សន្តិសុខ - ការពារប្រទេស ការពារប្រទេស

21/10/2024 - 15:50

កសាងធ្លុងមហាសាមគ្គីទូទាំងជនជាតិ

នាពេលកន្លង កម្លាំងសន្តិសុខផ្ទៃក្នុងនៃនគរបាលខេត្តបាកលីវ តែងទៅទាក់ទងចលនាអ្នកមុខអ្នកការសាសនា និងគណៈកម្មការវត្តខ្មែរទាំងឡាយ ដើម្បីលើកកម្ពស់តួនាទីនិងប្រជាប្រិយភាពក្នុងការរឹតបន្តឹងធ្លុងមហាសាមគ្គីទូទាំងជនជាតិ។

កម្មាភិបាល យុទ្ធជនការិយាល័យសន្តិសុខផ្ទៃក្នុងតែងរក្សាទំនាក់ទំនងល្អជាមួយមន្ត្រីសង្ឃ។

កម្លាំងសន្តិសុខផ្ទៃក្នុងនៃនគរបាលខេត្តបាកលីវ តែងរក្សាសកម្មភាពប្រកបដោយប្រសិទ្ធភាពនូវទម្រង់ស្វ័យបង្ការ ស្វ័យគ្រប់គ្រង ស្វ័យការពារ និងស្វ័យផ្សះផ្សាអំពីសន្តិសុខសណ្តាប់ធ្នាប់ក្នុងសាសនា។ល។ តួយ៉ាងដូច៖ “ក្រុមគ្រិស្តសាសនិកស្វ័យគ្រប់គ្រង ស្វ័យបង្ការ អំពីសន្តិសុខសណ្តាប់ធ្នាប់” “ក្រុមស្វ័យការពារវង្សត្រកូលអំពីសន្តិសុខសណ្តាប់ធ្នាប់” “ក្លឹប៣ សកម្មក្នុងជនរួមជាតិខ្មែរ ” “ក្រុមឃោសនា ផ្សព្វផ្សាយនិងអប់រំចំណេះដឹងផ្នែកច្បាប់ក្នុងសាសនា កាវដាយ តៀងថៀង” និងទម្រង់លេចធ្លោមួយចំនួនទៀតបានក្រសួងនគរបាលទទួលស្គាល់ និងស្ងើចសរសើរ។ លេចធ្លោបំផុត គឺបានបង្កើតនិងរក្សាសកម្មភាពមានប្រសិទ្ធភាពទម្រង់ “ក្លឹប ៣ សកម្មក្នុងជនរួមជាតិខ្មែរ” បានក្លាយជាទីបង្អែកដ៏ទំនុកចិត្ត ជាស្ពានតភ្ជាប់និងជាអ័ក្សភ្ជាប់រវាងកងកម្លាំងនគរបាលជាមួយជនរួមជាតិខ្មែរ បង្កើតបានទំនាក់ទំនងជិតស្និទ្ធ សាមគ្គីភាព និងឯកភាពក្នុងការអនុវត្តគោលការណ៍របស់បក្ស គោលនយោបាយនិងច្បាប់របស់រដ្ឋ។ ទន្ទឹមនឹងនោះ ជា “កម្លាំងជំនួយ” ដែលតែងតែប្រកៀកស្មា គាំទ្រដល់កងកម្លាំងសន្តិសុខក្នុងការធានាសន្តិសុខសណ្តាប់ធ្នាប់; លើកកម្ពស់ស្មារតីប្រុងប្រយ័ត្នចំពោះឧបាយកលអូសទាញប្រជាជន ចូលដៃប្រឆាំងបក្សនិងរដ្ឋយើងពីកម្លាំងអមិត្តខាងក្រៅ។ លោកថាច់សន ប្រធានក្លឹប “៣សកម្មក្នុងជនរួមជាតិខ្មែរ” នៅឃុំហឹងហោយ ស្រុកវិញឡើយ មានប្រសាសន៍៖ “បន្ទាប់ពីបានបង្កើតនិងដំណើរការកន្លងមក សមាជិកនៃក្លឹបបានផ្តុំកម្លាំងអនុវត្តល្អ ការឃោសនា ចលនាព្រះសង្ឃនិងជនរួមជាតិ ខ្មែរគោរពច្បាប់ បង្កើនការប្រុងប្រយ័ត្នចំពោះបទល្មើសគ្រប់ប្រភេទ ដើម្បីទប់ស្កាត់ បង្ក្រាបបទល្មើសនិងបាបគ្រោះសង្គម។ អាស្រ័យហេតុនេះ ស្ថានភាពសន្តិសុខសណ្តាប់ធ្នាប់នៅក្នុងវត្ត និងជីវភាពរស់នៅរបស់ប្រជាជននៅតាមភូមិស្រុក ត្រូវបានរក្សាលំនឹង មាមីងនឹងនរចិត្តពលកម្មផលិត”។

កម្មាភិបាល យុទ្ធជនការិយាល័យសន្តិសុខផ្ទៃក្នុងរួមជាមួយព្រះចៅអធិការវត្តកោះធំ សម្ពោធនិងដាក់ឱ្យប្រើប្រាស់ដងផ្លូវទង់ជាតិ ចូលកាន់មណ្ឌលកេរដំណេលប្រវត្តិសាស្រ្តថ្នាក់ជាតិវត្តកោះធំ នៅឃុំនិញថាញ់ឡើយ ស្រុកហុងយ៉ឹង។

តាមប្រសាសន៍ លោកវរសេនីយ៍ឯកបម្រុង ផាមតៀកម៉ាយ អនុប្រធានការិយាល័យសន្តិសុខផ្ទៃក្នុងនៃនគរបាលខេត្តបាកលីវ គឺកម្មាភិបាល យុទ្ធជនការិយាល័យសន្តិសុខផ្ទៃក្នុងតែងច្បាមខ្ជាប់ភូមិសាស្រ្ត ក្តាប់ច្បាស់ស្ថានការណ៍ និងអនុវត្តយ៉ាងប៉ិនប្រសប់ រវៀសរវៃការក្តាប់មតិគោលបំណង តម្រូវការជំនឿសាសនាស្របច្បាប់របស់ប្រជាជន។ ទន្ទឹមនឹងនោះ អនុវត្តល្អនូវភារកិច្ចឃោសនា ចលនាមហាជន សាសនិកជន និងជនរួមជាតិខ្មែរ គោរពតាមគោលការណ៍របស់បក្ស គោលនយោបាយនិងច្បាប់របស់រដ្ឋ ព្រមទាំងរួមកម្លាំងជាមួយនគរបាលក្នុងការប្រយុទ្ធប្រឆាំង និងទប់ស្កាត់បទល្មើស ធានាសន្តិសុខសណ្តាប់ធ្នាប់នៅលើភូមិសាសស្រ្ត៕

យ៉ីអាញ - បកប្រែ៖ សុផន

ចែករំលែកអត្ថបទ

ពាក្យគន្លឹះ