វប្បធម៌-សិល្បៈ វប្បធម៌

02/03/2020 - 15:04

ភ្នំរបស់វៀតណាមចំនួន៥ល្បីឈ្មោះលើទំព័រកាសែតបរទេស

តំបន់ភ្នំចំនួន៥នេះបានល្បីឈ្មោះនិងលេចឡើងជាញឹកញាប់លើទំព័រកាសែតបរទេស ម្ល៉ោះហើយពេលភ្ញៀវទេសចរបរទេសមានបំណងមកទេសចរណ៍នៅវៀតណាម គឺតែងចាប់អារម្មណ៍ដល់តំបន់ទាំងនេះ។

Sapa: សាប៉ា ត្រូវបានជនជាតិបារាំងបង្កើតជាកន្លែងមួយសម្រាប់លម្ហែកាយនៅដើមសតវត្សរ៍២០។ ពីសាប៉ា មិត្តអាចនឹងជិះកង់ ឬក៏ថ្មើរជើងឆ្លងកាត់វាលស្រែកាំជណ្ដើរស្អាតបំផុតពិភពលោក រួចក៏មកសំចតដំណើរនៅតាមភូមិ ដើម្បីស្វែងយល់ពីជីវភាពពិសេសរបស់ជនជាតិម៉ុងឬក៏ជនជាតិយ៉ាវ។ សាប៉ាឋិតនៅចម្ងាយពីហាណូយប្រមាណ៣៧០គីឡូម៉ែត្រ អាចធ្វើដំណើរទៅកាន់សាប៉ាបានងាយស្រួលដោយរថយន្តក្រុងឬរថភ្លើង។ ម្យ៉ាងទៀត មិត្តអាចនឹងធ្វើដំណើរដោយម៉ូតូ ប៉ុន្តែមិត្តអាចធានាជាអ្នកបើកបរពូកែ ពីព្រោះផ្លូវទៅកាន់តំបន់ភ្នំភាគខាងជើងវៀតណាមជម្រាលបត់បែនប្រឈមនឹងគ្រោះថ្នាក់ ។

ហាយ៉ាង៖ ជាខេត្តប៉ូលខាងជើងប្រទេសវៀតណាម ហាយ៉ាងមានទេសភាពព្រៃភ្នំក្រំថ្មស្អាតបំផុតនៅអាស៊ីអាគ្នេយ៍ ពិសេសពេលមិត្តធ្វើដំណើរក្រឡឹងតាមចង្កេះភ្នំ ម៉ាភីឡាងដ៏ធំអស្ចារ្យនៅវៀតណាម មានកម្ពស់១.៥០០ម៉ែត្រ ដងផ្លូវបត់បែនលើកំពូលភ្នំថ្មកំបោរ ខាងក្រោមមានដងទន្លេញ៉វ៉េ។ មិត្តកុំភ្លេចទស្សនាផ្សារណាត់ថ្ងៃអាទិត្យនោះគឺផ្សារដុងវ៉ាន់ ជាវិធីមួយជួយឱ្យមិត្តទំនាក់ទំនង និងស្វែងយល់បន្ថែមពីជីវភាពប្រចាំថ្ងៃរបស់ជនជាតិភាគតិចនៅភាគខាងជើងដ៏ឆ្ងាយដាច់ស្រយាល។

ម៉ាយចូវ៖ ជាទីប្រជុំជនឋិតនៅកណ្តាលជ្រលងភ្នំ ញ៉ាំងឱ្យភ្ញៀវទេសចរបានទស្សនាពីសម្រស់ទេសភាពជនបទប្រកបដោយលក្ខណៈសាមញ្ញនិងស្ងប់ស្ងាត់។ ជនជាតិថៃសនិងជនជាតិថៃខ្មៅ គឺជាក្រុមជនជាតិដែលមានចំនួនមនុស្សច្រើនបំផុតនៅតំបន់នេះ។ ពួកគេកសាងជីវភាពនិងរស់នៅក្នុងផ្ទះរត។ មិត្តអាចនឹងជួលម៉ូតូឬក៏កង់ ជិះរត់កាត់វាលស្រែបៃតង តាមភូមិ ផ្សារជនបទ បណ្តែតអារម្មណ៍ក្នុងជីវភាពសុខសាន្ត។

ហូបាបែ៖ ឧទ្យាជាតិហូបាបែ ឋិតនៅទិសឦសានហាណូយ ចម្ងាយប្រមាណ២៤០គីឡូមែត្រ មានផ្ទៃដីទំហំ២៣.០០០ ហិកតា រួមមាន៖ ជ្រលងភ្នំ រូង ល្អាង ព្រែកទន្លេ ល្បាក់ទឹក មួយអន្លើដោយស្រះទឹកធំចំនួន៣និងដងព្រៃត្រូពិចខៀវស្រងាត់។ ជនជាតិវៀតណាមមួយចំនួនបានចាត់ទុកហូបាបែ ជាទងសួតបៃតងនៃតំបន់ឦសានវៀតណាម។

កាវបាំង៖ កន្លែងសំចតចុងក្រោយក្នុងបញ្ជីដំណើរទេសចរណ៍ ហើយក៏ជាកន្លែងទេសចរណ៍បានជនបរទេសដឹងស្គាល់តិចបំផុត។ កាវបាំងមានល្បាក់ទឹកស្រស់ស្អាតបំផុតនៅវៀតណាម គឺល្បាក់បាងយ៉ូក។ ទីកន្លែងដ៏ធំអស្ចារ្យនេះឋិតនៅកណ្តាលព្រំដែនវៀតណាមនិងចិន ដោយមានជម្រាលបញ្ឈរខ្ពស់៣០ម៉ែត្រ លាតសន្ធឹងប្រវែងជាង២០០ម៉ែត្រ។ នេះជាល្បាក់ទឹកធំលំដាប់ថ្នាក់លេខ៤ពិភពលោក ឋិតនៅបណ្តោយតាមព្រំដែនជាតិ។ ទន្ទឹមនឹងភាពស្រស់ត្រកាលគួរជាទីមនោរម្យនៃល្បាក់ទឹកបាងយ៉ូក កាវបាំងនៅទាំងមានភូមិពិសេសជាច្រើនរបស់ជនជាតិភាគតិចទៀតផង៕

យោង៖ exoticvoyages - ប្រែសម្រួល: មុនី

ចែករំលែកអត្ថបទ

ពាក្យគន្លឹះ