វប្បធម៌-សិល្បៈ វប្បធម៌

29/11/2021 - 08:06

ពង្រីកតម្លៃវប្បធម៌ប្រពៃណីផ្សារភ្ជាប់នឹងទេសចរណ៍

ខេត្តគៀងយ៉ាង ទើបតែផ្សព្វផ្សាយផែនការលេខ ១៤៦/KH-UBND អនុវត្តគម្រោង “អភិរក្ស និងពង្រីកតម្លៃវប្បធម៌ប្រពៃណីដ៏ល្អរបស់ជនជាតិភាគតិច ផ្សារភ្ជាប់នឹងការអភិវឌ្ឍទេសចរណ៍”។ រយៈពេលនៃការអនុវត្តគម្រោងចាប់ពីឆ្នាំ ២០២២ ដល់ឆ្នាំ ២០២៥។

សកម្មភាពសិល្បៈ កីឡាប្រពៃណីរបស់ជនរួមជាតិខ្មែរនៅពិធីបុណ្យអកអំបុក ខេត្តគៀងយ៉ាង ត្រូវបានចាត់តាំងឡើងនៅស្រុកហ្គក្វាវនឹងបានគម្រោងឧបត្ថម្ភ (រូបថតកាលជំងឺ COVID-១៩ មិនទាន់ផ្ទុះរាលដាល)។

យោងតាមប្រសាសន៍លោកយ័ញភុក ប្រធានគណៈជនជាតិខេត្តគៀងយ៉ាង គម្រោងនេះផ្តោតលើការអភិរក្ស និងពង្រីកតម្លៃវប្បធម៌ប្រពៃណីរបស់ជនជាតិភាគតិច។ ផ្តើមពីនោះ កសាងជីវភាពវប្បធម៌ស្មារតីតំបន់ជនជាតិភាគតិច បំពេញតាមតម្រូវការជាក់ស្តែង។ ក្រៅពីកសាងប្រព័ន្ធគោលនយោបាយសមស្រប គម្រោងនេះក៏ផ្តល់អាទិភាពដល់អ្នកដែលសកម្មក្នុងការអភិរក្ស និងពង្រីកតម្លៃវប្បធម៌ប្រពៃណី។ ស្តីពីខ្លឹមសារនៃការពង្រីកវប្បធម៌របស់ជនជាតិខ្មែរ គម្រោងមានខ្លឹមសារឧបត្ថម្ភសកម្មភាពរបស់ក្រុមសិល្បៈ ប្រពៃណីក្នុងសហគមន៍ភូមិស្រុកខ្មែរ; កសាងមជ្ឈមណ្ឌលសំដែងវប្បធម៌ សិល្បៈខ្មែរនៅរមណីយដ្ឋានបេតិកភ័ណ្ឌមូយណាយ (ក្រុងហាតៀង)។ គម្រោងនៅទាំងផ្តោតការកសាងខ្លឹមសារ ដោយបោះពុម្ពសៀវភៅ និងថតភាពយន្តឯកសារអំពីវប្បធម៌ប្រពៃណីរបស់ជនរួមជាតិខ្មែរ។ ខ្លឹមសារទាំងនេះនឹងត្រូវបានបោះពុម្ពផ្សាយ និងចែកចាយដល់សហគមន៍។ល។

លោកយ័ញតៀង សិប្បករឆ្នើមនៅឃុំឌិញហ្វា ស្រុកហ្គក្វាវ មានសេចក្តីរំភើបឱ្យដឹង៖ “ក្នុងផែនការរបស់គម្រោង ខ្ញុំឃើញមានមួយចំណែកឧបត្ថម្ភដល់ការអភិរក្សពិធីបុណ្យអកអំបុកនៅខេត្តគៀងយ៉ាង ដែលប្រារព្ធឡើងនៅស្រុកហ្គក្វាវ តាមទិសដៅទាញយកផលនិងកសាងផលិតផលសម្រាប់អភិវឌ្ឍទេសចរណ៍។ ដើម្បីអភិរក្សពិធីបុណ្យត្រូវមានវណ្ណកម្មបង្កើនកម្រិត ឆ្លងតាមរយៈការឧបត្ថម្ភដល់ក្រុមសិល្បៈមហាជន និងចលនាកីឡាអប់រំកាយប្រពៃណី។ ព្រមជាមួយនោះ ឧបត្ថម្ភសម្ភារៈ មធ្យោបាយ ឧបករណ៍ដល់បណ្តាក្រុមសិល្បៈ និងក្រុមកីឡា។ល។ ដើម្បីហាត់សមជាប្រចាំ។ ភាពទាក់ទាញនៃពិធីបុណ្យអកអំបុកនៅស្រុកហ្គក្វាវរយៈពេលកន្លង គឺជាបុព្វបទដ៏សំខាន់ដើម្បីយើងជឿជាក់ថា ខ្លឹមសារនេះរបស់គម្រោងនឹងទទួលបានជោគជ័យ”។

យោងតាមប្រសាសន៍លោកយ័ញភុក ឆ្លងតាមរយៈនៃការស្ទង់មតិវាយតម្លៃផលប៉ះពាល់ គម្រោងនេះទទួលបានការឯកភាពពីជនជាតិភាគតិចទាំងអស់។ អ្នកស្រីធីបឹង នៅឃុំឌិញអាង បានឱ្យដឹង៖ “ខ្ញុំបានឮថា រដ្ឋនឹងរៀបចំពិធីបុណ្យអកអំបុកកាន់តែធំជាងទៀត ហេតុនេះនរណាក៏រីករាយទាំងអស់។ បានរដ្ឋយកចិត្តទុកដាក់ថែរក្សា និងលើកតម្កើងវប្បធម៌ប្រពៃណីជនរួមជាតិខ្មែរដឹងគុណដល់រដ្ឋណាស់”៕

ហាថាញ-បកប្រែ៖ សុផន

ចែករំលែកអត្ថបទ

ពាក្យគន្លឹះ