កំសាន្ត រឿងពីនេះពីនោះ

05/09/2025 - 08:36

អ្នកជាច្រើនតែងធ្វើខុសពេលអ៊ុតសម្លៀកបំពាក់

ឆ្នាំងអ៊ុតជាសម្ភារៈប្រើប្រាស់ដែលជិតដិតនឹងគ្រប់គ្រួសារ។ ប៉ុន្តែមិនមែនគ្រប់គ្នាសុទ្ធតែចេះប្រើប្រាស់ត្រឹមត្រូវនោះទេ ជាហេតុធ្វើឱ្យសម្លៀកបំពាក់ឆាប់ខូច ហើយឆ្នាំងអ៊ុតក៏ប្រើប្រាស់មិនបានយូរ។

រូបថតជាឧទាហរណ៍។

១. ប្រើប្រាស់កម្រិតសីតុណ្ហភាពតែមួយសម្រាប់សំពត់គ្រប់ប្រភេទ
សម្លៀកបំពាក់បានផលិតពីសំពត់ជាច្រើន ប្រភេទដែលមានលក្ខណៈខុសៗគ្នា ដូច្នេះ អ្នកប្រើប្រាស់ត្រូវយកចិត្តទុកដាក់ក្នុងពេលអ៊ុត។ យោងទៅតាមប្រភេទសំពត់នីមួយៗ អ្នកទាំងឡាយត្រូវប្រើកម្រិតសីតុណ្ហភាពឱ្យសមស្រប។ ម៉ាកយីហោភាគច្រើនបានភ្ជាប់ស្លាកនឹងផលិតផលនីមួយៗ ដើម្បីឱ្យអតិថិជនដឹងថា សំពត់នេះអាចធន់នឹងកម្ដៅកម្រិតណា។ មិនមែនសំពត់ទាំងអស់អាចធន់នឹងកម្តៅបានល្អនោះទេ ហេតុនេះអ្នកប្រើប្រាស់មិនគួរប្រើសីតុណ្ហភាពតែមួយសម្រាប់សំពត់គ្រប់ប្រភេទនោះទេ ដើម្បីជៀសវាងស្ថានភាពឆេះនិងរួញ។
២. ការអ៊ុតហ្មត់ចត់ពេក
ការអ៊ុតសម្លៀកបំពាក់ហ្មត់ចត់ពេកនឹងធ្វើឱ្យសំពត់ស្ងួត ពិបាកក្នុងការអ៊ុតលុបស្នាមរួញនិងបង់ខាតថាមពលអគ្គិសនី។ អ្នកទាំងឡាយ គួរប្រើឆ្នាំងអ៊ុតចំហាយទឹកឬធ្វើឱ្យសម្លៀកបំពាក់មានជាតិសំណើមមុននឹងអ៊ុត។
៣. មិនជូតសម្អាតឆ្នាំងអ៊ុត
ការសម្អាតឆ្នាំងអ៊ុតពេលប្រើប្រាស់គឺជាការសំខាន់ ព្រោះប្រើយូរឆ្នាំងអ៊ុតជាប់ធូលីកខ្វក់។ ការពិនិត្យនិងជូតសម្អាតផ្ទៃឆ្នាំងអ៊ុតឱ្យបានទៀងទាត់ជាមួយក្រណាត់ទន់ ដើម្បីជៀសវាងស្នាមប្រឡាក់លើសម្លៀកបំពាក់គឺជាការចាំបាច់។
៤. មិនត្រឡប់សម្លៀកបំពាក់ពីខាងក្នុងពេលអ៊ុត
ដើម្បីរក្សាសម្លៀកបំពាក់ឱ្យជាប់បានយូរនិងស្អាត អ្នកប្រើប្រាស់គួរតែត្រឡប់សម្លៀកបំពាក់ ពីខាងក្នុងចេញមុននឹងអ៊ុត ព្រោះសីតុណ្ហភាពរបស់ឆ្នាំងអ៊ុតអាចធ្វើឱ្យហើរពណ៌ឬមានស្នាមប្រឡាក់លើសម្លៀកបំពាក់។ ការត្រឡប់សម្លៀកបំពាក់ពីខាងក្នុងចេញក៏ជាវិធីល្អបំផុត ជួយរក្សាផ្នត់ក្រោយពីអ៊ុត។
៥. មិនយកចិត្តទុកដាក់ពីរបៀបអ៊ុត
អ្នកជាច្រើនគិតខុសថា ការអ៊ុតសម្លៀកបំពាក់តាមរបៀបណាក៏បាន។ ប៉ុន្តែ អ្នកប្រើប្រាស់គួរអ៊ុតពីលើចុះ ឬពីឆ្វេងទៅស្តាំ ដើម្បីជៀសវាងយឺតសាច់សំពត់ ហើយសំពត់បានត្រង់ល្អ។ ការអ៊ុតសម្លៀកបំពាក់មិនត្រឹមត្រូវតាមរបៀបដូចពោលខាងលើ អាចធ្វើឱ្យសម្លៀកបំពាក់រួញនិងយឺត។ ក្រៅពីនោះ លោកអ្នកក៏គួរតែយកចិត្តទុកដាក់រក្សាសម្លៀកបំពាក់ឱ្យត្រង់ ដើម្បីងាយស្រួលពេលអ៊ុត។
៦. ស្លៀកពាក់ភ្លាមបន្ទាប់ពីអ៊ុត
ការស្លៀកពាក់ភ្លាមៗបន្ទាប់ពីអ៊ុតរួចនឹងធ្វើឱ្យខោអាវរួញឡើងវិញ។ ដូច្នេះ បន្ទាប់ពីអ៊ុតរួច លោក អ្នកគួរតែព្យួរមួយរយៈពេលខ្លី។ ពេលសម្លៀកបំពាក់ត្រជាក់យើងអាចស្លៀកពាក់បាន និងមិនបាច់អ៊ុតឡើងវិញច្រើនដង។