សុខភាព - អប់រំ អប់រំ

12/04/2022 - 10:22

លើកកម្ពស់គុណភាពអប់រំតំបន់ជនរួមជាតិខ្មែរ

ការងារអប់រំចាប់ពីកម្រិតអនុវិទ្យាល័យនិងវិទ្យាល័យ ជូនដល់កូនចៅជនរួមជាតិភាគតិច ពិសេសគឺជនរួមជាតិខ្មែរ តែងបានគណៈ ផ្នែក គ្រប់លំដាប់ថ្នាក់និងភូមិភាគនានានៅតំបន់វាលរាបទន្លេគឺវឡុង ផ្តោតការយកចិត្តទុកដាក់ពិសេស។ មិនត្រឹមតែប៉ុណ្ណោះ ការងារអប់រំ បណ្តុះបណ្តាលដល់ព្រះសង្ឃពុទ្ធសាសនាទក្ខិណនិកាយខ្មែរ ជាជំហានៗក៏អភិវឌ្ឍឆ្លើយតបទៅនឹងសំណូមពរនៃស្ថានភាពថ្មី។ អ្វីៗទាំងអស់បាននិងកំពុងតែរួមចំណែកយ៉ាងសកម្មក្នុងការលើកកម្ពស់គុណភាពអប់រំ លើកកម្ពស់កម្រិតប្រជាបញ្ញា និងគុណភាពជីវភាពជនរួមជាតិខ្មែរ។

ចំណាប់អារម្មណ៍ចំពោះសាលាជនជាតិអន្តេវាសិក ហីមឡាម

បើប្រៀបនឹងវិទ្យាល័យដទៃទៀតនៅខេត្តហូវយ៉ាង វិទ្យាល័យជនជាតិអន្តេវាសិកហីមឡាមនៅហូវយ៉ាង ដំណើរការមិនទាន់បានយូរប៉ុន្មានទេ ប៉ុន្តែសម្រេចបានស្នាដៃជាច្រើនគួរឱ្យកោតសរសើរ។ សមិទ្ធផលទាំងអស់នេះ បានមកពីការខិតខំដោយឥតឈប់ឈររបស់កងជួរកម្មាភិបាល គ្រូបង្រៀន បុគ្គលិក និងសិស្សានុសិស្ស។

ម៉ោងរៀនរបស់សិស្សសាសាជនជាតិអន្តេវាសិក។

លោកគ្រូឡឺស្វឹងហ្វាង នាយកវិទ្យាល័យជនជាតិអន្តេវាសិកហីមឡាម បង្ហើបឱ្យដឹង៖ “ខួបអនុស្សាវរីយ៍ ១០ ឆ្នាំបង្កើតសាលា សាលាមានកិត្តិយសបានគណៈកម្មាធិការប្រជាជនខេត្តហូវយ៉ាង ជូនទង់ប្រឡងប្រណាំង ជាអង្គភាពឈានមុខប្លុកវិទ្យាល័យ ព្រោះសម្រេចបានស្នាដៃឆ្នើមក្នុងការចលនាប្រឡងប្រណាំង “បង្រៀនល្អ រៀនល្អ” ឆ្នាំសិក្សា ២០២០-២០២១។ លើមូលដ្ឋាននោះ សាលាបានធ្វើបែបបទរួចរាល់ ដើម្បីខេត្តហូវយ៉ាងស្នើនាយករដ្ឋមន្ត្រីនៃរដ្ឋាភិបាល ជូនទង់ប្រឡងប្រណាំង។ នេះក៏ជាស្នាដៃដែល សាលាសម្រេចបានកាលពីឆ្នាំសិក្សា ២០១៨ -២០១៩” ។

អាចនិយាយបានថា នេះជាស្នាដៃគួរឱ្យចាប់អារម្មណ៍របស់សាលាដែលទើបបង្កើត ”ថ្មី”។ ដែលហៅថាសាលារៀន”ថ្មី”នោះ ពីព្រោះវិទ្យាល័យជនជាតិអន្តេវាសិកហីមឡាម បានអតីតប្រធានរដ្ឋ ង្វៀងមិញត្រៀក ជូនដល់ជនរួមជាតិភាគតិចក្នុងខេត្តហូវយ៉ាង ដោយប្រភពថវិកាក្រុមហ៊ុនភាគហ៊ុនហីមឡាម និងធនាគារឡៀងវៀត ធ្វើហិរញ្ញប្បទាន បានកសាងនិងបើកឱ្យប្រើប្រាស់ កាលពីឆ្នាំសិក្សា ២០១១-២០១២។ លោកគ្រូ វ៉ថាញម៉ុង ប្រធានការិយាល័យមន្ទីរអប់រំនិងបណ្តុះបណ្តាលខេត្តហូវយ៉ាង ឱ្យដឹង៖ “ថ្វីដ្បិតតែរយៈពេលដំណើរការមិនទាន់យូរប៉ុន្មានក៏ដោយ ប៉ុន្តែតារាងស្នាដៃរបស់សមូហភាព បុគ្គលនៅសាលាជនជាតិអន្តេវាសិកហីមឡាម គួរឱ្យចាប់អារម្មណ៍ណាស់។ ទើបតែដំណើរការ ១០ ឆ្នាំប៉ុណ្ណោះ ប៉ុន្តែសម្រេចបានស្នាដៃជាទង់ជ័យនាំមុខដល់ទៅ ២ លើក សម្រាប់ប្លុកវិទ្យាល័យទូទាំងខេត្តនិងទទួលបានទង់ប្រឡងប្រណាំងរបស់នាយករដ្ឋមន្ត្រីនៃរដ្ឋាភិបាលទៀតផង។ នេះជាសមិទ្ធផលរបស់សមូហភាព ក្នុងនោះ មានបុគ្គលលេចធ្លោនិងឆ្នើមៗជាច្រើន”។

ក្នុងដំណាក់កាលអភិវឌ្ឍវិទ្យាល័យជនជាតិអន្តេវាសិកហីមឡាម ជួបលំបាកអាស្រ័យទ្រង់ទ្រាយរបស់សាលាមានទំហំធំ ដោយមានបន្ទប់ទាំងអស់ចំនួន ៤៣ ក្នុងនោះ មានបន្ទប់រៀន បន្ទប់មុខងារ បន្ទប់មុខវិជ្ជា អន្តេវាសិកដ្ឋាន អាហារដ្ឋាន ពហុកីឡដ្ឋាន ។ល។ លើផ្ទៃដីសរុប ២៣.០០០ ម២។ ខណៈនោះ ប្រភពសិស្សជនជាតិខ្មែរនៅលើភូមិសាស្រ្តតិចតួច។ លោកគ្រូ វ៉ថាញ់ម៉ុង រៀបរាប់៖ “ក្រោយពីសូមយោបល់និងទទួលបានការឯកភាពរបស់ខេត្ត វិទ្យាល័យជនជាតិអន្តេវាសិកហីមឡាម ក៏បានជម្រើសសិស្សអនុវិទ្យាល័យនៅលើភូមិសាស្រ្ត។ ដូច្នេះ សាលាបណ្តុះបណ្តាលទាំង ២ ទម្រង់៖ គឺកម្រិតអនុវិទ្យាល័យផងនិងវិទ្យាល័យជនជាតិអន្តេវាសិកផង”។

លោកគ្រូ ឡឺស្វឹងហ្វាង មានប្រសាសន៍៖ “ទម្រង់ដែលវិទ្យាល័យជនជាតិអន្តេវាសិកហីមឡាមកំពុងអនុវត្តគឺទម្រង់ថ្មី ម្ល៉ោះហើយពិបាករៀនសូត្របទពិសោធន៍ដើម្បីយកមកអនុវត្តនៅសាលានេះណាស់។ ព្រោះហេតុនោះ ក្នុងដំណើរការសកម្មភាព សាលាត្រូវតែស្វែងយល់សិក្សាស្រាវជ្រាវ និងដកពិសោធន៍ជាប្រចាំដើម្បីធានាគុណភាពអប់រំ ថែទាំដល់សិស្សជនជាតិភាគតិចក្នុងសាលាឱ្យបានល្អ។ បញ្ហាមួយក្នុងចំណោមបញ្ហាសំខាន់ជាងគេរបស់សាលា គឺជ្រើសគ្រូបង្រៀនសមស្របដើម្បីទទួលបន្ទុកថ្នាក់ជនជាតិ”។ តាមប្រសាសន៍លោកគ្រូហ្វាង កម្មាភិបាលគ្រូបង្រៀន បុគ្គលិកទាំងអស់ដែលទទួលបន្ទុកបង្រៀន ថែទាំសិស្សជនជាតិសុទ្ធសឹងជាអ្នកមានស្នាដៃក្នុងការងារ ដូចជា៖ ទទួលបានកិត្តិនាមគ្រូបង្រៀនពូកែ យុទ្ធជនប្រឡងប្រណាំងគ្រប់លំដាប់ថ្នាក់ជាដើម។

គុណភាពអប់រំរបស់វិទ្យាល័យជនជាតិអន្តេវាសិកហីមឡាម រៀងរាល់ឆ្នាំតែងកើនឡើងជានិច្ច ម្ល៉ោះហើយទាក់ទាញសិស្សានុសិស្សចូលរៀនច្រើនកុះករ។ បងថាច់ង៉ុកវិញ ជាឪពុកប្អូនថាច់អាញ់ធឺ ផ្ទះនៅទីប្រជុំជនកៃតាក់ ឱ្យដឹង៖ “ក្រោយពីកូនបានចូលរៀនសាលាអន្តេវាសិក ឮកូនរៀបរាប់អំពីកន្លែងស្នាក់នៅ ហូបចុក និងការយកចិត្តទុកដាក់របស់លោកគ្រូ អ្នកគ្រូក្នុងសាលា ខ្ញុំមានអារម្មណ៍នឹងនរនិងគោរពដឹងគុណចំពោះសន្តានចិត្តរបស់លោកគ្រូ អ្នកគ្រូដែលគិតគូរដល់កូនខ្ញុំ”៕

ហាថាញ-វិមាន

ចែករំលែកអត្ថបទ

ពាក្យគន្លឹះ