ព្រឹត្តិការណ៍ - នយោបាយ ព្រឹត្តិការណ៍

23/10/2026 - 21:54

ពង្រីកតួនាទីក្រុមបច្ចេកវិទ្យាឌីជីថលសហគមន៍

ជាមួយនឹងគោលលំនាំ “ចុះទៅគ្រប់ច្រកល្ហក គ្រប់គ្រួសារ ណែនាំម្តងម្នាក់” ក្រុមបច្ចេកវិទ្យាឌីជីថលសហគមន៍នៅលើភូមិឋានទីក្រុងកឹងធើ បានពង្រីកតួនាទីជាស្ពានតភ្ជាប់យ៉ាងមានប្រសិទ្ធភាព ណែនាំប្រជាជនដោយផ្ទាល់ឱ្យទម្លាម់ជាមួយនឹងឧបករណ៍ឌីជីថល រួមចំណែកបង្រួមគម្លាតឌីជីថល និងជំរុញដំណើរការកសាងពលរដ្ឋឌីជីថលឱ្យកាន់តែរហ័ស។

សមាជិកក្រុមបច្ចេកវិទ្យាឌីជីថលសហគមន៍កំពុងណែនាំប្រជាជនកៀកជិតនឹងឧបករណ៍ឌីជីថល។

សេចក្តីសម្រេចចិត្តលេខ ៥៧-NQ/TW ចុះថ្ងៃទី ២២ ខែធ្នូ ឆ្នាំ ២០២៤ របស់ការិយាល័យនយោបាយអំពីអភិវឌ្ឍវិទ្យាសាស្ត្របច្ចេកវិទ្យា ផ្លាស់ថ្មីច្នៃប្រតិដ្ឋ និងផ្លាស់ប្តូរឌីជីថលជាតិ បានកំណត់ច្បាស់ប្រជាជននិងអាជីវកម្ម គឺជាមជ្ឈមណ្ឌល ជាអង្គសំខាន់ ជាប្រភពកម្លាំង និងជាកម្លាំងចលករដ៏សំខាន់នៃដំណើរការផ្លាស់ប្តូរឌីជីថល។ បញ្ជ្រាបស្មារតីនោះ ការបង្កើត និងពង្រីកតួនាទីរបស់ក្រុមបច្ចេកវិទ្យាឌីជីថលសហគមន៍ មានអត្ថន័យជាក់ស្តែងក្នុងការនាំបច្ចេកវិទ្យាមកជិតប្រជាជន ជួយឱ្យប្រជាជនកៀកជិតនិងប្រើប្រាស់ថ្នាលឌីជីថល ឧបករណ៍ឌីជីថល។ តាមរយៈនោះ រួមចំណែកឧត្តានកម្មបំណិនឌីជីថល ជំរុញផ្លាស់ប្តូរឌីជីថលផ្តើមពីមូលដ្ឋាន សន្សឹមៗក្លាយជាទម្លាប់ប្រើប្រាស់បច្ចេកវិទ្យាក្នុងជីវភាពប្រចាំថ្ងៃ។

បច្ចុប្បន្ន ទូទាំងទីក្រុងកឹងធើ មានក្រុមបច្ចេកវិទ្យាឌីជីថលសហគមន៍ចំនួន ១.២២៧ ក្រុម បានបង្កើតនិងរក្សាសកម្មភាពយ៉ាងមានប្រសិទ្ធភាពនៅតាមឃុំ សង្កាត់ចំនួន ១០៣ ដោយមានសមាជិកប្រមាណ ៨.៦០០ នាក់។ ក្រុមទាំងនេះតែងចុះទៅផ្ទះប្រជាជនដោយផ្ទាល់ ដើម្បីផ្សព្វផ្សាយ និងណែនាំប្រជាជនឱ្យចុះឈ្មោះ និងប្រើប្រាស់សេវាកម្មរដ្ឋអនឡាញ បញ្ចូលកម្មវិធីគណនីអត្តសញ្ញាណអេឡិចត្រូនិក VNeID កម្មវិធីទូទាត់មិនប្រើសាច់ប្រាក់ ព្រមជាមួយនឹងកម្មវិធីថែទាំសុខភាព និងធានារ៉ាប់រងសុខាភិបាលអេឡិចត្រូនិក។ ដោយការខិតខំប្រឹងប្រែងរបស់កងកម្លាំងទាំងនេះ ទើបចលនាផ្លាស់ប្តូរឌីជីថលនៅមូលដ្ឋានបានសម្រេចនូវជំហានវិវត្តន៍ជាក់ស្តែងតាមតួលេខពិតប្រាកដ។ គិតត្រឹមតែក្នុងត្រីមាសទី ២ ឆ្នាំ ២០២៦ ក្រុមទាំងនេះបានជួយប្រជាជនដាក់ពាក្យសំណុំឯកសារលើសេវាកម្មរដ្ឋអនឡាញចំនួន ៥.៤៤៥ អនុវត្តការទូទាត់កាតព្វកិច្ចហិរញ្ញវត្ថុអេឡិចត្រូនិកលើច្រកទ្វារសេវាកម្មរដ្ឋបាន ៣១៩ លើក និងបើកគណនីឧបករណ៍ឌីជីថលថ្មីចំនួន ១១.៥៤៨ បង្កភាពងាយស្រួលសម្រាប់ការប្រតិបត្តិការរដ្ឋបាលនាពេលខាងមុខ។

ទម្រង់ “ដងផ្លូវកាត់បន្ថយការប្រើសាច់ប្រាក់” រួមចំណែកជំរុញការទូទាត់អេឡិចត្រូនិកនៅតាមផ្សារសង្កាត់វិញភឿក។

នៅសង្កាត់វិញភឿក ការផ្លាស់ប្តូរឌីជីថលបានចាត់តាំងឡើងព្រមៗគ្នា និងច្បាមជីវភាពពិតប្រាកដ មាន ១៣ ក្រុម ដោយមានសមាជិក ១៣០ នាក់ សកម្មភាពជាប្រចាំនៅក្នុងតំបន់ចំនួន១៣។ ប្រការគួរកត់សម្គាល់គឺទម្រង់ “ប្រជាសិក្សាឌីជីថល” បានអនុវត្តដោយភាពច្នៃប្រតិដ្ឋ ជួយឧត្តានកម្មចំណេះដឹងឌីជីថលមូលដ្ឋានតាមរបៀបកាន់ដៃបង្គាប់ការ ពិសេសសម្រាប់អ្នកវ័យចាស់ នារីនៅជនបទ និងអ្នកដែលមិនទាន់ធ្លាប់ជាមួយនឹងទូរស័ព្ទឆ្លាតវៃ។ នៅតំបន់មានជនជាតិភាគតិចរស់នៅកុះករដូចជាតំបន់សឹងជីម តួនាទីរបស់កម្មាភិបាល សម្ព័ន្ធយុវជន និងអ្នកមានប្រិយភាពដែលជាជនរួមជាតិខ្មែរ បានពង្រីកដោយកម្រិតខ្ពស់បំផុត។ លោកលឺវហាញ់ ប្រធានតំបន់សឹងជីម ឱ្យដឹង៖ “ក្រុមបច្ចេកវិទ្យាឌីជីថលសហគមន៍មានតួនាទីជួយឱ្យប្រជាជនកៀកជិតប្រើប្រាស់ឧបករណ៍ឌីជីថល។ យើងខ្ញុំបន្តផ្សព្វផ្សាយ ណែនាំមាមីងប្រើប្រាស់សេវាកម្មរដ្ឋអនឡាញ VNeID និងទូទាត់ដោយមិនប្រើសាច់ប្រាក់។ ទន្ទឹមនឹងនោះ ជួយអ្នកដែលមិនទាន់ធ្លាប់ប្រើទូរស័ព្ទឆ្លាតវៃ ចេះប្រើបច្ចេកវិទ្យាឱ្យកាន់តែងាយស្រួលជាងទៀត”។

ភាពស្វាហាប់របស់ក្រុមបច្ចេកវិទ្យាឌីជីថលសហគមន៍ បានបង្កកម្លាំងជំរុញដោយផ្ទាល់ដល់ការកែទម្រង់រដ្ឋបាលនៅមូលដ្ឋាន។ គិតមកដល់ថ្ងៃទី ១៨ ខែសីហា ឆ្នាំ ២០២៦ សង្កាត់វិញភឿក បានសម្រេចភាគកម្រិតផ្លាស់ប្តូរឌីជីថលចំនួន ៤៦/៥៤ ស្រូបអត្រា ៨៥,១៨%; ក្នុងនោះ ផ្នែកច្រកចេញចូលតែមួយបានទទួលនិងវិនិច្ឆ័យឯកសាររដ្ឋបាលចំនួន ១.៤២០/១.៥១៤ ឯកសារដោះស្រាយមុនពេលកំណត់ចំនួន ១.៤១៥ ស្រូបអត្រាគួរឱ្យចាប់អារម្មណ៍គឺ ៩៩,៦%។ ដើម្បីរក្សាលំនឹងប្រសិទ្ធភាព ក្នុងពេលខាងមុខ ក្រុមទាំងនេះនឹងបន្តពង្រឹងការផ្សព្វផ្សាយលើកកម្ពស់ការប្រុងប្រយ័ត្ន ជួយឱ្យមាមីងកំណត់សម្គាល់ឧបាយកលបោកប្រាស់តាមបណ្តាញ និងរក្សាសម្ងាត់ព័ត៌មានផ្ទាល់ខ្លួនដោយសុវត្ថិភាព។

ក្រុមបច្ចេកវិទ្យាឌីជីថលសហគមន៍បានអំណះអំណាងតួនាទីជាមូលដ្ឋានគ្រឹះ នាំបច្ចេកវិទ្យាចូលទៅក្នុងជីវភាពប្រជាជន ពិសេសនៅតំបន់ជនជាតិភាគតិច។ សមិទ្ធផលជាក់ស្តែងនេះ បង្កគ្រឹះដ៏រឹងមាំដើម្បីទីក្រុងកឹងធើកសាងរដ្ឋអំណាចឌីជីថល អភិវឌ្ឍសេដ្ឋកិច្ចឌីជីថល និងសង្គមឌីជីថលគ្រប់ជ្រុងជ្រោយ៕

ហុងទើ - វិមាន

ចែករំលែកអត្ថបទ

ពាក្យគន្លឹះ