្ងៃពិនិត្យ ព្យាបាលជំងឺជូនប្រជាជនប្រហែល១៥ នាក់”។

កំពុងតែពិនិត្យជំងឺនៅដំណាក់សុខាភិបាលឃុំលឿងហ្វាA លោកថាច់យ័ញ នៅភូមិអូរល្បាប់ ឃុំលឿងហ្វាA ឱ្យដឹង៖ “កន្លងហើយ មានគណៈ ផ្នែក អង្គការមហាជននិងកម្មាភិបាលដំណាក់សុខាភិបាលឃុំទៅកៀរគរគ្រួសារខ្ញុំចូលរួមធានារ៉ាប់រងសុខាភិបាលពីព្រោះផលប្រយោជន៍នៃធានារ៉ាប់រងសុខាភិបាល ជួយឱ្យអ្នកជំងឺកាត់បន្ថយបានប្រាក់ចំណាយក្នុងការពិនិត្យ ព្យាបាល។ ដោយឃើញផលប្រយោជន៍នៃធានារ៉ាប់រងសុខាភិបាល ម្ល៉ោះហើយសមាជិកក្នុងគ្រួសារខ្ញុំទាំង៤នាក់ សុទ្ធតែចូលរួមធានារ៉ាប់រងសុខាភិបាល”។

តាមភាគកម្រិតរបស់ឃុំលឿងហ្វាA ក្នុងឆ្នាំ២០២៤ ឃុំខិតខំបង្កើនអត្រាប្រជាជនចូលរួមធានារ៉ាប់រងសុខាភិបាលសម្រេច៩៥%។ ដើម្បីសម្រេចអត្រានេះ បច្ចុប្បន្ន ឃុំបានចង្អុលការនិងចាត់គណៈកម្មាធិការបក្សទទួលរ៉ាប់រងភូមិសាស្រ្ត និងប្រគល់ភាគកម្រិតផ្សព្វផ្សាយ កៀរគរប្រជាជនចូលរួមធានារ៉ាប់រងសុខាភិបាលឱ្យសម្រេចនិងសម្រេចលើសផែនការ៕

សើុងម៉ាល័យ - ថាច់ធី

ចែករំលែកអត្ថបទ

ពាក្យគន្លឹះ