មហាសាមគ្គីជនជាតិ ភូមិស្រុកផ្លាស់ថ្មី

16/09/2024 - 16:11

អភិវឌ្ឍន៍ផលិតផល OCOP

បច្ចុប្បន្ន នៅលើភូមិសាស្រ្តខេត្តត្រាវិញ មានផលិតផលសម្រេច OCOP ចំនួន ៣១៨ ក្នុងនោះ មានផលិតផលចំនួន២៦៦ សម្រេចផ្កាយ៣; ផលិតផលចំនួន ៤២ សម្រេចផ្កាយ៤; ផលិតផលចំនួន៣ សម្រេចផ្កាយ៥ និងផលិតផលសក្តានុភាពចំនួន ៧ សម្រេចផ្កាយ៥។

សកម្មភាពវេចនំអន្សមជ្រូកគ្រួសារបងស្រីថាច់ធីយី ។

លោកឡេវ៉ាន់ដុង អនុប្រធានមន្ទីរកសិកម្មនិងអភិវឌ្ឍន៍ជនបទខេត្តត្រាវិញ ឱ្យដឹង៖ “ដើម្បីធានាសុវត្ថិភាពចំណីអាហារ អនុវត្តវិទ្យាសាស្ត្របច្ចេកទេសដើម្បីលើកកម្ពស់គុណភាពផលិតផលសម្រាប់ប្រកួតប្រជែងក្នុងប្រទេសនិងការនាំចេញ ខេត្តបានលើកទឹកចិត្តដល់សមូហភាព បុគ្គលនៅលើភូមិសាស្រ្តខេត្ត កសាងឃុំ សង្កាត់នីមួយៗសម្រេចបានផលិតផល OCOP។ ផលិតផល OCOP ត្រូវបានវាយតម្លៃនិងរៀបចំណាត់ថ្នាក់របស់អាជីវកម្ម សហករណ៍មូលដ្ឋាន ផលិតកម្មនិងគ្រួសារធ្វើអាជីវកម្ម តែងយកចិត្តទុកដាក់ផលិតស្របតាមដំណាក់ការបទដ្ឋាន ISO, VietGAP អនាម័យសុវត្ថិភាពចំណីអាហារ; សម្រេចបទដ្ឋាន HACCP ចូលដំណើរការរុករកប្រភពផលិតផល។ ផលិតផល OCOP សំខាន់ៗរបស់ខេត្ត ត្រូវបានវាយតម្លៃសម្រេចបទដ្ឋាននិងបានអតិថិជនចូលចិត្ត ដូចជា៖ នំអន្សមជ្រូករបស់គ្រួសារធ្វើអាជីវកម្មថាច់ធីយី ដូងខ្ទិះហ្វាតឹង ដូងខ្ទិះបាវចូវ; នំអន្សមជ្រូកង៉ូវភុក ទឹកផ្កាដូង Organic Sokfarm នំ Vicosap ដូងខ្ទិះនិងដំឡូងជ្វា នំ Vicosap ដូងខ្ទិះនិងល្ពៅ នំ Vicosap ដូងខ្ទិះនិងចេកនិងទឹករ៉ែធម្មជាតិ សាវបៀង - STA RFIWA...”។

និស្សិតសាកលវិទ្យាល័យកឹងធើ មកទស្សនាហាងវេចនំអន្សមជ្រូកជីនយី (ថាច់ធីយី)
សម្រេច OCOP ផ្កាយ៣។

បងស្រីថាច់ធីយី នៅភូមិហ្វាហាវ ឃុំភឿកហាវ ស្រុកចូវថាញ់ ឱ្យដឹង៖ “រៀងរាល់ថ្ងៃ គ្រួសារខ្ញុំវេចនំលក់ពី២០០ដល់ ៣០០ នំ ហើយនំអន្សមជ្រូកនីមួយៗមានទម្ងន់ពី៧០០ ក្រាម ដល់ ១,២ គីឡូក្រាម។ ថ្មីៗនេះ រដ្ឋអំណាចភូមិភាគបានមកចលនាកសាងផលិតផល OCOP សម្រាប់នំអន្សមជ្រូករបស់គ្រួសារខ្ញុំ ដើម្បីអភិវឌ្ឍសេដ្ឋកិច្ចនៅតំបន់ជនបទតាមទិសដៅពង្រីកកម្លាំងផ្ទៃក្នុង ដូចជាប្រភពពលកម្ម វប្បធម៌ភូមិភាគ ភាពឆ្លាតវៃនិងច្នៃប្រតិដ្ឋ។ល។ របស់ភូមិភាគ រួមចំណែកកែលម្អជីវភាពគ្រួសារ កសាងជនបទថ្មីនិងផលិតផលមានម៉ាកយីហោដោយឡែករបស់ភូមិភាគនិងតំបន់នីមួយៗ។ បច្ចុប្បន្ន ផលិតផលនំអន្សមជ្រូករបស់គ្រួសារខ្ញុំសម្រេចផ្កាយ៣ ទទួលបានការពេញនិយមរបស់អតិថិជន ហើយបច្ចុប្បន្ន មូលដ្ឋាននេះ ដោះស្រាយការងារជូនពលករប្រមាណ ១០ នាក់ មានការងារធ្វើជាប្រចាំនិងរកបានប្រាក់ចំណូលប្រមាណ ៣០០.០០០ ដុងក្នុងមួយថ្ងៃ”។

ខេត្តត្រាវិញ កំពុងបន្តចលនាសមូហភាពនិងបុគ្គល កសាងផលិតផល OCOP ដើម្បីលើកកម្ពស់គុណភាពផលិតផល ផ្សព្វផ្សាយរូបភាព ពង្រីកទីផ្សារប្រើប្រាស់ លើកកម្ពស់តម្លៃផលិតផល។ល។ រួមចំណែកកសាងជនបទថ្មី លើកកម្ពស់ប្រាក់ចំណូល និងដោះស្រាយការងារធ្វើជូនពលករ៕

សើុងម៉ាល័យ-វិមាន

ចែករំលែកអត្ថបទ

ពាក្យគន្លឹះ