សុខភាព - អប់រំ អប់រំ

03/01/2022 - 08:13

ជួយសិស្សានុសិស្សជម្នះលំបាករៀនសូត្របានល្អ

គាំទ្រកម្មវិធី “សេវាអីុនធឺណិតនិងម៉ាស៊ីនកុំព្យូទ័រសម្រាប់ប្អូនៗ” សម្ព័ន្ធប្រៃសណីយ៍និងទូរគមនាគមន៍វៀតណាម (VNPT) បានជំនួយថេប្លេតដល់សិស្សានុសិស្សដែលមានស្ថានភាពលំបាកលើភូមិសាស្រ្តខេត្តសុកត្រាំង។

សិស្សានុសិស្សទទួលថេប្លេតនិងស៊ីមកាត Vinaphone ៤G។

កម្មវិធី “សេវាអីុនធឺណិតនិងម៉ាស៊ីនកុំព្យូទ័រសម្រាប់ប្អូនៗ” អាស្រ័យនាយករដ្ឋមន្រ្តីនៃរដ្ឋាភិបាល បំផុសនៅថ្ងៃ ១៩/២/ ២០២១ យោងតាមនោះ ក្រសួងព័ត៌មាន និងសារគមនាគមន៍ សហការជាមួយក្រសួងអប់រំ និងបណ្តុះបណ្តាលរួមជាមួយគ្រប់ភូមិភាគរៀបចំអនុវត្ត។ មកទល់នឹងបច្ចុប្បន្ន សម្ព័ន្ធប្រៃសណីយ៍និងទូរគមនាគមន៍វៀតណាម បានជំនួយថេប្លេតចំនួន ៣៧.០០០ គ្រឿង និងស៊ីមកាត ៤G ចំនួន៣៧.០០០ ដល់សិស្សានុសិស្សដែលមានស្ថានភាពលំបាកក្នុងទូទាំងប្រទេស គិតជាទឹកប្រាក់សរុបជាង ១០០ ពាន់លានដុង។ ដោយឡែកនៅខេត្តសុកត្រាំង សិស្សដែលជួបការលំបាកចំនួន ២.៦៣៧ នាក់ ក៏ទទួលបានថេប្លេត និងស៊ីមកាត Vinaphone 4G គិតជាតម្លៃទឹកប្រាក់សរុប ៧ ពាន់លានដុង។ តាមប្រសាសន៍លោកង្វៀងខាក់ពុង ប្រធានតំណាងសម្ព័ន្ធVNPT ប្រចាំនៅខេត្តសុកត្រាំង បានឱ្យដឹង៖ កម្មវិធីនេះមានអត្ថន័យមនុស្សធម៌យ៉ាងជ្រាលជ្រៅ ម៉្លោះហើយកម្មាភិបាល បុគ្គលិករបស់សម្ព័ន្ធ VNPT បានព្រួតដៃរួមចំណែកជួយប្អូនៗសិស្សានុសិស្សរៀនសូត្របានល្អ។ អំណោយទាំងនេះ គឺជាកម្លាំងចលករដើម្បីជួយប្អូនៗសិស្សានុសិស្សដែលមានស្ថានភាពលំបាកមានលក្ខណៈរៀនសូត្រក្លាយជាពលរដ្ឋល្អនៅអនាគត។

ទន្ទឹមនឹងនោះ សម្ព័ន្ធ VNPT នៅទាំងឈានដល់ការគ្របដណ្តប់សេវាអីុនធឺណិតនៅតំបន់ដែលពុំទាន់មានសេវាទៅដល់និងលើកកម្ពស់គុណភាពសេវាអីុនធឺណិត សំដៅអនុវត្តទិសដៅឌីជីថលក្នុងការសិក្សា។ ប្អូនឡឹមធីត្រាមី សិស្សថ្នាក់ទី ៩ សាលាអនុវិទ្យាល័យតឹងហឹង ស្រុកឡុងភូ ឱ្យដឹង៖ “ទទួលបានថេប្លេត និងស៊ីមកាត ៤G ប្អូនពិតជាសប្បាយចិត្តខ្លាំងណាស់។ នេះគឺជាអំណោយដ៏វិសេសវិសាលនិងចាំបាច់ណាស់ ពីព្រោះជួយឱ្យប្អូនមានម៉ាស៊ីនសម្រាប់រៀនសូត្រ សម្រាលបានបន្ទុកដល់គ្រួសារ។ អំណោយគឺជាប្រភពកម្លាំងជំរុញស្មារតីប្អូននិងមិត្តភក្តិខិតខំប្រឹងប្រែងរៀនសូត្រឱ្យបានល្អ ដើម្បីអនាគតបានភ្លឺស្វាងនិងល្អប្រសើរ”។

តាមប្រសាសន៍លោកស្រីហ្វិនធីយ៉ីមង៉ុក អនុប្រធានគណៈកម្មាធិការប្រជាជនខេត្តសុកត្រាំង រយៈពេលកន្លង ខេត្តបានរៀបចំចលនា អំពាវនាវរាល់ប្រភពកម្លាំងក្នុងសហគមន៍ ដើម្បីផ្គត់ផ្គង់ឧបត្ថម្ភម៉ាស៊ីនកុំព្យូទ័រ ឧបករណ៍បច្ចេកវិទ្យាមូលដ្ឋានគ្រឹះបច្ចេកវិទ្យា សេវាទូរគមនាគមន៍ដល់សិស្សានុសិស្សដែលមានស្ថានភាពលំបាកមិនទាន់ទទួលបានក្នុងលើកនេះ។ ការដែលសម្ព័ន្ធ VNPTឧបត្ថម្ភថេប្លេត ភ្ជាប់ដោយស៊ីមកាត ៤G និងកញ្ចប់ថ្លៃសេវាដល់សិស្សានុសិស្សដែលមានស្ថានភាពលំបាករបស់ខេត្ត មិនត្រឹមតែជួយសិស្សានុសិស្សដែលមានស្ថានភាពលំបាកនៅតំបន់ឆ្ងាយដាច់ស្រយាលមានលក្ខណៈរៀនសូត្របានល្អប៉ុណ្ណោះទេ នៅទាំងរួមចំណែកជួយដល់ផ្នែកអប់រំជម្នះលំបាក ដោយសារផលប៉ះពាល់នៃជំងឺរាតត្បាត អនុវត្តសម្រេចភារកិច្ចឆ្នាំសិក្សា ២០២១-២០២២៕

ចែករំលែកអត្ថបទ

ពាក្យគន្លឹះ