គោលនយោបាយ -ការរស់នៅ ការរស់នៅ

10/02/2020 - 14:41

ផលិតស្រូវស្របនឹងការប្រែប្រួលអាកាសធាតុ

ការផលិតកសិកម្ម ពិសេសគឺការផលិតស្រូវក្នុងស្ថានការប្រែប្រួលអាកាសធាតុ មានដូច៖ រាំងស្ងួត កង្វះទឹក ទឹកប្រៃជ្រាបចូលជាដើម បង្កហានិភ័យដល់ទិន្នផល គុណភាពផលិតផល ប្រាក់ចំណាយផលិតកើនឡើងឥតឈប់។ល។ ចាប់តាំងពីឆ្នាំ២០១៧-២០១៩ អាស្រ័យបានមជ្ឈមណ្ឌលជំរុញកសិកម្មជាតិអនុវត្តគម្រោងកសាងទម្រង់វាលស្រែធំប្រពលវប្បកម្ម និងការប្រើប្រាស់គ្រឿងចក្រព្រមៗគ្នាក្នុងការផលិតស្រូវ បានជួយកសិករជាច្រើនគ្រួសារនៅខេត្តត្រាវិញ បានទទួលផល។

កសិករត្រឹងស្រាង។

អាចនិយាយបានថា ក្រោយរយៈពេលជាង៣ឆ្នាំផ្សព្វផ្សាយគម្រោងកសាងទម្រង់វាលស្រែធំប្រពលវប្បកម្មនិងការប្រើប្រាស់គ្រឿងចក្រព្រមៗគ្នាក្នុងការផលិតស្រូវ នៅភូមិសាស្រ្តឃុំចំនួន៣របស់ខេត្ត៖ ហ្វៀងហោយ(ស្រុកកាងឡុង) ថាញ់មីនិងលឿងហ្វាA (ស្រុកចូវថាញ់) ជំហានដំបូងបាននាំមកប្រសិទ្ធភាពបង្គួរ។ ក្រៅពីឥទ្ធិពលធ្វើឱ្យផ្លាស់ប្ដូរស្មារតី ការអនុវត្តវិទ្យាសាស្រ្ត - បច្ចេកទេសរបស់កសិករក្នុងការផលិត នៅតាមភូមិភាគដែលមានជនរួមជាតិខ្មែររស់នៅកុះករក៏បានបង្កើតជាសង្វាក់ចងសម័្ពន្ធរវាងគ្រួសារផលិតកម្ម តាមរយៈការរួបរួមគ្នាជាផ្នែក មានដូច៖ ផ្នែកគ្រឿងចក្រ ផ្នែកទម្រង់ចងសម័្ពន្ធគ្រួសារផលិតកម្ម ដើម្បីជួយឱ្យគ្រួសារក្នុងគម្រោងឃើញពីផលប្រយោជន៍ ក៏ដូចជាភារកិច្ចរបស់ខ្លួនក្នុងកិច្ចសហការ ចូលរួមបដិភាគក្នុងទម្រង់។ល។

លោកង្វៀនទ្រុងត្វង ប្រធានក្រុមប្រឹក្សាគ្រប់គ្រងសហករណ៍កសិកម្មហ៊ីបហ្វាស្រុកកូវង៉ាង។

អ្នកស្រីង្វៀនង៉ុកហាយ អនុប្រធានមន្ទីរកសិកម្មនិងអភិវឌ្ឍន៍ជនបទខេត្តត្រាវិញ ឱ្យដឹង៖ "ឆ្នាំ២០១៩ តម្លៃដាំដុះរបស់ខេត្តកើនឡើង សម្រេច១៣០លានដុង/ហិកតា (កើន២២លានដុងបើប្រៀបនឹងឆ្នាំ២០១៣)។ ឆ្លងតាមរយៈ គម្រោងកសាងទម្រង់វាលស្រែធំប្រពលវប្បកម្មនិងការប្រើប្រាស់គ្រឿងចក្រព្រមៗគ្នាក្នុងការផលិតស្រូវ អាស្រ័យមជ្ឈមណ្ឌលជំរុញកសិកម្មជាតិផ្សព្វផ្សាយ មានឥទ្ធិពលខ្លាំងក្លាដល់ដំណើរការបង្វែររចនាសម្ព័ន្ធផ្នែកទំនិញស្រូវអង្កររបស់ខេត្ត ក្នុងស្ថានភាពការប្រែប្រួលអាកាសធាតុ និងប្រកួតប្រជែងខ្លាំងក្លានៃផលិតផលស្រូវអង្ករលើទីផ្សារ"។

លោកត្រឹងសាងរ៉ាង នៅភូមិហ្វាឡាកC ឃុំលឿងហ្វា ស្រុកចូវថាញ់ ឱ្យដឹង៖ "គ្រួសារខ្ញុំមានដីផលិតស្រូវ១ហិកតានិងចូលរួមក្នុងទម្រង់អាស្រ័យមជ្ឈមណ្ឌលជំរុញកសិកម្មឧបត្ថម្ភ ការផលិតតាមរូបភាពស្ទូងស្រូវដោយម៉ាស៊ីន។ ក្រោយពីប្រមូលផល គ្រាប់ស្រូវពេញល្អ ភ្លឺរលោងនិងសម្រេចទិន្នផលជាង៧តោន/ហិកតា។ ដោយសារអនុវត្តស្ទូងស្រូវដោយម៉ាស៊ីន និងដំណើរការបូមទឹកបញ្ចូលស្រែ ម្ល៉ោះហើយស្រូវតិចមានការលាយឡំ។ បើប្រៀបជាមួយការផលិតស្រូវជាទំនិញ ស្រូវក្នុងទម្រង់ត្រូវបានប្រើប្រាស់សម្រាប់ធ្វើពូជ ម្ល៉ោះហើយតម្លៃខ្ពស់ជាងខាងក្រៅ១.០០០ដុងក្នុងមួយគីឡូក្រាម។ ខ្លួនខ្ញុំផ្ទាល់ក៏កំពុងបន្តចលនាគ្រួសារជិតខាងចូលរួមក្នុងទម្រង់ ដើម្បីត្រៀមបម្រុងឱ្យបានល្អខណៈពេលផលិតក្នុងលក្ខណៈរាំងស្ងួត ជ្រាបជាតិប្រៃ"៕

សឺនម៉ាល័យ - ថាច់ធី

ចែករំលែកអត្ថបទ

ពាក្យគន្លឹះ