ព្រឹត្តិការណ៍ - នយោបាយ ព្រឹត្តិការណ៍ - នយោបាយ

17/01/2022 - 07:39

បិទសម័យប្រជុំវិសាមញ្ញលើកទី ១ រដ្ឋសភា នីតិកាលXV

សកម្ម-ម្ចាស់ការ-ទទួលខុសត្រូវខ្ពស់

យន្តការពិសេសដោយឡែកអភិវឌ្ឍក្រុងកឹងធើ ចំនួន៦

កាលពីសប្តាហ៍កន្លង ក្រោយពី ៥ ថ្ងៃធ្វើការដ៏មមាញឹក ម៉ឺងម៉ាត់ វិទ្យាសាស្រ្ត ប្រជាធិបតេយ្យ និងការទទួលខុសត្រូវខ្ពស់ សម័យប្រជុំវិសាមញ្ញលើកទី ១ នីតិកាល XV បានបញ្ចប់ជាស្ថាពរតាមររបៀបវារៈដាក់ចេញ និងជោគជ័យល្អប្រសើរនៅរសៀលថ្ងៃទី ១១ ខែមករា។

 រដ្ឋសភា បិទសម័យប្រជុំវិសាមញ្ញលើកទី ១។

ជាមួយនឹងស្មារតីទទួលខុសត្រូវខ្ពស់ចំពោះប្រទេសជាតិ ជនរួមជាតិ និងម្ចាស់ឆ្នោតផ្អែកលើមូលដ្ឋានរបាយការណ៍របស់រដ្ឋាភិបាល របាយការណ៍ពិនិត្យបញ្ជាក់របស់ស្ថាប័ននៃរដ្ឋសភា ដោយមានមតិយោបល់របស់អ្នកតំណាងជិត ១.១០០ លើកនាក់បានលើកឡើងក្នុងកិច្ចប្រជុំពិភាក្សាក្រុមចំនួន ៣ លើក និងសម័យប្រជុំ ពេញអង្គតាមប្រព័ន្ធអនឡាញចំនួន ៣ លើក សមាជិករដ្ឋសភា បានផ្តោតទៅលើការសិក្សា ស្រាវជ្រាវ ពិភាក្សាពុះពោរ ផ្តល់យោបល់សំខាន់ៗ ប្ដេជ្ញាចិត្តខ្ពស់ គុណភាព ប្រកបដោយគំនិតស្ថាបនា; គ្រប់ស្ថាប័នរបស់រដ្ឋសភា រដ្ឋាភិបាល និងស្ថាប័នពាក់ព័ន្ធ ខំប្រឹងអស់ពីសមត្ថភាព មិនថាថ្ងៃឬយប់ក្នុងកិច្ចការសម្រង់ ទទួលយក បកស្រាយបានពេញលេញ ហ្មត់ចត់រាល់មតិយោបល់របស់សមាជិករដ្ឋសភាដើម្បីលើកជូនរដ្ឋសភាពិនិត្យពិច័យ អនុម័តច្បាប់ ១ និងសេចក្តីសម្រេចចំនួន ៤ ដោយការឯកភាពខ្ពស់ រួមចំណែកក្នុងការជោគជ័យជាក់ស្ដែងនៃសម័យប្រជុំ។

រដ្ឋសភាសម្រេចធ្វើពិសោធន៍នូវយន្តការ គោលនយោបាយពិសេសដោយឡែកមួយចំនួនក្នុងការអភិវឌ្ឍក្រុងកឹងធើ។ រូបថត៖ ត្រុងហាយ

ដើម្បីសេចក្តីសម្រេចនៃសម័យប្រជុំវិសាមញ្ញ លើកទី ១ នីតិកាល XV ឆាប់បានសុីជម្រៅទៅក្នុងជីវភាព ប្រធានរដ្ឋសភា វឿងឌិញហ្វែ សំណូមពរ ក្រោយពីសម័យប្រជុំ រដ្ឋាភិបាល នាយករដ្ឋមន្រ្តីនៃរដ្ឋាភិបាល គណៈកម្មាធិការអចិន្រ្តៃយ៍នៃរដ្ឋសភា ក្រុមប្រឹក្សាជនជាតិ គណៈកម្មាធិការនៃរដ្ឋសភា គ្រប់ស្ថាប័ន គណៈ ផ្នែកក្នុងក្បាលម៉ាស៊ីន រដ្ឋ ប្រតិភូតំណាងសមាជិករដ្ឋសភា គប្បីរួសរាន់ រៀបចំផ្សព្វផ្សាយអនុវត្តឆាប់រហ័សទាន់ពេលនូវច្បាប់និងសេចក្តីសម្រេចទើបបានអនុម័ត ឆាប់ពង្រីកបានប្រសិទ្ធភាពទៅក្នុងជីវភាព ជម្នះស្ថានភាព “ដើមឆ្នាំសន្សឹមៗ ចុងឆ្នាំអន្ទះអន្ទែង”។ ស្របឱកាសឆ្នាំថ្មី និងត្រៀមអំណរបុណ្យចូលឆ្នាំប្រពៃណីញ៉ឹមយឹង ឆ្នាំ ២០២២ ប្រធានរដ្ឋសភា វឿងឌិញហ្វែ មានបិយវាចាប្រសិទ្ធពរជ័យ សិរីមង្គលមហាប្រសើរដល់ជនរួមជាតិ កម្មាភិបាល យុទ្ធជន ម្ចាស់ឆ្នោតទូទាំងប្រទេស និងជនរួមជាតិយើងនៅប្រទេសក្រៅ ឆ្នាំថ្មី សុខភាពល្អបរិបូរ សុភមង្គល ជោគជ័យថ្មី និងជ័យជម្នះថ្មី។

* នៅរសៀលថ្ងៃទី ១១ ខែមករា រដ្ឋសភាបានអនុម័តសេចក្តីសម្រេចធ្វើពិសោធន៍នូវយន្តការ គោលនយោបាយពិសេសដោយឡែកមួយចំនួន ក្នុងការអភិវឌ្ឍក្រុងកឹងធើ ជាមួយអត្រាតំណាង គាំទ្រ ៤៦៣/៤៦៩ នាក់ (ស្រូបអត្រា ៩២,៧៩% នៃចំនួនសមាជិករដ្ឋសភា)។ យោងតាមសេចក្តីសម្រេច ក្រុងកឹងធើទទួលបានយន្តការគោលនយោបាយពិសេសដោយឡែកចំនួន ៦។

ទី១. ក្រុងអាចកម្ចីតាមរយៈបោះផ្សាយប័ណ្ណប្រាក់រដ្ឋអំណាចភូមិភាគ បុលពីអង្គការហិរញ្ញវត្ថុនិងអង្គការផ្សេងៗទៀតក្នុងប្រទេស ពីប្រភពប្រទេសក្រៅរបស់រដ្ឋាភិបាល បុលមកឱ្យក្រុងបុលឡើងវិញជាមួយនឹងកម្រិតសមតុល្យជាប់បំណុលមិនលើសពី ៦០% នៃចំណូលថវិការបស់ភូមិភាគបានទទួល។ សរុបកម្រិតបុលនិងចំណាយ លើសលុបនៃថវិកាក្រុងប្រចាំឆ្នាំ អាស្រ័យរដ្ឋសភាសម្រេច។ ក្រុមប្រឹក្សាប្រជាជនក្រុងកឹងធើ សម្រេចអនុវត្តសោហ៊ុយនិងថ្លៃសេវាដែលមិនទាន់បានកំណត់ក្នុងច្បាប់សោហ៊ុយនិងថ្លៃសេវា; កែសម្រួលកម្រិតឬអត្រាប្រមូលសោហ៊ុយនិងថ្លៃសេវាដែលបានស្ថាប័នមានសមត្ថកិច្ចសម្រេចកំណត់ចំពោះសោហ៊ុយ ថ្លៃសេវាគ្រប់ប្រភេទដែលបានចែងក្នុងច្បាប់ វៀរលែងសោហ៊ុយ ថ្លៃសេវាតុលាការ។ ថវិកាក្រុងបានទទួល ១០០% នៃចំណូលបន្ថែមពីខ្ទង់ចំណូល ដោយសារការកែសម្រួលគោលនយោបាយសោហ៊ុយ ថ្លៃសេវា។

ទី២. ក្រុមប្រឹក្សាប្រជាជនក្រុង អាចសម្រេចផ្លាស់ប្តូរគោលបំណងប្រើប្រាស់ដីផលិតស្រូវពី ២ រដូវឡើងទៅ ដោយផ្ទៃដីទំហំក្រោម ៥០០ ហិកតា តាមការផ្តល់សិទ្ធិរបស់នាយករដ្ឋមន្ត្រី។ ការសម្រេចផ្លាស់ប្តូរគោលបំណងប្រើប្រាស់ ដីផលិតស្រូវ ត្រូវអនុវត្តប្រកាសជាសាធារណៈ ស្ទង់មតិប្រជាជន អ្នកដែលរងផលប៉ះពាល់។

ទី៣. ផ្អែកលើមូលដ្ឋានគម្រោងប្លង់អភិវឌ្ឍន៍កសាងមណ្ឌលមុខងារ អភិវឌ្ឍន៍ទីក្រុង ដែលបានផ្តល់សច្ចានុម័ត នាយករដ្ឋមន្រ្តីសម្រេច ការធ្វើវិមជ្ឈការដល់គណៈកម្មាធិការប្រជាជនក្រុង ផ្តល់សច្ចានុម័តកែសម្រួលលើការអភិវឌ្ឍទូទៅនៃការកសាងមណ្ឌលមុខងារ; អភិវឌ្ឍន៍ទីក្រុង។

ទី៤. បន្ទាប់ពីថវិកាក្រុងធានាគ្រប់គ្រាន់ប្រភពអនុវត្តកែទម្រង់បៀវត្ស គោលនយោបាយសុខុមាលភាពសង្គម ក្រុមប្រឹក្សាប្រជាជនក្រុង អាចសម្រេចប្រើប្រាស់ប្រភពនៅសេសសល់ដើម្បីចំណាយបង្កើនប្រាក់ចំណូលបន្ថែមដល់កម្មាភិបាល បុគ្គលិក អ្នករដ្ឋការ។ កម្រិតចំណាយ បង្កើនប្រាក់ចំណូលបន្ថែមនេះ ផ្អែកលើប្រសិទ្ធភាពការងារនិងមិនលើស ០,៨ ដងនៃកម្រិតប្រាក់បៀវត្សឋានៈ តំណែង ឬកម្រិតបៀវត្ស តាមតំណែងការងារ មុខតំណែង តំណែងអ្នកដឹកនាំ។ កម្រិតចំណូលសម្រាប់អ្នកជំនាញ អ្នកវិទ្យាសាស្រ្ត ទេពកោសល្យពិសេស អាស្រ័យក្រុមប្រឹក្សាប្រជាជនក្រុងកំណត់។ ការចំណាយប្រាក់ចំណូលបន្ថែម អនុវត្តពេលដែលក្រុងអាចម្ចាស់ការតុល្យភាពថវិកា។

ទី៥. ក្រុងបានអនុវត្តគម្រោងជីកស្តារ គួបផ្សំនឹងការប្រមូលផលិតផលផ្លូវនាវាចរឌិញអាង- កឹងធើ តាមបែបផែនសង្គមូបនីយកម្ម ធានាលក្ខន្តិកៈផ្លូវនាវាចរកប៉ាល់ចំណុះពី ១០.០០០ តោនឡើងទៅអាចចេញចូលបាន; គម្រោង មានទំហំទុនពី ៥០០ ពាន់លានដុងឡើងទៅ ត្រូវបានអនុវត្តដោយរូបភាពអាទិភាព។

ទី៦. នាយករដ្ឋមន្រ្តី នឹងបង្កើតមជ្ឈមណ្ឌល ចងសម្ព័ន្ធផលិត កែច្នៃនិងប្រើប្រាស់ផលិតផលកសិកម្មតំបន់វាលរាបទន្លេគឺវឡុងនៅកឹងធើ។ អាជីវកម្មដែលមានគម្រោងវិនិយោគនៅមជ្ឈមណ្ឌល បានទទួលរបបអាទិភាពអំពីនីតិវិធីគយនិងពន្ធ បើសិនឆ្លើយតបបានលក្ខខណ្ឌមួយចំនួន។ សេចក្តីសម្រេចមានសុពលភាពចាប់ពីថ្ងៃទី ១ ខែមីនា អនុវត្តក្នុងរយៈពេល ៥ ឆ្នាំ៕

កាសែតកឹងធើភាសាខ្មែរ(សរុប)

ចែករំលែកអត្ថបទ

ពាក្យគន្លឹះ