សុខភាព - អប់រំ សុខភាព

11/09/2025 - 08:33

បន្ថែមសេចក្ដីរីករាយសម្រាប់អ្នកជំងឺតម្រងនោម

មន្ទីរពេទ្យពហុព្យាបាលថាញវ៉ូវ Medic បាកលីវ ខេត្តកាម៉ាវ គឺជាមន្ទីរពេទ្យដំបូងបង្អស់នៅតំបន់វាលរាបទន្លេគឺវឡុង ដែលសម្រេចស្ដង់ដារអន្តរជាតិ ISO ៩០០១ៈ២០១៥ ក្នុងការព្យាបាលបន្សុទ្ធឈាម។ សមិទ្ធផលដ៏ឆ្នើមនេះ បានបង្កទំនុកចិត្តសម្រាប់អ្នកជំងឺតម្រងនោម និងជួយមន្ទីរពេទ្យពហុព្យាបាលថាញវ៉ូវ Medic បាកលីវ អនុវត្តល្អការថែទាំសុខភាពជូនប្រជាជន។

អ្នកជំងឺបន្សុទ្ធឈាមនៅមជ្ឈមណ្ឌលផ្នែកតម្រងនោម-បន្សុទ្ធឈាម នៅមន្ទីរ
ពេទ្យពហុព្យាបាលថាញវ៉ូវ Medic បាកលីវ។

ស្តង់ដារ ISO ៩០០១ៈ២០១៥ ជាស្តង់ដារអន្តរជាតិស្តីពីប្រព័ន្ធគ្រប់គ្រងគុណភាព អាស្រ័យអង្គការស្តង់ដារអន្តរជាតិ (ISO) បានដាក់ចេញ។ ការអនុវត្តស្តង់ដារនេះ បានជួយមជ្ឈមណ្ឌលផ្នែកក្នុងតម្រងនោម-បន្សុទ្ធឈាម កំណត់ច្បាស់ពីតួនាទី ការទទួលខុសត្រូវរបស់បុគ្គលម្នាក់ៗនិងផ្នែកនៃដំណើរការបន្សុទ្ធឈាមទាំងមូល ចាប់ពីការទទួលអ្នកជំងឺ រៀបចំម៉ាស៊ីន ការព្យាបាលរហូតដល់ការត្រួតពិនិត្យ វាយតម្លៃនិងកែលម្អគុណភាពសេវាកម្ម។ ឆ្លងតាមរយៈនោះ កាត់បន្ថយទាបបំផុតនូវឧបទ្ទវហេតុផ្នែកវេជ្ជសាស្រ្ត នាំមកនូវសុវត្ថិភាព និងស្ថេរភាពជូនអ្នកជំងឺ។ ទន្ទឹមនឹងនោះ ស្តង់ដារ ISO ៩០០១:២០១៥ ថែមទាំងជួយមជ្ឈមណ្ឌលផ្នែកក្នុងតម្រងនោម-បន្សុទ្ធឈាម កែលម្អដំណើរការការងារផ្ទៃក្នុង ធ្វើឱ្យប្រសើរឡើងធនធាន បង្កើនជំនាញវិជ្ជាជីវៈនិងប្រសិទ្ធភាពក្នុងការគ្រប់គ្រង។ អនុបណ្ឌិត វេជ្ជបណ្ឌិត ផាមថាញវ៉ូវ ប្រធានក្រុមប្រឹក្សាភិបាល អគ្គនាយកមន្ទីរពេទ្យពហុព្យាបាលថាញវ៉ូវ Medic បាកលីវ ចែករំលែក៖ “វិញ្ញាបនប័ត្រ ISO ៩០០១ៈ២០១៥ មិនត្រឹមតែជាលទ្ធផលប៉ុណ្ណោះទេ ថែមទាំងជាការចាប់ផ្តើមនៃដំណើរការកែលម្អដោយឥតឈប់ ជាមួយនឹងទិសដៅស្នូលគឺនាំមកទំនុកចិត្ត និងគុណភាពព្យាបាលដ៏ល្អជូនអ្នកជំងឺតម្រងនោម។ មជ្ឈមណ្ឌលផ្នែកក្នុងតម្រងនោម-បន្សុទ្ធឈាមនៃមន្ទីរពេទ្យ កំពុងឈានទៅរកស្តង់ដារអន្តរជាតិបន្តិចម្តងៗ ក្លាយជាអាសយដ្ឋានមួយក្នុងចំណោមអាសយដ្ឋានទាំងឡាយ ដែលគួរទុកចិត្តសម្រាប់អ្នកជំងឺខ្សោយតម្រងនោមរុាំរ៉ៃនៅតំបន់វាលរាបទន្លេគឺវឡុង”។

វេជ្ជបណ្ឌិតឯកទេសកម្រិត II ង្វៀងមិញត្វឹង ប្រធានផ្នែកតម្រងនោមសិប្បនិម្មិត - មន្ទីរពេទ្យចើរ៉ៃ អនុប្រធានសមាគមបន្សុទ្ធឈាមទីក្រុងហូជីមិញ អនុប្រធានសមាគមបន្សុទ្ធឈាមវៀតណាម មានប្រសាសន៍៖ “ការបន្សុទ្ធឈាមគឺជាវិធីសាស្ត្រ ព្យាបាលដ៏ចាំបាច់ ជួយអ្នកជំងឺតម្រងនោមរុាំរ៉ៃ រក្សាគុណភាពជីវិត នៅពេលដែលមុខងារតម្រងនោមលែងបានធានា។ ការដែលមជ្ឈមណ្ឌលផ្នែកក្នុងតម្រងនោម-បន្សុទ្ធឈាមរបស់មន្ទីរពេទ្យពហុព្យាបាលថាញវ៉ូវ Medic បាកលីវ សម្រេចបានវិញ្ញាបនប័ត្រ ISO ៩០០១ៈ២០១៥ គឺជាជំហានវិវឌ្ឍន៍ដ៏សំខាន់មួយក្នុងការសម្រេចស្តង់ដារតាមដំណើរការ ដោយចាត់ទុកអ្នកជំងឺជាចំណុចស្នូល និងជួយមន្ទីរពេទ្យពហុព្យាបាលថាញវ៉ូវ Medic បន្តការលើកកម្ពស់គុណភាព នាំមកក្តីសង្ឃឹមនិងបង្កើតបានទំនុកចិត្តក្នុងសហគមន៍”។

អនុប្រធានមន្ទីរសុខាភិបាលខេត្តកាម៉ាវ ផាមវុាំងតុង មានប្រសាសន៍៖ “រយៈពេលកន្លង ផ្នែកសុខាភិបាលខេត្តកាម៉ាវ បានខិតខំប្រឹងប្រែងនិងអភិវឌ្ឍន៍ដោយឥតឈប់ឈរ សម្រេចបានសមិទ្ធផលជាច្រើនក្នុងការថែទាំសុខភាពជូនប្រជាជន។ មកដល់បច្ចុប្បន្ន ប្រព័ន្ធសុខាភិបាលចាប់ពីថ្នាក់មូលដ្ឋានដល់ថ្នាក់ខេត្តបានបំពេញតម្រូវការពិនិត្យ និងព្យាបាលជំងឺជូនប្រជាជន។ ពិសេស មន្ទីរពេទ្យពហុព្យាបាលថាញវ៉ូវ Medic បាកលីវ សម្រេចបានវិញ្ញាបនប័ត្រ ISO ៩០០១ៈ២០១៥ ស្ដីពីការគ្រប់គ្រងគុណភាពលើផ្នែកតម្រងនោម-បន្សុទ្ធឈាម ជាមួយឧបករណ៍ទំនើបៗ នឹងបើកឱកាសនិងលក្ខណៈសម្រាប់ប្រជាជន អ្នកជំងឺតម្រងនោម ទទួលបានការថែទាំសុខភាពកាន់តែល្អប្រសើរ; ជាពិសេស ចំពោះអ្នកជំងឺតម្រងនោមនៅតំបន់ដាច់ស្រយាល ទទួលបាននូវសេវាវេជ្ជសាស្ត្រទំនើបឆាប់រហ័សនិងមានប្រសិទ្ធភាព; មានឱកាសច្រើនសម្រាប់អ្នកជំងឺតម្រងនោមមិនត្រឹមតែនៅខេត្តកាម៉ាវប៉ុណ្ណោះទេ គឺរួមទាំងអ្នកជំងឺនៅតំបន់វាលរាបទន្លេគឺវឡុង ក៏ទទួលបានសេវាព្យាបាលប្រកបដោយគុណភាពនៅក្នុងស្រុក ក្នុងតំបន់របស់ខ្លួន ដោយមិនចាំបាច់ធ្វើដំណើរទៅឆ្ងាយ”៕

យ្វីអាញ - ថាច់ធី

ចែករំលែកអត្ថបទ

ពាក្យគន្លឹះ