សន្តិសុខ - ការពារប្រទេស សន្តិសុខ

12/04/2021 - 19:56

អំណរឆ្នាំថ្មី មិនភ្លេចបង្ការប្រឆាំងជំងឺ COVID-១៩

បច្ចុប្បន្ន ថ្វីបើស្ថានភាពជំងឺ COVID-១៩ ក្នុងប្រទេសបានស្ងាត់បន្តិចក៏ពិតមែន ប៉ុន្តែពុំមែនដូច្នោះ គ្រប់ភូមិភាគ គណៈ ផ្នែកគ្រប់លំដាប់ថ្នាក់ ប្រហែសធ្វេសក្នុងការងារបង្ការប្រឆាំងជំងឺឆ្លងនោះទេ។ ស្ថិតក្នុងស្ថានភាពរួមនោះ ជនរួមជាតិខ្មែរណាមបូ ធានាបាននូវការអំណរបុណ្យឆ្នាំថ្មីប្រកបដោយសុវត្ថិភាព។

កម្លាំងនគរបាលរួមជាមួយនឹងរដ្ឋអំណាចភូមិភាគ ចុះទៅផ្សព្វផ្សាយបង្ការ ប្រឆាំងជំងឺ COVID-១៩ នៅគ្រួសារលោកថាច់ធូ នៅឃុំតឹងមី ស្រុកត្រាអូង ខេត្តវិញឡុង។ រូបថត៖ ថាញ់ង្វៀង

យោងតាមថេរដីកាព្រះតេជព្រះគុណ តាំងសាវង្ស អនុប្រធានសមាគមព្រះសង្ឃសាមគ្គីស្នេហាជាតិខេត្តបាកលីវ ៖ សមាគមនិងរដ្ឋអំណាចគ្រប់លំដាប់ថ្នាក់ក្នុងខេត្ត បានជំរុញការងារផ្សព្វផ្សាយអំពីបង្ការប្រឆាំងជំងឺ COVID-១៩ ជូនដល់ពុទ្ធបរិស័ទ។ ជាពិសេស ប៉ុន្មានថ្ងៃជិតដល់ចូលឆ្នាំថ្មីប្រពៃណីខ្មែរ ព្រះចៅអធិការនិងគណៈកម្មការនៅតាមវត្ត តែងតែរំលឹកពុទ្ធបរិស័ទពេលមកកាន់វត្តត្រូវអនុវត្តតាមសារ ៥K ។ នៅតាមវត្តអារាម ត្រូវរៀបចំឱ្យមានអាល់កុលលាងដៃទុកនៅច្រើនកន្លែង មាមីងពុទ្ធបរិស័ទជាអាណិកជន ពេលវិលមកស្រុកកំណើតអំណរបុណ្យចូលឆ្នាំថ្មីត្រូវរាយការណ៍អំពីសុខភាព ឬធ្វើចត្តាឡីស័កតាមសេចក្ដីកំណត់ ដើម្បីធានាសុខភាពផ្ទាល់ខ្លួននិងសហគមន៍។

នៅខេត្តត្រាវិញ ផ្នែកសមត្ថកិច្ចខេត្តសហការជាមួយនឹងរដ្ឋអំណាចភូមិភាគ ចាត់តាំងផ្សព្វផ្សាយក្នុងជនរួមជាតិខ្មែរស្ដីពីការងារបង្ការប្រឆាំងជំងឺ COVID-១៩ ត្រូវតាមសេចក្ដីកំណត់។ លោកថាច់មុនី អនុប្រធានគណៈជនជាតិខេត្តត្រាវិញ ឱ្យដឹង៖ គណៈជនជាតិបានចុះទៅសួរសុខទុក្ខផ្ទាល់ដល់អ្នកមានប្រជាប្រិយក្នុងជនរួមជាតិខ្មែរ ៤៤៩ នាក់។ ព្រមជាមួយនោះ និមន្តព្រះចៅអធិការចំនួន ១៤៣ វត្តសហការផ្សព្វផ្សាយអំពីបង្ការ ប្រឆាំងជំងឺ COVID-១៩។ គ្រួសារណាមានសាច់ញាតិនៅបរទេស ពេលវិលមកភូមិភាគអំណរបុណ្យចូលឆ្នាំថ្មី គឺត្រូវរាយការណ៍អំពីសុខភាព។ "ដើម្បីបង្ការ ប្រឆាំងជំងឺប្រកបដោយសុវត្ថិភាព ប្រសិទ្ធភាព បុណ្យចូលឆ្នាំថ្មីរបស់ជនរួមជាតិខ្មែរនៅខេត្តត្រាវិញឆ្នាំនេះ ចាត់តាំងឡើងដោយទ្រង់ទ្រាយសមល្មម មិនមានមនុស្សកុះករដូចជាប៉ុន្មានឆ្នាំមុនៗ។ កាត់បន្ថយរាល់សកម្មភាពលេងកម្សាន្ត រក្សាត្រឹមតែលក្ខណៈវប្បធម៌ប្រពៃណី" លោកថាច់មុនី ឱ្យដឹងដូច្នោះ។

វរសេនីយ៍ទោ ថាច់សុហ្វិន នគរបាលស្រុកត្រាអូង ខេត្តវិញឡុង ឱ្យដឹង៖ ប៉ុន្មានថ្ងៃកន្លង គ្រប់អង្គភាពវិជ្ជាជីវៈនគរបាលខេត្ត សហការជាមួយនឹងរដ្ឋអំណាចភូមិភាគ ចលនាព្រះសង្ឃ គណៈកម្មការវត្ត ពុទ្ធបរិស័ទ អ្នកមានប្រជាប្រិយក្នុងជនរួមជាតិខ្មែរ សំដៅផ្សព្វផ្សាយបង្ការ ប្រឆាំងជំងឺ COVID-១៩។ ចំពោះព្រះសង្ឃនិមន្តទៅសិក្សាតាមនានាវត្ត វិលត្រឡប់មកពីបរទេស កូនចៅទៅរកស៊ីនៅកន្លែងដែលកើតមានជំងឺឆ្លង ពេលវិលត្រឡប់មកភូមិភាគត្រូវរាយការណ៍អំពីសុខភាពតាមសេចក្ដីកំណត់។ លោកថាច់ធូ នៅឃុំតឹងមី ស្រុកត្រាអូង មានកូនកំពុងរស់នៅបរទេស។ បានកម្លាំងនគរបាលសហការជាមួយនឹងរដ្ឋអំណាចភូមិភាគចុះមកសួរសុខទុក្ខ ផ្សព្វផ្សាយអំពីបង្ការ ប្រឆាំងជំងឺ COVID-១៩ គាត់សន្យានឹងអនុវត្តត្រឹមត្រូវតាមសេចក្ដីកំណត់អំពីការរាយការណ៍អំពីសុខភាព ខណៈពេលមានសាច់ញាតិនៅបរទេស វិលត្រឡប់ភូមិកំណើតអំណរបុណ្យចូលឆ្នាំថ្មី។ “នេះជាការងារធ្វើជាក់ស្ដែងរបស់កម្លាំងនគរបាលក្នុងការបង្ការ ប្រឆាំងឆ្លងដែនខុសច្បាប់ សំដៅលើកកម្ពស់ស្មារតី ភារកិច្ចរបស់ប្រជាជន ព្រួតដៃជាមួយនឹងផ្នែកសមត្ថកិច្ច ម្ចាស់ការបង្ការ ប្រឆាំងជំងឺ COVID-១៩ មិនទុកឱ្យជំងឺឆ្លងរាលដាលក្នុងសហគមន៍" លោកថាច់ធូ បានចែករំលែកដូច្នោះ៕

ប្រែសម្រួល៖ ថាច់ធី

ចែករំលែកអត្ថបទ

ពាក្យគន្លឹះ