សន្តិសុខ - ការពារប្រទេស សន្តិសុខ

21/09/2020 - 16:10

សាមគ្គីរក្សាសន្តិសុខសណ្តាប់ធ្នាប់

ឆ្នាំ ២០១៤ ទម្រង់ "មណ្ឌលតាំងទីលំនៅសាមគ្គី សុវត្ថិភាពអំពីសន្តិសុខសណ្តាប់ធ្នាប់" នៅភូមិ ៥ ឃុំសាភៀង ស្រុកឡុងមី ខេត្តហូវយ៉ាង ត្រូវបានបង្កើតឡើង ជួយជនរួមជាតិខ្មែរយល់ដឹងពីច្បាប់ សាមគ្គី ព្រួតដៃបង្ការបង្រ្កាបបទល្មើស រួមចំណែករក្សាសន្តិសុខសណ្តាប់ធ្នាប់នៅភូមិភាគ។

អង្គការមហាជនភូមិ ៥ តែងយកចិត្តទុកដាក់ឧបត្ថម្ភមាមីងខ្មែរ រួមគ្នារក្សាភាពសុខសាន្តនៅភូមិស្រុក។

ពីមុននៅភូមិ ៥ ច្រើនកើតមានស្ថានភាព ដូច៖ លួចប្លន់ ល្បែងស៊ីសង លេខក្បាលកន្ទុយ ជល់មាន់ យុវជនជុំគ្នា ស៊ីផឹក វាយប្រតបគ្នា ប្រើអំពើហិង្សាគ្រួសារ ទំនាស់ដីធ្លី។ល។ ផ្តើមពីភាពជាក់ស្តែងនោះ គណៈកម្មាធិការប្រជាជនឃុំសាភៀង បានជ្រើសភូមិ ៥ ធ្វើជាគំរូផ្សព្វផ្សាយទម្រង់ "មណ្ឌលតាំងទីលំនៅសាមគ្គី សុវត្ថិភាពអំពីសណ្តាប់ធ្នាប់" ដោយជ្រើសប្រធានភូមិធ្វើជាប្រធាននិងព្រះចៅអធិការវត្តធ្វើជាអនុប្រធាន សមាជិកគឺអង្គការមហាជននិងអ្នកមានប្រជាប្រិយ។

ចាប់ពីឆ្នាំ ២០១៤ មកទល់នឹងបច្ចុប្បន្ន គណៈប្រតិបត្តិការទម្រង់ រៀបចំផ្សព្វផ្សាយអំពីគោលការណ៍ គោលនយោបាយរបស់បក្សនិងច្បាប់របស់រដ្ឋបាន ៥២ លើក ដោយមានប្រជាជនចូលរួម ១.៦០០ លើកនាក់។ ផ្តើមពីនោះ គ្រួសារប្រជាជនស្ម័គ្រចិត្តចុះឈ្មោះអនុវត្ត លក្ខឋានកសាងគ្រួសារវប្បធម៌ សុវត្ថិភាពអំពីសន្តិសុខសណ្តាប់ធ្នាប់ ១០០% ។ លោកត្រឹងដេ ប្រធានគណៈប្រតិបត្តិការទម្រង់ ឱ្យដឹង៖ "ទិដៅរបស់ទម្រង់គឺប្រមូលផ្តុំផ្សព្វផ្សាយ ចលនាប្រជាជនសាមគ្គីកសាងជីវភាពថ្មីនៅមណ្ឌលតាំងទីលំនៅ ផ្សារភ្ជាប់នឹងសុវត្ថិភាពអំពីសន្តិសុខសណ្តាប់ធ្នាប់។ មកទល់នឹងពេលនេះ មាមីងខ្មែរយល់ច្បាស់និងអនុវត្តម៉ឺងម៉ាត់នូវបទបញតិ្តរបស់ច្បាប់។ ពិសេស មាមីងរស់នៅសាមគ្គី ស្ថានភាពទំនាស់ដីធ្លី ប្រើអំពើហិង្សាគ្រួសារ ស្រវឹងស្រវិត បង្កជម្លោះ គ្មានកើតឡើងទៀត។ ជាច្រើនឆ្នាំបន្តបន្ទាប់ ភូមិបានទទួលស្គាល់សម្រេចខ្នាតគ្មាន ៤ (គ្មានបទល្មើស គ្មានគ្រឿងញៀន គ្មានពេស្យាចារ គ្មានប្រើអាគុយឆក់ ត្រី)" ។ លោកសើុងគិត អ្នកមានប្រជាប្រិយនៅភូមិ៥ ឱ្យដឹង ៖ "មាមីងខ្មែរភាគច្រើនជាអ្នកកាន់ពុទ្ធសាសនា ម៉្លោះហើយនៅថ្ងៃបុណ្យទាន ថ្ងៃសីលមកវត្តស្តាប់ព្រះសង្ឃទេសនានិងផ្សព្វផ្សាយច្បាប់។ ផ្តើមពីនោះ មាមីងកាន់តែយល់ដឹងច្បាស់ រស់នៅសាមគ្គីនិងព្រួតដៃរក្សាភាពសុខសាន្តនៅភូមិស្រុក"។

លោកផាងហ្វាងមិញ អនុប្រធានគណៈកម្មាធិការប្រជាជនឃុំសាភៀង ឱ្យដឹង៖ "ភូមិ ៥ មានជនរួមជាតិខ្មែររស់នៅជាង ៧៦% ពេលទម្រង់បានផ្សព្វផ្សាយ គណៈប្រតិបត្តិការទម្រង់ក៏រៀបចំផ្សព្វផ្សាយគោលការណ៍គោលនយោបាយរបស់បក្សនិងច្បាប់របស់រដ្ឋ។ ផ្តើមពីនោះ ឃើញថាស្មារតីអនុវត្តច្បាប់មានភាពម៉ឺងម៉ាត់ មាមីងរស់នៅសាមគ្គី រួមគ្នាបង្ការបង្រ្កាបបទល្មើស ដើម្បីរក្សាសន្តិសុខសណ្តាប់ធ្នាប់នៅភូមិភាគ"៕

លីធាន-មុនី

ចែករំលែកអត្ថបទ

ពាក្យគន្លឹះ