សុខភាព - អប់រំ សុខភាព

25/09/2026 - 11:15

កឹងធើ ជំរុញការរួមបញ្ចូលសៀវភៅសុខភាពអេឡិចត្រូនិកនិងលិខិតស្នាមផ្សេងៗលើកម្មវិធី VNeID

- អនុប្រធានគណៈកម្មាធិការប្រជាជនទីក្រុងកឹងធើ ង្វៀងធីង៉ុកឌីប ទើបចុះហត្ថលេខាដាក់ឱ្យប្រើសេចក្តីសម្រេចលេខ ៥២៣៤/UBND-KGVX ស្តីពីការបន្តជំរុញការរួមបញ្ចូល ធ្វើបច្ចុប្បន្នភាពសៀវភៅសុខភាពអេឡិចត្រូនិក គណនីសុខុមាលភាពសង្គម និងលិខិតស្នាមផ្សេងៗលើកម្មវិធី VNeID។

តាមរយៈនោះ ប្រធានមន្ទីរ គណៈ ផ្នែក និងគណៈកម្មាធិការប្រជាជនឃុំ សង្កាត់ ម្ចាស់ការសហការជាមួយកងកម្លាំងនគរបាល សុខាភិបាល ធានារ៉ាប់រងសង្គម ចលនាកម្មាភិបាល អ្នករដ្ឋការ បុគ្គលិក និងកម្មករនិយោជិតទាំង ១០០% បើកដំណើរការគណនីអត្តសញ្ញាណអេឡិចត្រូនិកកម្រិត ២ និងសម្រេចជាស្ថាពរការរួមបញ្ចូលប្រភេទលិខិតស្នាមផ្ទាល់ខ្លួន។ ទន្ទឹមនឹងនោះ មន្ទីរអប់រំនិងបណ្តុះបណ្តាល ចង្អុលការដល់សាលារៀននានាសហការជាមួយគ្រួសារ គាំទ្រការដំឡើងសៀវភៅសុខភាពអេឡិចត្រូនិកដល់សិស្សានុសិស្សតាមរយៈគណនីរបស់អាណាព្យាបាល។ គណៈកម្មាធិការប្រជាជនទីក្រុង បានប្រគល់ឱ្យគណៈកម្មាធិការរណសិរ្សមាតុភូមិ និងអង្គការមហាជននានា ពង្រីកតួនាទីរបស់ក្រុមបច្ចេកវិទ្យាឌីជីថលសហគមន៍ ដើម្បីណែនាំដោយផ្ទាល់ជូនប្រជាជន ពិសេសកម្មករនិយោជិតនៅតាមមណ្ឌលកែច្នៃនីហរ័ណ និងមណ្ឌលឧស្សាហកម្ម។

គ្រឹះស្ថានសុខាភិបាលទាំងឡាយ បង្កើនការណែនាំប្រជាជនធ្វើបែបបទពិនិត្យ ព្យាបាលជំងឺជាមួយព័ត៌មានដែលបានរួមបញ្ចូលលើកម្មវិធី VNeID។

ចំពោះផ្នែកសុខាភិបាល មូលដ្ឋានពិនិត្យ ព្យាបាលជំងឺរដ្ឋ និងឯកជន ១០០% ត្រូវរៀបចំធនធានមនុស្សគាំទ្រប្រជាជនក្នុងការរួមបញ្ចូល ប្រើប្រាស់សៀវភៅសុខភាពអេឡិចត្រូនិកនៅពេលមកពិនិត្យជំងឺ។ មន្ទីរសុខាភិបាល ដឹកនាំតាមដានល្បឿនដំណើរការ សរុបទិន្នន័យតួលេខរាយការណ៍ជូននគរបាលទីក្រុងមុនថ្ងៃ ២៥ ខែកញ្ញា។ ស្ថាប័នធានារ៉ាប់រងសង្គមទីក្រុង ធ្វើការចែករំលែក ធ្វើឱ្យព្រមៗគ្នា និងសម្អាតទិន្នន័យពិនិត្យព្យាបាលជំងឺដោយធានារ៉ាប់រងសុខាភិបាល។

នគរបាលទីក្រុង ដើរតួនាទីជាស្នូលក្នុងការតាមដាន ពិនិត្យ និងជំរុញគ្រប់ផ្នែកនៃដំណើរការអនុវត្តលើភូមិឋាន; បូកសរុបលទ្ធផល រាយការណ៍និងធ្វើសេនាធិការជូនគណៈកម្មាធិការប្រជាជនទីក្រុង មុនថ្ងៃ ៣០ ខែកញ្ញា ឆ្នាំ ២០២៦; ស្ងើចសរសើរឱ្យបានទាន់ពេលដល់អង្គភាពដែលធ្វើល្អ និងចាត់វិធានការចំពោះករណីយឺតយ៉ាវ៕

ធូសឿង - លីសៀ

ចែករំលែកអត្ថបទ

ពាក្យគន្លឹះ