គណៈកម្មាធិការប្រជាជនទីក្រុងកឹងធើ ទើបចេញផែនការចាត់តាំងសកម្មភាពទិវាវប្បធម៌វៀតណាម (ថ្ងៃទី ២៤ ខែវិច្ឆិកា) និងពិធីបុណ្យអកអំបុក-ប្រណាំងទូក ង ទីក្រុងកឹងធើឆ្នាំ២០២៦។
ចំពោះសកម្មភាពទិវាវប្បធម៌វៀតណាម ទីក្រុងកឹងធើនឹងចាត់តាំង សួរសុខទុក្ខនិងជូនអំណោយដល់អតីតថ្នាក់ដឹកនាំនិងសមូហភាព បុគ្គលដែលមានស្នាដៃឆ្នើមក្នុងការរួមចំណែកក្នុងវិស័យវប្បធម៌គ្រប់សម័យកាល។ មហោស្រពសិល្បៈល្ខោនបាសាក់ខ្មែរណាមបូ លើក ទី៣ គ្រោងនឹងចាត់តាំងឡើងនៅដើមខែវិច្ឆិកា ឆ្នាំ២០២៦ លើភូមិឋានទីក្រុង។ សារមន្ទីរទីក្រុងកឹងធើ នឹងរៀបចំការតាំងពិព័រណ៍ប្រធានបទ ឧទ្ទេសនាមអំពីរូបភាព ឯកសារនិងវត្ថុតាំងអំពីវប្បធម៌វៀតណាម និយាយរួម និងទីក្រុងកឹងធើនិយាយដោយឡែកគ្រប់សម័យកាល សំដៅលើកតម្កើងតម្លៃបេតិកភណ្ឌវប្បធម៌រូបីនិងអរូបី ឧទ្ទេសនាមអំពីលក្ខណៈពិសេសនៃវប្បធម៌កឹងធើនិងតំបន់វាលរាបទន្លេគឺវឡុង។ មន្ទីរវប្បធម៌ កីឡានិងទេសចរណ៍ ដឹកនាំ សហការជាមួយអង្គភាពពាក់ព័ន្ធ ចាត់តាំងការតាំងពិព័រណ៍សៀវភៅក្រោមប្រធានបទ “វប្បធម៌បំភ្លឺផ្លូវឱ្យប្រជាជាតិ” សម្ដែងល្ខោនកៃលឿងបម្រើប្រជាជនក្នុងឱកាសទិវាវប្បធម៌វៀតណាម...។
ចំពោះពិធីបុណ្យអកអំបុក-ប្រណាំងទូក ង ទីក្រុងកឹងធើ ឆ្នាំ២០២៦ ពិធីបើកព្រឹត្តិការណ៍នេះ គ្រោងនឹងធ្វើឡើងនៅល្ងាចថ្ងៃទី ២២ ខែវិច្ឆិកា នៅទីលានបាច់ដាំង សង្កាត់ភូឡើយ ផ្សាយបន្តផ្ទាល់នៅលើកាសែតវិទ្យុនិងទូរទស្សន៍កឹងធើ។ ការប្រកួតប្រណាំងទូក ង ទីក្រុងកឹងធើ បើកទូលាយ ឆ្នាំ២០២៦ គ្រោងនឹងមានការចូលរួមពីទូក ង (បុរស នារី) ជាង៦០ទូកទាំងក្នុងនិងក្រៅទីក្រុង ចាប់ពីថ្ងៃទី២៣ ដល់២៤ ខែវិច្ឆិកា។ ស្ថិតក្នុងក្របខណ្ឌនៃពិធីបុណ្យអកអំបុក-ប្រណាំងទូក ង ក៏មានការចាត់តាំងពិធីសំពះព្រះខែ បណ្តែតប្រទីបនិងទូកគែហ៊ៅ ផ្សារណាត់ជំរុញពាណិជ្ជកម្មផលិតផល OCOP ទីក្រុងកឹងធើ និងផលិតផលពិសេសប្រចាំតំបន់ ព្រមទាំងមានល្វែងតាំងពិព័រណ៍ សិប្បកម្មប្រពៃណី ម្ហូបអាហារ និងការផ្សព្វផ្សាយទេសចរណ៍...៕
យ្វីខូយ-ដាលីន
ពាក្យគន្លឹះ
