សន្តិសុខ - ការពារប្រទេស សន្តិសុខ

03/01/2023 - 16:35

គណៈប្រតិភូខេត្ត ក្រុងទាំងឡាយ បានបញ្ចប់កម្មវិធីទៅសួរសុខទុក្ខកងទ័ពនិងប្រជាជននៅតាមកោះនានា

កន្លងហើយថ្មីៗ គណៈប្រតិភូខេត្ត ក្រុង ទាំងឡាយនៅភូមិភាគខាងត្បូង បានបញ្ចប់កម្មវិធីទៅសួរសុខទុក្ខ និងប្រសិទ្ធពរនិទាឃរដូវដល់កម្មាភិបាល យុទ្ធជន និងប្រជាជននៅលើកោះនានានៃតំបន់សមុទ្រប៉ែកខាងលិចនៃភូមិភាគខាងត្បូង ដូចកោះដុក កោះណាមយូ កោះខ្វាយ កោះចូយ កោះធោចូ និងក្រុងភូក្វឹក។

អ្នកយកព័ត៌មាននៃទីភ្នាក់ងារសារព័ត៌មានមជ្ឈិមនិងភូមិភាគ ថតរូបអនុស្សាវរីយ៍
ជាមួយវរសេនីយ៍ឯក ឡុកឌឹកតៀង មេបញ្ជាការរងនៃកងទ័ពជើងទឹកតំបន់ ៥ ដែល
ជាប្រធានបេសកកម្ម។

ឆ្នាំនេះ កម្មវិធីមានការចូលរួមរបស់គណៈប្រតិភូចំនួន ១០ ខេត្ត ក្រុង មានដូចជាកឹងធើ, ដុងណាយ, កាម៉ាវ, ដុងថាប, តៀងយ៉ាង, ប៊ិញយឿង, សុកត្រាំង, បេនត្រែ, វិញឡុង, ត្រាវិញ; តំណាងធនាគារ HSCB, ក្លឹបយុវជនដើម្បីកោះសមុទ្រនៃមាតុភូមិ និងអ្នកយកព័ត៌មាន ២៤ នាក់នៃទីភ្នាក់ងារសារព័ត៌មានមជ្ឈិមនិងភូមិភាគ។ គណៈប្រតិភូក្រុងកឹងធើ អាស្រ័យលោកង្វៀងទ្រុងញឹង សមាជិកគណៈអចិន្ត្រៃយ៍នៃគណៈកម្មាធិការបក្សក្រុង ប្រធានគណៈកម្មាធិការរណសិរ្សមាតុភូមិវៀតណាមក្រុង ធ្វើជាប្រធានគណៈប្រតិភូ។

ក្នុងរយៈពេល ៥ ថ្ងៃ ចាប់ពីថ្ងៃទី ១៩ ដល់ថ្ងៃ ទី២៣ ខែធ្នូ គណៈប្រតិភូទាំងឡាយបានទៅសួរសុខទុក្ខ និងប្រសិទ្ធពរនិទាឃរដូវដល់អង្គភាពដែលឈរជើងលើកោះនានា គណៈកម្មាធិការបក្ស និងគណៈកម្មាធិការប្រជាជនឃុំនានានៅលើកោះ; ជូនអំណោយនិងបាសាំងទឹក ។ល។ ទន្ទឹមនឹងនោះ រៀបចំសកម្មភាពដោះដូរសិល្បៈ ចូលរួមវេចនំជឹងជាមួយកម្មាភិបាល យុទ្ធជននៃអង្គភាពនានា។

លោកវរសេនីយ៍ឯក ឡុកឌឹកតៀង មេបញ្ជាការរងនៃកងទ័ពជើងទឹកតំបន់ ៥ ជាប្រធានបេសកកម្ម បានវាយតម្លៃថា កម្មវិធីបានសម្រេចជោគជ័យ និងធានានូវសុវត្ថិភាព។ បណ្តាសកម្មភាពបានរួមចំណែករឹតបន្តឹងទំនាក់ទំនងរវាងកងទ័ពនិងប្រជាជន; សម្តែងនូវមនោសញ្ចេតនារបស់គណៈកម្មាធិការបក្ស រដ្ឋអំណាច អង្គការមហាជន និងប្រជាជននៃខេត្ត-ក្រុងទាំងឡាយ ចំពោះកងកម្លាំងដែលឈរជើងនៅលើកោះ។ល។ ឆ្លងតាមរយៈនោះ បាននាំមកនូវនិទាឃរដូវមុនពេលកំណត់ដល់អង្គភាពដែលឈរជើងនៅជួរមុខទាំងយប់ទាំងថ្ងៃ រក្សារឹងមាំតំបន់អាកាស តំបន់សមុទ្រនៃមាតុភូមិ៕

ដំណឹងនិងរូបថត៖ ផាមទ្រុង-សុផន

ចែករំលែកអត្ថបទ

ពាក្យគន្លឹះ