វប្បធម៌-សិល្បៈ វប្បធម៌

14/03/2022 - 14:35

ក្លិបរាំវង់ភូមិកិញណាំ

រយៈពេលជាង ៤ ឆ្នាំមកនេះ ចាស់ៗនៅក្លិបរាំវង់ភូមិកិញណាំ ឃុំអាងមិញបាក់ ស្រុកអ៊ូមិញទឿង ខេត្តគៀងយ៉ាង បានហាត់ក្បាច់រាំប្រជាប្រិយខ្មែរដល់យុវជនជំនាន់ក្រោយនៅក្នុងនិងក្រៅភូមិ រួមចំណែករក្សានិងពង្រីកប្រពៃណីវប្បធម៌ជនរួមជាតិខ្មែរ។

សមាជិកក្លិបរាំវង់ខ្មែរភូមិកិញណាំ កំពុងពត់ពេនចាក់ក្បាច់រាំវង់ប្រជាប្រិយខ្មែរ។

បន្ទាប់ពីអនុវត្តគម្លាតសង្គម ជីវភាពបានវិលមកដូចដើមវិញ ក្លិបរាំវង់ភូមិកិញណាំក៏ដំណើរការឡើងវិញដែរ ក្រោយពីផ្អាកមួយរយៈ។ ទោះបីមានវ័យ ៧០ ឆ្នាំក៏ដោយ ប៉ុន្តែលោកពូយ័ញធីម នៅភូមិកិញណាំ ជាអ្នកមានប្រជាប្រិយក្នុងជនរួមជាតិខ្មែរ នៅតែបញ្ចេញកាយវិកាយចាក់ក្បាច់រាំវង់យ៉ាងទន់ភ្លន់ រួមជាមួយសមាជិកក្នុងក្លិប។ លោកពូយ័ញធីម សប្បាយចិត្តពេលបានចូលរួមច្រៀងរាំជាមួយមាមីងកូនក្មួយក្នុងក្លិបនូវបទច្រៀង ក្បាច់រាំប្រជាប្រិយរបស់ជនរួមជាតិខ្មែរ។

លោកពូយ័ញធីម ឱ្យដឹង៖ “ក្បាច់រាំប្រជាប្រិយខ្មែរ សុទ្ធសឹងនាំមកនូវភាពសប្បាយរីករាយ តាមរយៈការបញ្ចេញកាយវិការដៃជើង ស៊ីសង្វាក់គ្នា រស់រវើកតាមចង្វាក់ភ្លេង។ ការរាំទៀតសោត ចួនកាលរាំបន្តបន្ទាប់គ្នាជុំវិញតុផ្កា ឬរាំជាជួរ ហើយមិនកំណត់ចំនួនអ្នករាំទេ។ រាំវង់ប្រជាប្រិយខ្មែរជាចំណែកមួយដ៏សំខាន់ក្នុងការប្រជុំជីវភាពសមូហភាព ផ្សារភ្ជាប់ជាមួយនឹងជីវភាពប្រចាំថ្ងៃ ក៏ដូចជាពិធីបុណ្យទានផ្សេងៗ មានចូលឆ្នាំថ្មី សែនដូនតា អកអំបុក ឬពិធីប្រពៃណីផ្សេងៗទៀតរបស់ជនរួមជាតិខ្មែរ”។

លោកពូយ័ញធីម និងអ្នកមីងធីសៀង រាំបង្ហាញពីក្បាច់រាំប្រជាប្រិយរបស់ជនរួមជាតិខ្មែរ ដើម្បីយុវជនក្នុងក្លិបរៀនតាម។

ហេតុនេះ រយៈពេលកន្លង លោកពូយ័ញធីម និងអ្នកមីងធីសៀង នៅភូមិកិញណាំ មិនធុញទ្រាន់នឹងការលំបាកនឿយហត់ បានជួយបង្ហាត់រាំច្រៀងប្រជាប្រិយខ្មែរដល់យុវជនជំនាន់ក្រោយ។ អ្នកមីងសៀង រៀបរាប់៖ “ភាគច្រើនយុវជនក្នុងភូមិ ទោះបីចូលចិត្តរាំច្រៀង តែពួកគេមិនទាន់បានរៀនពីក្បាច់រាំ ទំនុកច្រៀងប្រជាប្រិយរបស់ជនជាតិបានត្រឹមត្រូវនោះទេ ហេតុនេះ ខ្ញុំចេះខ្លះៗក៏ជួយបង្ហាត់បង្ហាញកូនក្មួយទៅ។ បញ្ហាលំបាកសព្វថ្ងៃ គឺក្លិបគ្មានថវិកាទិញឧបករណ៍ភ្លេង និងសម្លៀកបំពាក់ខ្មែរ ដើម្បីបម្រើក្នុងឱកាសធ្វើសកម្មភាព”។

ខ្វះឧបករណ៍ភ្លេង លោកពូយ័ញធីម ក៏យកសម្ភារៈប្រើប្រាស់ប្រចាំថ្ងៃ ដូចជាលលាដ៍ដូង ធុងជ័រ គោះជាចង្វាក់ភ្លេងសម្រាប់បង្ហាត់រាំ ច្រៀង។ ទោះបីជួបការលំបាក ប៉ុន្តែយុវជនក្នុងក្លិបសប្បាយរីករាយនៅពេលបានចូលរួមរាំច្រៀង។ ប្អូនធីប៊ិតទីវ សមាជិកក្លិបរាំវង់ភូមិ កិញណាំ ទោះធ្វើការនៅក្រុមហ៊ុនឆ្ងាយពីផ្ទះ តែពេលមកផ្ទះម្ដងៗស្របឱកាសក្លិបប្រជុំជីវភាព ឬក្នុងឱកាសថ្ងៃបុណ្យទាន គឺប៊ិតទីវ តែងចូលរួមរាំច្រៀងជាមួយសមាជិកក្លិបជានិច្ច។ “ប្អូនបានពូមីង គាត់ជួយហាត់ឱ្យចេះរាំច្រៀង និងបានទៅរាំច្រៀងបម្រើក្នុងឱកាសថ្ងៃបុណ្យទានក្នុងភូមិស្រុក ម្ល៉ោះហើយប្អូនចូលចិត្តណាស់” - ប៊ិតទីវ បានរៀបរាប់ដូច្នេះ៕

យោងតាមកាសែតគៀងយ៉ាង-ពេជ្រសឿន

ចែករំលែកអត្ថបទ

ពាក្យគន្លឹះ