បង្កើនការដើរល្បាត ការពារ រក្សាសន្តិសុខ សណ្តាប់ធ្នាប់លើភូមិឋានទីក្រុង

តាមនគរបាលទីក្រុងកឹងធើ ដើម្បីធានាសន្តិសុខនយោបាយ សណ្តាប់ធ្នាប់សុវត្ថិភាពសង្គម អំណរមហាសន្និបាតតំណាងទូទាំងប្រទេស លើកទី១៤ របស់បក្ស នគរបាលទីក្រុងបានបង្កើតក្រុមការងារចំនួន ៨ ក្រុម អាស្រ័យថ្នាក់ដឹកនាំនគរបាលទីក្រុង ធ្វើជាប្រធានក្រុម ធ្វើការត្រួតពិនិត្យ ចង្អុលការណែនាំការងារចំពោះនគរបាលអង្គភាព និងមូលដ្ឋាននានានៅលើភូមិ​ឋាន។

ខ្លឹមសារត្រួតពិនិត្យ ផ្តោតលើលក្ខខណ្ឌធានាកិច្ចការងារនិងគ្រឿងសព្វាវុធ ឧបករណ៍សម្ភារៈ និងមធ្យោបាយផ្សេងៗ។ល។ ក្នុងនោះ ផ្តោតសំខាន់លើអង្គភាពទិសដៅ ដូចជា៖ ក្រុមការងារធានាសន្តិសុខ សណ្តាប់ធ្នាប់នៅសង្កាត់វីតឹង កៃតាក់ នគរបាលសង្កាត់វីថាញ វីតឹង ឡុងមី និង​ឃុំហ្វាលឺវ។

ប៉ូលិសសណ្តាប់ធ្នាប់នៃនគរបាលទីក្រុងកឹងធើ ដើរល្បាតលើដងផ្លូវ។ រូបថត៖ កេវជិញ

ថ្នាក់ដឹកនាំនគរបាលទីក្រុង បានសំណូមពរនគរបាលតាមឃុំ សង្កាត់ ម្ចាស់ការធ្វើសេនាធិការស្នើទៅកាន់គណៈ​កម្មាធិការបក្ស គណៈកម្មាធិការប្រជាជនភូមិភាគ ចាត់កងកម្លាំង សហការជាមួយនគរបាលមូលដ្ឋានក្នុងការរក្សាសន្តិសុខ សណ្តាប់ធ្នាប់។ ជាមួយគ្នានេះ បានសំណូមពរដល់ក្រុមការងាររបស់នគរបាលទីក្រុងនិងនគរបាលតាមឃុំ សង្កាត់ ធ្វើសហប្រតិបត្តិការយ៉ាងជិតស្និទ្ធក្នុងការអនុវត្តភារកិច្ច ដោះស្រាយយ៉ាងឆាប់រហ័សនិងទាន់ពេលវេលានូវបញ្ហានានា អំពីសុវត្ថិភាពបង្ការអគ្គិភ័យ សន្តិសុខ សណ្តាប់ធ្នាប់ សុវត្ថិភាពចរាចរណ៍។ល។ ខិតខំធានាសុ​វត្ថិភាពដាច់ខាតលើភូមិឋានទីក្រុងទាំងមូល រួមចំណែកដើម្បីជោគជ័យនៃមហាសន្និបាតតំណាងទូទាំងប្រទេស លើក​ទី​១៤ របស់បក្ស។

ក្នុងការអនុវត្តយុទ្ធនាការកំពូល ដើម្បីវាយលុកបង្ក្រាបបទល្មើស ធានាសន្តិសុខ សណ្តាប់ធ្នាប់សម្រាប់មហាសន្និបាតតំណាងទូទាំងប្រទេស លើកទី១៤ របស់បក្ស ការបោះឆ្នោតជ្រើសតាំងតំណាងរដ្ឋសភា នីតិកាលទី១៦ និងក្រុមប្រឹក្សាប្រជាជនគ្រប់លំដាប់ថ្នាក់ អាណត្តិកាល​២០២៦​-២០៣១ ពិធីបុណ្យចូលឆ្នាំវៀតណាម បិញង៉ ឆ្នាំ២០២៦ ព្រមទាំងព្រឹត្តិការណ៍សំខាន់ៗរបស់ប្រទេស ដែលប្រព្រឹត្តឡើងលើភូមិឋានទីក្រុង (ចាប់ពីថ្ងៃទី ១០-១២-២០២៥ ដល់ថ្ងៃទី ១៦-៣៦-​២០២៦) កង​កម្លាំងប៉ូលិសសណ្តាប់ធ្នាប់នៃនគរបាលទីក្រុងកឹងធើ បានបង្ហាញពីតួនាទីស្នូល ម្ចាស់ការកសាងនិងអនុវត្តប្រកបដោយប្រសិទ្ធភាពនូវផែនការ បង្កើនការដើរល្បាត ត្រួតពិ​និត្យគ្របដណ្តប់ទូទាំងភូមិឋាន ផ្តោតសំខាន់លើដងផ្លូវនិងមណ្ឌលសំខាន់ៗដែលស្មុគស្មាញខាង​​សណ្តាប់ធ្នាប់សាធារណៈ និងសណ្តាប់ធ្នាប់ទីក្រុង។

កង​កម្លាំងប៉ូលិសសណ្តាប់ធ្នាប់ទូទាំងទីក្រុង បានសហការជិតស្និទ្ធជាមួយកម្លាំងសមត្ថកិច្ចពាក់​ព័ន្ធ ដើម្បីរកឃើញបានទាន់ពេល ទប់ស្កាត់និងដោះស្រាយទង្វើល្មើសច្បាប់ផ្សេងៗ។ តាម​រយៈនោះ បានដើរល្បាត ត្រួតពិនិត្យចំនួន ៣.៤៥០លើក ដោយមានកម្មាភិបាល យុទ្ធជនចូលរួមជាង ១២.៧៧០ នាក់ រកឃើញនិងដោះស្រាយករណីល្មើសច្បាប់ ៧៥ករណី រួមចំណែករក្សា​សណ្តាប់ធ្នាប់ ច្បាប់ទីក្រុង មិនឱ្យកើតមានចំណុចក្តៅ។ ជាមួយគ្នានេះ កងកម្លាំងបានជំរុញសកម្មភាពផ្សព្វផ្សាយអប់រំច្បាប់ តាមរយៈការប្រជុំផ្សព្វផ្សាយដោយផ្ទាល់ចំនួន ៦១៥លើក ចល​នា​ប្រជាជនរាប់ពាន់លើកនាក់លើកកម្ពស់ស្មារតីគោរពច្បាប់ ចូលរួមធានាសន្តិសុខសណ្តាប់​ធ្នាប់មូលដ្ឋាន។

ក្នុងការអនុវត្តផែនការធានាសន្តិសុខ សណ្តាប់ធ្នាប់បម្រើមហាសន្និបាតតំណាងទូទាំងប្រទេស លើកទី១៤ របស់បក្ស  ការបោះឆ្នោតជ្រើសតាំងតំណាងរដ្ឋសភា នីតិកាលទី ១៦ និងបោះ​ឆ្នោត​ជ្រើសតាំងតំណាងក្រុមប្រឹក្សាប្រជាជនគ្រប់លំដាប់ថ្នាក់ អាណត្តិកាល២០២៦-២០៣១ នគរ​បាលឃុំកេសាត់​ បានផ្តោតសំខាន់លើការក្តាប់ស្ថានការណ៍សន្តិសុខនយោបាយ និងសណ្តាប់​ធ្នាប់ សុវត្ថិភាពសង្គមលើភូមិឋាន; ម្ចាស់ការរកឃើញ ធ្វើសេនាធិការដោះស្រាយទាន់ពេល​នូវបញ្ហាស្មុគស្មាញនានាចាប់ពីមូលដ្ឋាន។

ជាមួយគ្នានេះដែរ បានសហការជិតស្និទ្ធជាមួយគណៈ ផ្នែក  អង្គការមហាជនឃុំ និងគណៈ​កម្មការប្រជាជនតាមភូមិ ដើម្បីផ្សព្វផ្សាយចលនាប្រជាជនក្នុងការលើកកម្ពស់ស្មារតីប្រុងប្រយ័ត្ន សកម្មចូលរួមការចលនា ទូទាំងប្រជាជនការពារសន្តិសុខមាតុភូមិ; ពង្រីកតួនាទីនៃទម្រង់ស្វ័យ​គ្រប់គ្រងផ្នែកសន្តិសុខ សណ្តាប់ធ្នាប់ រួមចំណែករក្សាស្ថិរភាព​លើភូមិឋាន។

អនុវត្តយុទ្ធនាការកំពូល មកដល់ពេលនេះនគរបាលឃុំ បានសហការដើរល្បាត ត្រួតពិនិត្យសណ្តាប់ធ្នាប់ សុវត្ថិភាពចរាចរណ៍ជាង ៦០លើកនិងធ្វើការផ្សព្វផ្សាយជាង ៤០ លើកអំពីចលនាទូទាំងប្រជាជនការពារសន្តិសុខមាតុភូមិ៕

 ប្រភព៖ baocantho.com.vn - ពេជ្រសឿន