19/11/2026 - 08:31

ឃុំ​ត្រឹង​ដេ បង្កើន​ការ​ងារ​បង្ការ​ទប់​ស្កាត់​គ្រឿង​ញៀន​ចាប់​ពី​មូល​ដ្ឋាន 

តាម​រយៈ​ទម្រង់ “៤+១” ឃុំ​ត្រឹង​ដេ ទី​ក្រុង​កឹង​ធើ បាន​ជំ​រុញ​កិច្ច​សហ​ការ​រវាង​កម្លាំង​នគរ​បាល ជា​មួយ​គណៈ ផ្នែក អង្គ​ការ​មហា​ជន​នា​នា​និង​សហ​គមន៍ ក្នុង​ការ​បង្ការ​ទប់​ស្កាត់​គ្រឿង​ញៀន។ តាម​រយៈ​នោះ ជួយ​លើក​កម្ពស់​ប្រ​សិទ្ធ​ភាព​នៃ​ការ​គ្រប់​គ្រង​ភូមិ​ឋាន ម្ចាស់​ការ​បង្ការ​ហា​និភ័យ​នៃ​ការ​ប្រើ​ប្រាស់​គ្រឿង​ញៀន​ឡើង​វិញ និង​ជួយ​ដល់​អ្នក​ដែល​បាន​ផ្តាច់​គ្រឿង​ញៀន​លំ​នឹង​ជីវ​ភាព។

 នគរ​បាល​ឃុំ​ត្រឹង​ដេ ចាត់​តាំង​កិច្ច​ប្រ​ជុំ​បង្ហាញ​មុខ​ទម្រង់ “៤+១ “ក្នុង​ការ​បង្ការ ទប់​ស្កាត់​គ្រឿង​ញៀន។

កន្លង​ហើយ នគរ​បាល​ឃុំ​ត្រឹង​ដេ ទើប​ចាត់​តាំង​កិច្ច​ប្រ​ជុំ​បង្ហាញ​មុខ​ទម្រង់ “៤+១” ក្នុង​ការ​ងារ​បង្ការ​ទប់​ស្កាត់​គ្រឿង​ញៀន។ ទម្រង់​នេះ​មាន​ទិស​ដៅ​កសាង​យន្ត​ការ​សហ​ការ​យ៉ាង​ជិត​ស្និទ្ធ​រវាង​កម្លាំង​នគរ​បាល ជា​មួយ​គណៈ ផ្នែក អង្គ​ការ​មហា​ជន​នា​នា​និង​សហ​គមន៍ នាំ​យក​ការ​ងារ​បង្ការ គ្រប់​គ្រង អប់រំ​ចុះ​ដល់​ភូមិ​ឋាន​និង​ករ​ណី​នី​មួយៗ។ គណៈ​ចង្អុល​ការ​ទម្រង់​បាន​បង្កើត​ឡើង​តាម​សេច​ក្តី​សម្រេច​របស់​គណៈ​កម្មា​ធិ​ការ​ប្រ​ជា​ជន​ឃុំ សកម្ម​ភាព​តាម​របប​ទទួល​បន្ទុក​កិច្ច​ការ​បន្ថែម ក្នុង​នោះ នគរ​បាល​ឃុំ​ជា​អង្គ​ភាព​ប្រ​ចាំ​ការ។ គណៈ​ចង្អុល​ការ​មាន​សមា​ជិក ៣១ នាក់ រួម​មាន​ប្រ​ធាន​ម្នាក់ អនុ​ប្រ​ធាន​២​នាក់ និង​សមា​ជិក​២៨​នាក់។ សមាស​ភាព​ចូល​រួម​មាន​តំ​ណាង​គណៈ ផ្នែក អង្គ​ការ​មហា​ជន​ឃុំ និង​ប្រ​ធាន​គណៈ​ប្រ​ជា​ជន​ភូមិ​ទាំង ១៣ លើ​ភូមិ​ឋាន។

តាម​យន្ត​ការ​សកម្ម​ភាព សមា​ជិក​ដែល​បាន​ចាត់ ឱ្យ​ទទួល​បន្ទុក​នឹង​ទៅ​ជួប​ទំ​ទាក់​ទំ​ទង​ជា​មួយ​អ្នក​ដែល​ស្ថិត​ក្រោម​ការ​គ្រប់​គ្រង ដើម្បី​ស្វែង​យល់​ពី​មតិ​គោល​បំ​ណង សតិ​អា​រម្មណ៍​និង​ស្ថាន​ភាព​នៃ​ការ​រស់​នៅ។ ផ្អែក​លើ​មូល​ដ្ឋាន​នោះ សហ​ការ​ឃោស​នា អប់​រំ លើក​ទឹក​ចិត្ត​និង​ជំនួយ​សម​ស្រប ទន្ទឹម​នឹង​នោះ រាយ​ការណ៍​ជូន​នគរ​បាល​ឃុំ​ជា​បន្ទាន់​ដើម្បី​ធ្វើ​ការ​បូក​សរុប ធ្វើ​សេ​នា​ធិ​ការ​ជូន​គណៈ​ចង្អុល​ការ ដើម្បី​ចង្អុល​ការ​អនុ​វត្ត។ តាម​ប្រ​សាសន៍​លោក ហូក្វាង​ដាយ អនុ​លេខា​គណៈ​កម្មា​ធិ​ការ​បក្ស ប្រ​ធាន​គណៈ​កម្មា​ធិ​ការ​ប្រ​ជា​ជន​ឃុំ​ត្រឹង​ដេ ភូមិ​ភាគ​កំ​ណត់ ការ​ងារ​បង្ការ​ទប់​ស្កាត់​គ្រឿង​ញៀន គឺ​ជា​ភារ​កិច្ច​ជា​ប្រ​ចាំ គប្បី​មាន​ការ​ចូល​រួម​ពី​ទូ​ទាំង​ប្រ​ព័ន្ធ​នយោ​បាយ​និង​ការ​ឯក​ភាព​ពី​សំ​ណាក់​ប្រ​ជា​ជន។ តាម​រយៈ​ទម្រង់ “៤+១” ឃុំ​បាន​បង្កើន​ការ​ទទួល​ខុស ត្រូវ​ក្នុង​ការ​សហ​ការ​ជា​មួយ​គណៈ ផ្នែក អង្គ​ការ​មហា​ជន​នា​នា​និង​ភូមិ​នី​មួយៗ​ក្នុង​ការ​គ្រប់​គ្រង អប់​រំ ជួយ​ដល់​អ្នក​ក្រោយ​ពី​ផ្តាច់​គ្រឿង​ញៀន ព្រម​ទាំង​ម្ចាស់​ការ​ក្តាប់​ស្ថាន​ការណ៍ ទប់​ស្កាត់​ឱ្យ​បាន​ទាន់​ពេល​ហា​និភ័យ​កើត​មាន​អបាយ​មុខ​គ្រឿង​ញៀន រួម​ចំ​ណែក​រក្សា​សន្តិ​សុខ​សណ្តាប់​ធ្នាប់​នៅ​លើ​ភូមិ​ឋាន។

លោក​ឡឹម​ណា​គ្វី លេខា​សាខា​បក្ស​ភូមិ​បឹង​ព្រ​លឹត ឱ្យ​ដឹង៖ “យើង​ខ្ញុំ​នឹង​សហ​ការ​យ៉ាង​ជិត​ស្និទ្ធ​ជា​មួយ​កម្លាំង​នគរ​បាល​និង​អង្គ​ការ​មហា​ជន​នា​នា ដើម្បី​ក្តាប់​ស្ថាន​ការណ៍​ជា​ប្រ​ចាំ យក​ចិត្ត​ទុក​ដាក់​សួរ​សុខ​ទុក្ខ​និង​លើក​ទឹក​ចិត្ត​ដល់​ករណី​ដែល​បាន​ចាត់​ឱ្យ​គ្រប់​គ្រង។ ទន្ទឹម​នឹង​នោះ សកម្ម​ផ្សព្វ​ផ្សាយ ដើម្បី​ឱ្យ​ប្រ​ជា​ជន​លើក​កម្ពស់​ការ​ប្រុង​ប្រយ័ត្ន រួម​ជា​មួយ​បណ្តា​គ្រួ​សារ​ជួយ​ដល់​អ្នក​ក្រោយ​ពី​ផ្តាច់​គ្រឿង​ញៀន​ឱ្យ​មាន​ជីវ​ភា​ពលំ​នឹង និង​ជៀស​វាង​ការ​ប្រើ​ប្រាស់​គ្រឿង​ញៀន​ឡើង​វិញ”។

ការ​អនុ​វត្ត​ទម្រង់ “៤+១” រួម​ចំ​ណែក​ពង្រីក​កម្លាំង​សហ​គមន៍​ក្នុង​ការ​បង្ការ ទប់​ស្កាត់​គ្រឿង​ញៀន​ចាប់​ពី​មូល​ដ្ឋាន។ តាម​រយៈ​នោះ លើក​កម្ពស់​ប្រ​សិទ្ធ​ភាព​នៃ​ការ​គ្រប់​គ្រង​និង​ជួយ​ដល់​អ្នក​ក្រោយ​ពី​ផ្តាច់ គ្រឿង​ញៀន​ឱ្យ​សម្រប​ខ្លួន​រួម​រស់​ក្នុង​សហ​គមន៍ បន្ថយ​ហា​និភ័យ​នៃ​ការ​ប្រើ​ប្រាស់​គ្រឿង​ញៀន​ឡើង​វិញ រួម​ចំ​ណែក​រក្សា​សន្តិ​សុខ​សណ្តាប់​ធ្នាប់ និង​កសាង​ភូមិ​ភាគ​សុវត្ថិ​ភាព​និង​សុខុ​ដុម​រម​នា៕

                                   ហុង​ទើ-ដា​លីន

ចែករំលែកអត្ថបទ