សន្តិសុខ - ការពារប្រទេស សន្តិសុខ

18/12/2018 - 10:16

រក្សាសន្តិសុខសណ្ដាប់ធ្នាប់នៅភូមិភាគ

មុននេះ ស្ថានភាពសន្ដិសុខសណ្ដាប់ធ្នាប់នៅអនុសង្កាត់ទី៤ សង្កាត់ទី៨ ក្រុងត្រាវិញ ខេត្តត្រាវិញ មានភាពស្មុគស្មាញដោយសារបាបគ្រោះ ដូច៖ ផ្ដុំគ្នាផឹកស៊ីយប់ជ្រៅ លេងល្បែងសីុសង ឆក់ប្លន់ទ្រព្យសម្បត្តិ។ល។ ប៉ុន្តែសព្វថ្ងៃស្ថានភាពសន្តិសុខសណ្ដាប់ធ្នាប់នៅទីនេះមានភាពលំនឹងជាបណ្ដើរៗ ប្រជាជនបានរួមកម្លាំងគ្នាគិតគូរការពារភូមិស្រុកជាដើម។

កងប្រជាការពារក្រុងដើរល្បាតរក្សាសន្តិសុខសណ្ដាប់ធ្នាប់នៅភូមិភាគ។

អនុសង្កាត់ទី៤ សង្កាត់ទី៨ មានជនរួមជាតិខ្មែរចំនួន៥៩,៣០% រស់នៅសំខាន់គឺធ្វើការងារឈ្នួលនិងលក់ដូរកំប៉ិកកំប៉ុក។ អាស្រ័យមាមីងគិតតែធើ្វការរកស៊ី ម៉្លោះហើយតិចមានឱកាសបង្ខិតជិតនិងយល់ច្បាស់លាស់នូវគោលនយោបាយរបស់បក្ស ច្បាប់របស់រដ្ឋ។ អ្នកស្រីថាច់ធីផា លេខាសាខាបក្ស និងជាប្រធានអនុសង្កាត់ទី៤ ឲ្យដឹង៖ មុននេះ នៅលើភូមិសាស្រ្តអនុសង្កាត់ទី៤ ពិសេសគឺនៅឱកាសបុណ្យចូលឆ្នាំថ្មីវៀតណាម បុណ្យចូលឆ្នាំថ្មីប្រពៃណីខ្មែរ បុណ្យអកអំបុកជាដើម។ តែងកើតមានករណីឆក់ប្លន់ទ្រព្យសម្បត្តិ លេងល្បែងស៊ីសង ផ្ដុំគ្នាស៊ីផឹក។ល។ បង្កឲ្យខូចសន្តិសុខសណ្ដាប់ធ្នាប់។ ចំពោះមុខស្ថានភាពទាំងនេះ កងប្រជាការពារក្រុងរបស់អនុសង្កាត់ បានដើរល្បាតនៅកន្លែងដែលច្រើនកើតមានករណីបាបគ្រោះសង្កម។ ទន្ទឹមនឹងនោះ ភូមិភាគក៏បានសហការជាមួយនគរបាល រណសិរ្សមាតុភូមិវៀតណាមសង្កាត់ទី៨ រួមនឹងគណៈ ផ្នែក អង្គការនានាពង្រឹងលើកកម្ពស់គុណភាពសកម្មភាពរបស់ក្រុមស្វ័យគ្រប់គ្រងចំនួន៥ កងប្រជាការពារក្រុង ១ និងកងប្រជាស្វ័យត្រាណ១ ដើម្បីជំនួយកងកម្លាំងនគរបាលសង្កាត់ដើរល្បាតរក្សាសន្តិសុខសណ្ដាប់ធ្នាប់នៅលើភូមិភាគ។

យាយថាច់ធីផាន ប្រជាជននៅអនុសង្កាត់ទី៤ ឲ្យដឹងដោយក្ដីរីករាយ៖ "មុននេះ ពេលយប់មានយុវជនមួយចំនួនតែងផ្ដុំគ្នាស៊ីផឹក ហើយឈ្លោះប្រកែកគ្នារួចវាយប្រតប់គ្នានៅតំបន់គូស្រះស្រី។ សព្វថ្ងៃស្ថានភាពនេះ បានកាត់បន្ថយ។ អាស្រ័យមានពូៗកងប្រជាការពារក្រុងសកម្មដើរល្បាតដាស់តឿន ។ល។ ក្នុងឱកាសបុណ្យទានម្តងៗ គឺពូៗដើរល្បាតញឹកញាប់ជាង។ បច្ចុប្បន្ន មាមីងនៅអនុសង្កាត់ បានស្ងប់ចិត្តអំពីស្ថានភាពសន្ដិសុខសណ្ដាប់ធ្នាប់។ល។"។ មិនត្រឹមតែអនុវត្តការងារដើរល្បាតប៉ុណ្ណោះទេ កងប្រជាការពារក្រុងអនុសង្កាត់ទី៤ នៅទាំងសហការជា មួយគណៈ ផ្នែក អង្គការនានានៅភូមិភាគជំរុញមាំការងារឃោសនា ផ្សព្វផ្សាយអប់រំច្បាប់។ល។ ជូនកូនចៅជនរួមជាតិខ្មែរ។ ហេតុនេះ ប្រជាជននៅតំបន់អនុសង្កាត់ទី៤ តែងអនុវត្តល្អនូវគោលការណ៍គោលនយោបាយរបស់បក្ស ច្បាប់របស់រដ្ឋ និងសេចក្ដីកំណត់របស់ភូមិភាគ។

តាមប្រសាសន៍អ្នកស្រីថាច់ធីផា លេខាសាខាបក្ស និងជាប្រធានអនុសង្កាត់ទី៤ វាយតម្លៃ៖ ការយល់ដឹងពីច្បាប់បានលើកកម្ពស់ ម៉្លោះហើយប្រជាជនពីមួយថ្ងៃទៅមួយថ្ងៃមិនញញើតនិងសកម្មផ្តល់ព័ត៌មានបរិហារឧក្រិដ្ឋជន។ ហេតុនេះហើយបានជួយដល់កងប្រជាការពារក្រុងអាចត្រួតពិនិត្យ គ្រប់គ្រងនូវតំបន់ដែលអាចនឹងមានករណីបាបគ្រោះសង្គម ទន្ទឹមនឹងនោះ ប្ដេជ្ញាចិត្តប្រឆាំងកម្ចាត់បាបគ្រោះសង្គម រួមចំណែករក្សាសន្តិសុខសណ្ដាប់ធ្នាប់នៅលើភូមិភាគជួយមាមីងស្ងប់ចិត្តធ្វើការរកទទួលទាន៕

រូបនិងអត្ថបទ៖ ទីទុយ

ចែករំលែកអត្ថបទ

ពាក្យគន្លឹះ