គោលនយោបាយ -ការរស់នៅ ការរស់នៅ

20/07/2020 - 14:57

បង្វែររចនាសម្ព័ន្ធពូជដំណាំនៅភូមិភាគ

កសិករគឹមសុភាព នៅភូមិពន្លាជ័យ ឃុំលឿងហ្វា ស្រុកចូវថាញ់ ខេត្តត្រាវិញ នាំមុខក្នុងការនាំយកទំពាំងបារាំងមកដាំនៅភូមិភាគ។

បងគឹមសុភាព កំពុងប្រមូលផលទំពាំងបារាំង។

ដោយបានសមាគមកសិករឃុំលឿងហ្វា និងសហករណ៍កសិ-ពាណិជ្ជកម្មនិងផលិត-សេវាកម្មស្វឹងថាញ់ ឧទ្ទេសនាមអំពីទម្រង់ដាំទំពាំងបារាំងលើដីល្បាយខ្សាច់ កសិករគឹមសុភាព ក៏បានដាំសាកល្បងមើលលើដីស្រែប្រមាណ ០,៥ ហិកតា។ បន្ទាប់ពីដាំបាន ៦ ខែ ទំពាំងបារាំងរបស់បងមានការលូតលាស់ល្អ និងចាប់ផ្តើមបានប្រមូលផល។ បងសុភាព ឱ្យដឹងដោយក្តីរីករាយ៖ “ផលិតផលទំពាំងបារាំងបានសហករណ៍ប្រមូលទិញ ជាមួយតម្លៃពី ៦០.០០០-៩០.០០០ ដុង/គីឡូក្រាម។ ជារៀងរាល់ថ្ងៃ គ្រួសារខ្ញុំប្រមូលផលទំពាំងបារាំងបានពី ៤-៦ គីឡូក្រាម។ គ្រួសារខ្ញុំរកបានប្រាក់ចំណូលពីទំពាំងបារាំងប្រមាណ ១០ លានដុង/ខែ ខ្ពស់ជាងធ្វើស្រែ។ ប្រាក់វិនិយោគប្រមាណ ២០ លានដុង/កុង ប៉ុន្តែ ខ្ញុំបានសហករណ៍ជំនួយពូជ ម៉្លោះហើយកាត់បន្ថយប្រាក់ចំណាយ។ ដើម្បីសំចៃទឹក ខ្ញុំវិនិយោគប្រព័ន្ធស្រោចស្រពជិត ១០ លានដុង”។

តាមប្រសាសន៍បងលីវ៉ាន់តឹម ប្រធានសមាគមកសិករឃុំលឿងហ្វា ឱ្យដឹង៖ ទំពាំងបារាំងជាប្រភេទដំណាំសមស្របនឹងការប្រើប្រាស់ជីកំប៉ុស តិចប្រើប្រាស់ជីគីមី មិនសូវមានសត្វល្អិតបំផ្លាញ ម្ល៉ោះហើយតិចមានហានិភ័យ។ ក្នុងរយៈពេលលូតលាស់ មាមីងកសិករគប្បីធានាទឹកស្រោចស្រពគ្រប់គ្រាន់ មានប្រព័ន្ធរំដោះទឹក ដើម្បីជៀសវាងទឹកជន់លិចនៅរដូវភ្លៀង ទំពាំងលូតលាស់ល្អ។ ផលិតផលទំពាំងបារាំង តែងបានសហករណ៍ប្រមូលទិញទាំងអស់។

កសិករគឹមសុភាព កំពុងចលនាគ្រួសារនៅក្បែរៗបង្វែរពីការធ្វើស្រែទិន្នផលទាប មកដាំទំពាំងបារាំងវិញ។ ទន្ទឹមនឹងនោះ សហការជាមួយសមាគមកសិករឃុំលឿងហ្វា សហករណ៍កសិ-ពាណិជ្ជកម្មនិងផលិត-សេវាកម្មស្វឹងថាញ់ រៀបចំវគ្គហ្វឹកហាត់ ទស្សនាទម្រង់ដាំដុះរបស់គ្រួសារគាត់ សំដៅពង្រីកផ្ទៃដីដាំដុះ រួមចំណែកបំបាត់ភាពក្រីក្រនៅភូមិភាគ៕

សឺនម៉ាល័យ-មុនី

ចែករំលែកអត្ថបទ

ពាក្យគន្លឹះ