វប្បធម៌-សិល្បៈ វប្បធម៌

21/07/2015 - 14:27

កវីនិពន្ធហ៊ឺវធិញកាន់តំណែងប្រធានសមាគមអ្នកនិពន្ធវៀតណាមជាបន្ត

ក្រោយពីរយៈពេលធ្វើការអស់២ថ្ងៃព្រឹកថ្ងៃ១១ខែកក្កដាមហាសន្និបាតតំណាងទូទាំងប្រទេសនៃសមាគមអ្នកនិពន្ធវៀតណាមអាណត្តិកាល IX (ឆ្នាំ២០១៥-២០២០) បានសម្រេចជោគជ័យល្អប្រសើរ។

គណៈប្រតិបត្តិការថ្មីនៃសមាគមអ្នកនិពន្ធវៀតណាម។ 

អាណត្តិកាលកន្លងសមាគមទាំងមូលបាននិពន្ធវណ្ណកម្មគ្រប់ប្រភេទជាង១.០០០វណ្ណកម្ម។ពិសេសគឺសមាគមមានអ្នកនិពន្ធបន្ថែម៥រូបទទួលបានរង្វាន់ហូជីមិញអ្នកនិពន្ធ១៥រូបទទួលបានរង្វាន់ថ្នាក់ជាតិអ្នកនិពន្ធ៥រូបទទួលបានរង្វាន់ ASEAN ។ល។សមាគមបានរៀបចំទិវាកំណាព្យវៀតណាមពិនិត្យជូនរង្វាន់អក្សរសិល្ប៍រៀងរាល់ឆ្នាំសំដៅលើកតម្កើងការនិពន្ធវណ្ណកម្មដែលល្អៗ។ ពិសេសក្នុងសកម្មភាពកិច្ចការបរទេសសមាគមអ្នកនិពន្ធវៀតណាមបានរៀបចំសន្និសីទផ្សាយអក្សរសិល្ប៍វៀតណាមលើកទី៣រៀបចំសមោសរកំណាព្យអាស៊ី-ប៉ាស៊ីហ្វិកលើកទី២សហការជាមួយវិជ្ជាស្ថានសកលវិទ្យាល័យប្រទេសជប៉ុនបោះពុម្ពផ្សាយកម្រងអក្សរសិល្ប៍១០សតវត្សរ៍រៀបរាប់ពីសង្គ្រាមធ្វើសហការជាមួយសមាគមអ្នកនិពន្ធនៃប្រទេសថៃបោះពុម្ពផ្សាយកម្រងកំណាព្យជាឧភយភាសាវៀត-ថៃបោះពុម្ពកម្រងកំណាព្យដោយមានអ្នកនិពន្ធ២៥រូបកាលពីសម័យប្រឆាំងអាមេរិកទៅជាភាសាបារាំង។ល។

មហាសន្និបាតបានដាក់ចេញនូវទិសដៅភារកិច្ចនិងបណ្តាឆ្នាំបន្តបន្ទាប់នោះគឺ៖ចលនារាល់សក្តានុភាពនៃគំនិតច្នៃប្រតិដ្ឋលើកកម្ពស់ភាពសកម្មនៃសង្គមរបស់អ្នកនិពន្ធផ្លាស់ប្តូរគំនិតវិចារណញ្ញាណនៃសិល្បៈនិងបែបផែនសកម្មភាពរបស់សមាគមផ្តុំកម្លាំងផ្តោតទៅលើរាល់ប្រភពធនធាននិងលក្ខណសម្បត្តិងាយស្រួលដើម្បីមានគំនិតច្នៃប្រតិដ្ឋនិពន្ធបានច្រើនវណ្ណកម្មដ៏មានតម្លៃខាងសតិអារម្មណ៍និងសិល្បៈរួមចំណែកយ៉ាងស័ក្តិសមទៅក្នុងការកសាងវប្បធម៌និងមនុស្សវៀតណាម។

សមាគមអ្នកនិពន្ធវៀតណាមនឹងផ្តុំកម្លាំងទៅលើការងារសំខាន់ៗមានដូច៖សម្រិតសម្រាំងនិងជំនួយអ្នកនិពន្ធអក្សរសិល្ប៍វ័យក្មេងកែប្រែការរៀបចំពានរង្វាន់យោងតាមទិសដៅបើកទូលាយប្រជាធិបតេយ្យ។ បកប្រែនិងឧទ្ទេសនាមវណ្ណកម្មចេញក្រៅប្រទេសចំនួន៥០វណ្ណកម្មបង្កលក្ខណសម្បត្តិងាយស្រួលដើម្បីអ្នកនិពន្ធទាំងឡាយបានចូលរួមដោះដូរទំនាក់ទំនងវប្បធម៌ជាមួយនឹងបណ្តាប្រទេសនៅក្នុងតំបន់និងបណ្តាប្រទេសលើពិភពលោក។ល។ដើម្បីសម្រេចបាននូវទិសដៅខាងលើសមាគមអ្នកនិពន្ធវៀតណាមនឹងផ្តុំកម្លាំងកែប្រែបំពេញបន្ថែមនិងធ្វើឲ្យសុក្រឹត្យនូវលក្ខន្តិកៈវិនិយោគទុនជូនរង្វាន់និងបញ្ចូលសមាជិក-ជិកា។រៀបចំគម្រោងកងជួរអ្នកនិពន្ធ។ ពង្រឹងនិងពង្រីកធ្វើឲ្យសុក្រឹត្យអង្គការចាត់តាំងនៃសមាគមនិងក្រុមប្រឹក្សាមុខវិជ្ជាឯកទេសផ្សេងៗ។ទន្ទឹមនឹងនោះសមាគមនៅទាំងបានរៀបចំស្ថាប័នព័ត៌មានស្ថានប័នបោះពុម្ពផ្សាយក្រោមឱវាទឲ្យមានរបៀបរៀបរយកែប្រែទំព័រពត៌មានអេឡិកត្រូនិករបស់សមាគម។ដំណើរការបូកសរុបអក្សរសិល្ប៍សតវត្សរ៍ XX ។ ស្វែងរកប្រភពធនធានបន្ថែមដើម្បីអភិវឌ្ឍអក្សរសិល្ប៍។ ការបញ្ចូលសមាជិក-ជិកាក៏បានកែប្រែយោងលើស្មារតីទាក់ទាញអ្នកនិពន្ធមានទេពកោសល្យវ័យក្មេង។

បង្កលក្ខណសម្បត្តិដើម្បីអ្នកនិពន្ធវៀតណាមទាំងឡាយរស់នៅបរទេសធ្វើការនិពន្ធងាកមករកមាតុប្រទេសដើម្បីបុព្វហេតុកសាងមនុស្សកសាងវប្បធម៌វៀតណាម។ល។

មហាសន្និបាតបានបោះឆ្នោតជ្រើសគណៈប្រតិបត្តិការសមាគមអ្នកនិពន្ធវៀតណាមអាណត្តិកាលឆ្នាំ២០១៥-២០២០រួមមានសមាជិក៦រូប៖អ្នកកវីនិពន្ធហ៊ឺវធិញអ្នកកវីនិពន្ធង្វៀនក្វាងថេវអ្នកកវីនិពន្ធត្រឹងដាំងខ្វាអ្នកនិពន្ធខ្វឹកក្វាងធ្វី អ្នកនិពន្ធង្វៀនទ្រីហ្វឹនអ្នកនិពន្ធង្វៀនប៊ិញភឿង។ក្នុងនោះអ្នកកវីនិពន្ធហ៊ឺវធិញត្រូវបានជាប់ឆ្នោតកាន់តំណែងប្រធានសមាគមអ្នកនិពន្ធវៀតណាមលើកទី៩ជាបន្ត។ អ្នកនិពន្ធខ្វឹកក្វាងធ្វីជាប់ឆ្នោតកាន់តំណែងប្រធានគណៈត្រួតពិនិត្យសមាគមអ្នកនិពន្ធវៀតណាម៕

HN(ĐCSVN) ប្រែសម្រួលៈលីសៀ

ចែករំលែកអត្ថបទ

ពាក្យគន្លឹះ