03/11/2020 - 08:41

កង​ទ័ព​ការ​ពារ​ព្រំ​ដែន​រួម​កម្លាំង​កសាង​ជន​បទ​ថ្មី​

ដោយ​កំ​ណត់​តួនា​ទីដ៏​សំ​ខាន់​របស់​ប្រ​ជា​ជន​ក្នុង​ការ​ការ​ពារ​អធិ​បតេយ្យ​ សន្តិ​សុខ​ព្រំ​ដែន​ជាតិ​ រយៈ​ពេល​កន្លង​ កម្មា​ភិបាល​ យុទ្ធ​ជន​ប៉ុស្តិ៍​ការ​ពារព្រំ​ដែន​ខាញ់​តៀង​ (ស្រុក​អ៊ូមិញ​ ខេត្ត​កាម៉ាវ) បាន​អនុវត្ត​ល្អ​នូវ​ការ​ចលនា​មហា​ជន​ បង្កើន​ការ​ច្បាម​ភូមិ​សាស្រ្ត​ ទទួល​ទាន​រួម​ រស់​នៅ​រួម​ ធ្វើ​ការ​រួម​ជាមួយ​ប្រ​ជា​ជន​ ជួយ​ប្រ​ជា​ជន​ចាក​ផុត​ពី​ភាព​ក្រី​ក្រ និង​រួម​ចំ​ណែ​ក​ជាមួយ​នឹង​ភូមិ​ភាគ​កសាង​ជន​បទ​ថ្មី​សម្រេច​ជោគ​ជ័យ​។​

កម្មា​ភិបាល​ យុទ្ធ​ជន​ប៉ុស្តិ៍​ការ​ពារ​ព្រំ​ដែន​ខាញ់​តៀង​ ជួយ​ប្រ​ជា​ជន​ជួស​ជុល​ផ្ទះ​សម្បែង​។​

ស្លាក​ស្នាមនៃ​យុទ្ធ​ជន​ពាក់​សក្តិ​ខៀវ​

 លោក​ង្វៀន​ថា​ញវ៉ូវ លេខា​គណៈ​កម្មា​ធិការ​បក្ស​ឃុំ​ខាញ់​តៀង​ (ស្រុក​អ៊ូមិញ​) ឱ្យ​ដឹង​ ឃុំ​មាន​ភូមិ​ចំ​នួន​ ១២​ (ក្នុង​នោះ​មាន​ភូមិ​ជាប់​មាត់​សមុទ្រ​ចំ​នួន​ ៨ ) មាន​លក្ខណៈ​ងាយ​ស្រួល​ក្នុង​ការ​អភិវឌ្ឍ​សេដ្ឋ​កិច្ច​កសិ-រុក្ខ​-នេសាទ​កម្ម​។​ រយៈ​ពេល​កន្លង​ គណៈ​កម្មា​ធិការ​បក្ស​និង​គណៈ​កម្មា​ធិការ​ប្រ​ជា​ជន​ឃុំ​ បាន​សហកា​រយ៉ាង​ជិត​ស្និទ្ធ​ជា​មួយ​នឹង​ប៉ុស្តិ៍​ការ​ពារ​ព្រំ​ដែន​ខាញ់​តៀង​ ផ្សព្វ​ផ្សាយ​អនុវត្ត​បាន​ល្អ​នូវ​ខ្លឹម​សារ​”ទិវា​ការ​ពារ​ព្រំ​ដែន​ទូទាំង​ប្រ​ជា​ជន​” យោ​ងតាម​កិច្ច​ចង្អុល​ការ​របស់​ថ្នាក់​លើ និង​ស្ថាន​ភាព​ជាក់​ស្តែង​របស់​ភូមិ​ភាគ​ ដើម្បី​ធ្វើ​ឱ្យ​ជាក់​ស្តែង​ទៅ​ជា​ទិស​ដៅ​ភារ​កិច្ច​ គោល​ការណ៍​វិធាន​ការ​ដឹក​នាំ ចង្អុល​ការ​ ចាត់​តាំង​អនុវត្ត​មាន​ប្រ​សិ​ទ្ធភាព​ក្នុង​ការ​អភិវឌ្ឍ​សេដ្ឋ​កិច្ច​-សង្គម​ ពង្រឹង​ការ​ពារ​ប្រ​ទេស​ សន្តិ​សុខ​និង​កសាង​ជន​បទ​ថ្មី​នៅ​លើ​ភូមិ​សាស្រ្ត​។​

ខាញ់​តៀង​ បាន​ទទួល​ស្គាល់​ជា​សម្រេច​បទ​ដ្ឋាន​ជន​បទ​ថ្មី​កាល​ពី​ចុង​ឆ្នាំ​ ២០១៩ ។​ ផ្លូវ​គមនា​គមន៍​ជន​បទ​ត្រូវ​បាន​ក្រាល​បេ​តុង​យ៉ាង​រឹង​មាំ តភ្ជាប់​ពី​ភូមិ​មួយ​ទៅ​ភូមិ​មួយ​។​ បំ​ផុត​គឺនៅ​តាម​បណ្តោយ​មាត់​សមុទ្រ​ខាង​លិច​មាន​ប្រ​វែង​ជិត​ ២០ គីឡូ​ម៉ែ​ត្រ បាន​ក្រាល​បេ​តុង​រួច​រាល់​ ទំ​ហំ​ផ្លូវ​ ៥ ម៉ែត្រ តភ្ជាប់​ពី​ទំ​នប់​ទឹក​តេវ​យឿ ឆ្ពោះ​ទៅ​ហឿង​ម៉ាយ​ និង​មជ្ឈ​មណ្ឌល​ឃុំ​។​ ក្រៅ​ពី​នោះ​ នៅ​តាម​ដង​ផ្លូវ​តភ្ជាប់​ភូមិ​ មាន​ផ្ទះ​ឥដ្ឋ​បាន​សាង​សង់​ឡើង​ជាបន្ត​បន្ទាប់​ ញុាំង​ឱ្យ​មុខ​មាត់​ជន​បទ​កាន់​តែផ្លាស់​ថ្មី​ពី​មួយ​ថ្ងៃ​ទៅ​មួយ​ថ្ងៃ​។​

លទ្ធ​ផល​ខាង​លើ​ មាន​ការ​រួម​ចំ​ណែក​យ៉ាង​សកម្ម​របស់​កម្មា​ភិបាល​ យុទ្ធ​ជន​ប៉ុស្តិ៍​ការ​ពារ​ព្រំ​ដែន​ខាញ់​តៀង​។​ “ជាច្រើន​ឆ្នាំ​មក​នេះ​ មាន​កម្មា​ភិបាល​ យុទ្ធ​ជន​រាប់​រយ​លើក​នាក់ រួម​ជាមួយ​នឹង​ប្រ​ជា​ជន​ជីក​ដី​ទប់​ធ្វើ​ផ្លូវ​។​ ពេល​មាន​ផ្លូវ​ដី​ធ្វើ​ដំណើរ​ទៅ​មក​ បង​ៗ​កង​ទ័ព​បន្ត​ចលនា​ប្រ​ជា​ជន​រួម​វិភាគ​ទាន​ប្រាក់​ កម្លាំង​ពលកម្ម​ ដើម្បី​រួម​ជា​មួយ​នឹង​ភូមិ​ភាគ​កសាង​ផ្លូវ​គមនា​គមន៍​។​ បច្ចុប្បន្ន​ ឃុំ​មាន​ផ្លូវ​ជន​បទ​រាប់​សិប​គីឡូ​ម៉ែត្រ ត្រូវ​បាន​ក្រាល​បេ​តុង​រួច​រាល់​ តភ្ជាប់​ពី​មជ្ឈ​មណ្ឌល​ឃុំ​ទៅ​ ភូមិ​នា​នា​” - លោក​ង្វៀន​ថាញ់​វ៉ូវ ឱ្យ​ដឹង​ដូច្នេះ​។​

កសាង​ជំ​ហរ​យុទ្ធ​សាស្រ្ត​ការ​ពារ​ព្រំ​ដែន​ទូទាំង​ប្រ​ជា​ជន​រឹង​មាំ

វរសេនី​យ៍ទោ យឿងវ៉ាន់​ក្វី ប្រ​ធាន​ប៉ុស្តិ៍​ការ​ពារ​ព្រំ​ដែន​ខាញ់​តៀង​ ឱ្យ​ដឹង​៖ ច្រើន​ឆ្នាំ​កន្លង​ អង្គ​ភាព​បាន​សហការ​យ៉ាង​ជិត​ស្និទ្ធ​ ផ្សព្វ​ផ្សាយ​ព្រម​ៗ​គ្នា​នូវ​វិធាន​ការ​ការ​ពារ​ព្រំ​ដែន​ សម្រេច​ភារ​កិច្ច​នយោ​បាយ​ដែល​ថ្នាក់​លើ​ប្រ​គល់​ឱ្យ​បាន​ល្អ​ប្រ​សើរ​។​ សកម្ម​ចូល​រួម​ជាមួយ​នឹង​រដ្ឋ​អំ​ណាច​ភូមិ​ភាគ​ ធ្វើ​បាន​ល្អ​ការ​អភិវឌ្ឍ​សេដ្ឋ​កិច្ច​-សង្គម​ ផ្សារភ្ជាប់​នឹង​កសាង​ជន​បទ​ថ្មី​។​ ដើម្បី​អនុវត្ត​ល្អ​ភារ​កិច្ច​នេះ​ រៀង​រាល់​ថ្ងៃ​ក្រុម​ការ​ងារ​របស់​អង្គ​ភាព​ តែង​ច្បាម​ភូមិ​សាស្រ្ត​ ដោះ​ដូរ​បទ​ពិសោធន៍ជា​មួយ​នឹង​ប្រ​ជា​ជន​អំ​ពី​របៀប​ដាំ​ដុះ​ ចិញ្ចឹម​សត្វ​ ធ្វើ​យ៉ាង​ណា​ដើម្បី​នាំ​មក​ប្រសិទ្ធ​ភាព​។​ តួយ៉ាង​ដូច​ គ្រួ​សារ​លោក​ឡេ​ថា​ញ់ហុង​ គ្រួ​សារ​លោក​ង្វៀន​វ៉ាន់​គឺ នៅ​ភូមិ​ ១២ គ្រួ​សារ​ពួក​គាត់​មាន​ផ្ទៃ​ដី​ធ្វើ​ស្រែ​គួប​ផ្សំ​នឹង​ចិញ្ចឹម​បង្កង ក្ដាម​ពី​ ៣-៥ ហិកតា​ និង​មាន​ផ្ទៃ​ដី​ដាំ​ដើម​ឈើ​ពី​ ៧-១០ ហិកតា​។​ គ្រួ​សារ​លោក​ ង្វៀន​ឡុង​រៀល​ មាន​ផ្ទៃ​ដី​ធ្វើ​ស្រែ​គួបផ្សំ​នឹង​ចិញ្ចឹម​បង្កង ក្ដាម​ចំ​នួន​ ១,៥ ហិកតា​ និង​ផ្ទៃ​ដី​ដាំ​ដើម​ឈើ​ ១០ ហិកតា​។​ ផ្តើម​ពី​ទម្រង់​ស្រូវ​-បង្កង គ្រួ​សារ​ទាំង​នេះ​មាន​ប្រ​ភព​ចំ​ណូល​លំ​នឹង​ពី​ ១៥០-២០០ លាន​ដុង​រៀង​រាល់​ឆ្នាំ​។​ ពេល​មាន​ប្រ​ភព​ចំ​ណូល​លំ​នឹង​ មាមីង​បាន​វិនិ​យោគ​ដាំ​ដើម​ឈើ​ និង​ឈើ​ហូប​ផ្លែ​តាម​ភ្លឺ​ទំ​នប់​។​ តាម​ការ​ប៉ាន់​ស្មាន​ក្រោយ​ពី​ ៤ ឆ្នាំ​ គ្រួ​សារ​ទាំង​នេះ​នឹង​រក​បាន​ប្រាក់​ចំ​ណូល​រាប់​ពាន់​លាន​ដុង​ពី​ការ​ទាញ​យក​ផល​ព្រៃ​ឈើ​។​

លោក​ឡេថា​ញ់ហុង​ កម្មា​ភិបាល​រណសិរ្ស​មាតុ​ភូមិ​ ភូមិ​ ១២ ឃុំ​ខាញ់​តៀង​ ឱ្យ​ដឹង​៖ “តំ​បន់​នេះ​កាល​ពី​មុន​សុទ្ធ​តែ​ឈើ​ព្រៃ​ ស្មៅ​ព្រៅស៊ុម​ទ្រុម​ ហើយ​គ្រួ​សារ​ប្រ​ជា​ជន​ដែល​រស់​នៅ​ទីនេះ​ ភាគ​ច្រើន​មក​ពី​ភូមិ​ភាគ​ដទៃ​ក្នុង​ស្រុក​ គ្មាន​ដី​ធ្លី​ធ្វើ​ស្រែ​ចម្ការ​មក​ស្នា​ក់នៅ​ទីនេះ​កាប់​គាស់​រានដី​ដើម្បី​មាន​ជីវ​ភាព​លំ​នឹង​។​ អា​ស្រ័យ​ខិត​ខំ​ធ្វើ​ការ​រក​ស៊ី​ បំ​ផុត​គឺប៉ុន្មាន​ឆ្នាំ​ជិត​ៗ​នេះ​ រដ្ឋ​ក៏​មាន​គោល​ការណ៍​ បង្វែរ​រចនា​សម្ព័ន្ធ​ផលិត​កម្ម​ ព្រម​ជា​មួយ​នឹង​ការ​ឧបត្ថម្ភ​របស់​កង​ទ័ព​ការ​ពារ​ព្រំ​ដែន​ ទើប​មាមីង​គួបផ្សំ​ធ្វើ​ស្រែ​ជាមួយ​នឹង​ចិញ្ចឹម​បង្កង ក្ដាម​ កំ​ណត់​ព្រំ​ខ័ណ្ឌ​ចិញ្ចឹម​ត្រី​បន្ថែម​ ម្ល៉ោះ​ហើយ​ជីវ​ភាព​កាន់​តែធូរ​ធារ​ពី​មួយ​ថ្ងៃ​ទៅ​មួយ​ថ្ងៃ​”។​

តាម​ប្រ​សាសន៍​លោក​ហុង​ ប្រ​ជា​ជន​ក្នុង​ភូមិ​តែង​នឹង​នរ​ចិត្ត​ពល​កម្ម​ផលិត គឺអា​ស្រ័យ​ស្ថាន​ភាព​សន្តិ​សុខ​សណ្តាប់​ធ្នាប់​លំ​នឹង​ មនោ​សញ្ចេត​នា​រវាង​អ្នក​ភូមិ​ផង​របង​ជាមួយ​ស្អិត​ល្មួត​ សាម​គ្គី​។​ ភូមិ​ ១២​ នៅ​ទាំង​ជាភូមិ​បាន​ប៉ុស្តិ៍​ការ​ពារ​ព្រំ​ដែន​ខាញ់​តៀង​ ជ្រើស​កសាង​ជាភូមិ​គំ​រូ​គ្មាន​បាប​គ្រោះ​សង្គម​ ធានា​សន្តិ​សុខ​និង​បាន​ទទួល​ស្គាល់​ជាភូមិ​សម្រេច​បទ​ដ្ឋាន​វប្បធម៌​តាម​លក្ខ​ឋាន ថ្មី​។​

កិច្ច​សហកា​រស្អិត​ល្មួត​រវាង​គណៈ​កម្មា​ធិការ​បក្ស​ រដ្ឋ​អំ​ណាច​ភូមិ​ភាគ​គ្រប់​លំ​ដាប់​ថ្នាក់​និង​ប៉ុស្តិ៍​ការ​ពារ​ព្រំ​ដែន​ខាញ់​តៀង​ រយៈ​ពេល​កន្លង​ បាន​នាំមក​ប្រសិទ្ធ​ភាព​ជាក់​ស្តែង​។​ ឆ្លង​តាម​រយៈ​នោះ​ ធ្វើ​ឱ្យ​ជាក់​ស្តែង​នូវ​ទស្សនៈ​គោល​ការណ៍​របស់​បក្ស​ រដ្ឋ​ ក្នុង​ការ​អនុវត្ត​នូវ​គោល​នយោ​បាយ​សង្គម​ចំ​ពោះ​ប្រ​ជា​ជន​លើ​ភូមិ​សាស្រ្ត​ព្រំ​ដែន​ សមុទ្រ​ ទន្ទឹម​នឹង​នោះ​ អនុវត្ត​ប្រ​កប​ដោយ​ប្រ​សិទ្ធ​ភាព​កម្ម​វិធី​កង​ទ័ព​ការ​ពារ​ព្រំ​ដែន​ រួម​កម្លាំង​ចូល​រួម​កសាង​ជន​បទ​ថ្មី​ និង​កសាង​ជំ​ហរ​យុទ្ធ​សាស្រ្ត​ការ​ពារ​ព្រំ​ដែន​ទូទាំង​ប្រ​ជា​ជន​រឹង​មាំ៕​

                                        អា​ង​វី-វិមាន​

ចែករំលែកអត្ថបទ
ពាក្យគន្លឹះ
លោក​ង្វៀន​ថា​ញវ៉ូវ