វប្បធម៌-សិល្បៈ វប្បធម៌

23/12/2019 - 16:14

ស៊ីហ្គេម៣០ វៀតណាមជាប់លំដាប់លេខ២ក្នុងបណ្តាក្រុមដែលចូលរួម

ក្រុមកីឡាវៀតណាមចូលរួមព្រឹត្តិការណ៍ស៊ីហ្គេម៣០ទទួលបានជោគជ័យត្រចះត្រចង់ ឈរលេខ២ ដោយទទួលបានមេដាយមាស៩៨គ្រឿងក្នុងចំណោម៥២៩គ្រឿង លើសភាគកម្រិតដាក់ចេញ (មេដាយមាសពី៦៥ដល់៧០គ្រឿង)។

ក្រុមបាល់ទាត់បុរសវៀតណាម ទទួលបានមេដាយមាសលើកដំបូង

ក្រោយពីរយៈកាល៦០ឆ្នាំរង់ចាំ។

ពេលថៃឡង់កំពុងឈរលំដាប់លេខ២ក្នុងតារាងរៀបចំណាត់ថ្នាក់មេដាយ ប៉ុន្តែនៅថ្ងៃប្រកួតចុងបញ្ចប់ វៀតណាមដណ្តើមបានមេដាយមាស១៨គ្រឿង ក្នុងនោះវិញ្ញាសារបោកចំបាប់ទទួលបាន៧គ្រឿង វិសេសក្រុមកីឡាបាល់ទាត់បុរសក៏ទទួលបានមេដាយមាស១គ្រឿង។ មេដាយមាសបាល់ទាត់បុរសនេះ អ្នកគាំទ្រវៀតណាមរងចាំអស់រយៈកាល៦០ឆ្នាំ។ មុននោះ ក្រុមបាល់ទាត់នារីវៀតណាមឈ្នះក្រុមបាល់ទាត់នារីថៃ ដោយបង្កើតឯតទគ្គកម្មលើកទី៦ទទួលបានមេដាយមាសនៅស៊ីហ្គេម។

ក្រៅពីក្រុមកីឡាបាល់ទាត់បុរសបង្កើតបានស្នាដៃ ដោយទទួលបានពានរង្វាន់ជើងឯកស៊ីហ្គេម ក្រោយពីរយៈកាលរង់ចាំ៦០ឆ្នាំ បំបាត់នូវការ"ស្រេកឃ្លាន"មេដាយមាសរបស់អ្នកគាំទ្រទូទាំងប្រទេស ស៊ីហ្គេម៣០ នៅទាំងគូសបញ្ជាក់ពីការរីកចម្រើនរបស់កីឡាវៀតណាម នៅពេលវិញ្ញាសាមួយចំនួនមិនមែនជាជំនាញក៏ទទួលបានមេដាយលើកដំបូង។ តួយ៉ាងដូចវិញ្ញាសាតីនិ្នស វៀតណាមទទួលបានមេដាយមាស១គ្រឿង មេដាយប្រាក់២គ្រឿងសម្រាប់ខ្លឹមសារទោល។ ក្នុងនោះ មានការប្រកួតប្រជែងយកមេដាយមាស រវាងកីឡាករតីន្និសវៀតណាម២រូប គឺកីឡាករលីហ្វាងណាម និងកីឡាករ Danielង្វៀន។ លទ្ធផលគួរឱ្យភ្ញាក់ផ្អើលពេលកីឡាករលីហ្វាងណាម ឈ្នះកីឡាករ Daniel ដើម្បីទទួលបានមេដាយមាសលើកដំបូងនៃវិញ្ញាសាតីនិ្នសនៅទីលានស៊ីហ្គេម។ សោកស្តាយសម្រាប់ខ្លឹមសារទោលនារី នោះគឺកីឡាការិនី Savana ង្វៀន ទទួលបានត្រឹមតែមេដាយប្រាក់។

វិញ្ញាសាបាល់បោះក៏បាននាំមកនូវភាពភ្ញាក់ផ្អើលដល់អ្នកគាំទ្រ ជាលើកដំបូងទទួលបានមេដាយសំរឹទ្ធ២គ្រឿង សម្រាប់ខ្លឹមសារ ៣x៣ និង ៥x៥។ នៅខ្លឹមសារ ៣x៣ កីឡាករឌិញថាញ់តឹម ត្រឹងឌាំងខ្វា ឌាំងក្វីកៀក យឿងក្វីលឹង យកឈ្នះលើក្រុមជម្រើសថៃក្នុងវគ្គប្រកួតដណ្តើមមេដាយប្រាក់។ នៅខ្លឹមសារ៥x៥, គ្រូបង្វឹក Kevin Yurkus, របស់ក្រុមជម្រើសបាល់បោះបុរសបានបន្ថែមគុណភាពឱ្យក្រុម៣x៣, គឺឌិញថាញ់សាង, ឡេហ៊ីវថាញ់ វឿងមិញអាង។ល។ ទើបយកឈ្នះលើក្រុមជម្រើសឥណ្ឌូនេស៊ី ដោយពិន្ទុ៨៥-៧១ ទទួលបានមេដាយសំរឹទ្ធ។

ទន្ទឹមនឹងនោះ បណ្តាវិញ្ញាសាជំនាញរបស់ក្រុមកីឡាវៀតណាមក៏រក្សាបានភាពលំនឹងនិងសម្រេចកម្រិតដាក់ចេញ។ តួយ៉ាងដូចវិញ្ញាសាបោកចំបាប់ ក្រុមវៀតណាមដណ្តើមបានមេដាយមាស១២គ្រឿងក្នុងចំណោម១៤គ្រឿង វិញ្ញាសាអត្តពលិកទទួលបានមេដាយមាស១៧គ្រឿង។ល។ ឯមេដាយមាសវិញ្ញាសាហែលទឹក ដោយឡែកកីឡាការិនីអាញ់វៀង ទទួលបានមេដាយមាស៦គ្រឿង មេដាយសំរឹទ្ធ២គ្រឿង។ កីឡាការិនីអាញ់វៀង ត្រូវបានគណៈកម្មការគ្រូបង្វឹកដាក់កម្រិតមេដាយមាស៨គ្រឿង តែមិនបានសម្រេច។ ថ្វីបើដូច្នោះ មើលទៅលើកាលបរិច្ឆេទប្រកួតនៃវិញ្ញាសាហែលទឹក ទើបឃើញពីការខិតខំយ៉ាងពេញទំហឹងរបស់កីឡាការិនីរូបនេះ។ ម៉ោង១៧និង៥នាទី កីឡាការិនីអាញ់វៀង ទទួលបានមេដាយមាសខ្លឹមសារចម្ងាយ២០០ម៉ែត្រលក្ខណៈហែលសេរី ៤០នាទីក្រោយនាងទទួលមេដាយមាស ខ្លឹមសារចម្ងាយ២០០ម៉ែត្រ លក្ខណៈហែលភ្ងារ។ល។ ទោះបីយ៉ាងណាក៏ដោយ អាញ់វៀង គឺជាកីឡាការិនីតែម្នាក់គត់ដែលទទួលបានមេដាយមាសដល់ទៅ៦គ្រឿងនៅស៊ីហ្គេម៣០។

ព្រឹត្តិការណ៍ស៊ីហ្គេមលើកទី៣០បញ្ចប់ដោយជោគជ័យ គឺជាការបោះជំហានមួយដ៏មានអត្ថន័យដើម្បីក្រុមកីឡាវៀតណាមទទួលបានភាពជោគជ័យជាងទៀត ពេលធ្វើជាម្ចាស់ផ្ទះស៊ីហ្គេមលើកទី៣១ នៅឆ្នាំ២០២១៕

ហាថាញ់-មុនី

ចែករំលែកអត្ថបទ

ពាក្យគន្លឹះ