វប្បធម៌-សិល្បៈ វប្បធម៌

21/09/2020 - 16:10

អភិរក្សនិងពង្រីកកេរដំណែលវប្បធម៌អរូបីរបស់ជនរួមជាតិភាគតិច

រយៈពេលកន្លង ក្រុងកឹងធើ បានផ្សព្វផ្សាយនូវសកម្មភាពជាច្រើនដើម្បីស្រាវជ្រាវ អភិរក្សនិងពង្រីកកេរដំណែលវប្បធម៌អរូបីរបស់ជនរួមជាតិភាគតិច។ ឆ្លងតាមរយៈនោះ បានរួមចំណែកបន្តិចម្តងៗលើកកម្ពស់ជីវភាព ស្មារតីរបស់ជនរួមជាតិលើភូមិសាស្រ្ត; រាល់រូបភាពសកម្មភាពជំនឿសាសនា ទំនៀមទម្លាប់ប្រវេណីត្រូវបានអភិរក្សនិងស្តារឡើងវិញ។ល។

សម្តែងបង្ហាញពិធីបុណ្យអកអំបុករបស់ជនរួមជាតិខ្មែរក្នុងទិវាវប្បធម៌ កីឡានិងទេសចរណ៍ខណ្ឌអូរម៉ូងនៅទិវាបុណ្យមហាសាមគ្គីបណ្តាជនជាតិក្រុងកឹងធើ លើកទីIII ឆ្នាំ ២០១៩ ។រូបថត៖ ថាញ់ឡុង

យោងតាមគណៈជនជាតិក្រុងកឹងធើ ឆ្លងតាមរយៈការពិនិត្យមើល ក្រុងបានកត់ត្រានូវទម្រង់កេរដំណែលវប្បធម៌អរូបីរបស់ជនរួមជាតិភាគតិចចំនួន ២២ ពិសេសគឺកេរដំណែលរបស់ជនជាតិខ្មែរនិងជនជាតិចិន រាល់ទម្រង់កេរដំណែលវប្បធម៌អរូបីទាំងនោះ រួមមាន៖ អក្សរសិល្ប៍ ប្រជាប្រិយ សិល្បៈប្រជាប្រិយ ទំនៀមទម្លាប់ បុណ្យប្រពៃណីនិងចំណេះដឹងប្រជាប្រិយ។ល។ ក្នុងនោះ មានកេរដំណែលជាច្រើនត្រូវបានរក្សានិងប្រើប្រាស់ជាប្រចាំ មានដូច៖ (ភាសា អក្សរសាស្រ្ត; ទំនៀមទម្លាប់ជំនឿសាសនា) តួយ៉ាងដូច៖ បុណ្យសែនដូនតា បុណ្យអកអំបុក បុណ្យចូលឆ្នាំថ្មី។ល។របស់ជនជាតិខ្មែរ; ពិធីសែនថៀងម៉ូវថាញ់ហូវ និងពិធីសែនក្វាងថាញ់ឌេក្វឹងរបស់ជនជាតិចិន។ល។

ដើម្បីអភិរក្សកេរដំណែលវប្បធម៌អរូបីរបស់ជនរួមជាតិភាគតិច ក្រុងកឹងធើបានអនុវត្តគម្រោងជាច្រើនសំដៅស្តារឡើងវិញនិងអភិរក្សនូវទំនៀមទម្លាប់ល្អៗ បង្កលក្ខណសម្បត្តិសម្រាប់ជនរួមជាតិសកម្មភាពវប្បធម៌ត្រូវតាមទំនៀមទម្លាប់ប្រពៃណីរក្សានិងពង្រីកកេរដំណែលរបស់ជនជាតិ។ តួយ៉ាងដូច៖ ពិធីបុណ្យកឋិនទានរបស់ជនជាតិខ្មែរ; ស្តារឡើងវិញការបង្រៀនសិល្បៈល្ខោនបាសាក់របស់ជនជាតិខ្មែរ។ល។ ដំណាក់កាល ២០១៨-២០២០ មន្ទីរវប្បធម៌កីឡានិងទេសចរណ៍ក្រុងកឹងធើ បានអនុវត្តគម្រោង ២ យ៉ាង គឺ៖ សិក្សាស្រាវជ្រាវ ស្តារឡើងវិញពិធីបុណ្យអកអំបុករបស់ជនជាតិខ្មែរនៅក្រុងកឹងធើ និងគម្រោងអភិរក្សពង្រឹងនិងពង្រីកកេរដំណែល “ពិធីបួងសួងសុំសេចក្តីសុខ” របស់ជនជាតិចិននៅកៃរុាំង។ល។ ប៉ុន្មានឆ្នាំមកនេះ ក្រុងកឹងធើក៏បានដាក់បញ្ចូលទម្រង់កេរដំណែលវប្បធម៌អរូបីរបស់បណ្តាជនជាតិទៅក្នុងកម្មវិធី “សម្រស់និទាឃៈរដូវតំបន់ស្រែចម្ការ” ត្រូវបានរៀបចំឡើងរៀងរាល់ឆ្នាំនាឱកាសបុណ្យចូលឆ្នាំវៀតណាម ។ សកម្មភាពទាំងអស់នេះ បានទាក់ទាញនូវសិល្បករការិនី សិប្បករជាច្រើនមកពីអង្គភាពនានានៅក្នុងនិងក្រៅក្រុងចូលរួមសម្តែងសិល្បៈប្រពៃណី។ ពិសេសរយៈពេលកន្លង ក្រុងក៏បានឧបត្ថម្ភជាក់ស្តែងក្នុងការរក្សានិងប្រើប្រាស់ភាសា អក្សរសាស្រ្តរបស់ជនជាតិភាគតិច សំខាន់គឺជនជាតិខ្មែរនិងជនជាតិចិន។

តាមប្រសាសន៍លោកឡេទ្រុងកៀង ប្រធានគណៈជនជាតិក្រុងកឹងធើ ឱ្យដឹង៖ ក្រៅពីសកម្មភាពយ៉ាងជាក់ស្តែងទាំងនេះ ក្រុងក៏បានជំរុញការផ្សព្វផ្សាយ ចលនាលើកកម្ពស់ស្មារតីទទួលខុសត្រូវរបស់ប្រជាជន ពិសេសគឺជនជាតិភាគតិចក្នុងការរក្សា អភិរក្សនូវតម្លៃវប្បធម៌ប្រពៃណីដ៏ពិសេសរបស់ជនជាតិនីមួយៗ។ ទន្ទឹមនឹងនោះ រួមជាមួយការយកចិត្តទុកដាក់អភិវឌ្ឍរាល់ចលនាវប្បធម៌ សិល្បៈមហាជន បានរួមចំណែកយ៉ាងសំខាន់ក្នុងការអភិរក្ស ស្តារឡើងវិញនិងពង្រីកតម្លៃវប្បធម៌ប្រពៃណីរបស់បណ្តាជនជាតិ និងលើកកម្ពស់ជីវភាពស្មារតីរបស់ជនរួមជាតិភាគតិចលើភូមិសាស្រ្ត៕

ថាញ់ឡុង-លីសៀ

ចែករំលែកអត្ថបទ

ពាក្យគន្លឹះ