សន្តិសុខ - ការពារប្រទេស សន្តិសុខ

02/07/2018 - 16:27

ព្រួតដៃរក្សាសន្តិសុខសណ្តាប់ធ្នាប់

ជនរួមជាតិខ្មែរនៅខេត្តបាកលីវ រស់នៅច្រើនកុះករនៅឃុំមួយចំនួននៃក្រុងបាកលីវ ស្រុកហុងយ៉ឹង ស្រុកវិញឡើយនិងទីរួមស្រុកយ៉ារ៉ាយ។ ឆ្លងកាត់រយៈកាលអនុវត្តការងារធានាសន្តិសុខសណ្តាប់ធ្នាប់ក្នុងតំបន់ដែលមានជនរួមជាតិខ្មែររស់នៅកុះករ ឃើញថាស្ថានការណ៍សន្តិសុខសណ្តាប់ធ្នាប់នៅភូមិសាស្រ្តទាំងនេះត្រូវបានធានា។

ចែកចិត្តបណ្ណផ្សព្វផ្សាយបង្ការប្រឆាំងឧក្រឹដ្ឋកម្មជូនជនរួមជាតិខ្មែរ

នៅឃុំហឹងហូយ ស្រុកវិញឡើយ។

ឃុំវិញត្រាច់ដុង ក្រុងបាកលីវ គឺជាឃុំមួយនៅប្របមាត់សមុទ្រ ដោយមានជនរួមជាតិខ្មែររស់នៅជាង៧០% ជាប់ព្រំប្រទល់នឹងឃុំវិញត្រាច់ (ក្រុងបាកលីវ) និងឃុំឡាយហ្វា (ទីរួមស្រុកវិញចូវ សុកត្រាំង) ម៉្លោះហើយការងារធានាសន្តិសុខសណ្តាប់ធ្នាប់នៅមានបញ្ហាប្រឈមមុខមិនតិចតួចឡើយ។ តំបន់នេះនៅកើតមានករណីលួចរបស់របរបង្កអុកឡុក ប្រើប្រាស់គ្រឿងញៀន បំពានសណ្តាប់ធ្នាប់សុវត្ថិភាពចរាចរ។ល។ ធ្វើឲ្យមានការបះពាល់ដល់ជីវភាពរបស់ប្រជាជន។ អនុវត្តលក្ខន្តិកៈសហការជាមួយអង្គភាពនានានៅភូមិសាស្រ្តជាប់ព្រំប្រទល់ នគរបាលឃុំវិញត្រាច់ដុង ឧស្សាហ៍រៀបចំកិច្ចប្រជុំរាយការណ៍ពីស្ថានភាព ក្តោបក្តាប់មុខសញ្ញានានា និងដើរល្បាតប្តូរវេននៅលើភូមិសាស្រ្ត ដើម្បីទប់ទល់ឧក្រឹដ្ឋកម្មបានទាន់ពេល។ ជាពិសេស នគរបាលឃុំថែមទាំងបង្កើតក្រុមគោត្រកូលស្វ័យគ្រប់គ្រងចំនួន៤ រួមមានគោត្រថាច់ គោត្រស៊ឺន គោត្រត្រឹង និងគោត្រឡឹម ដោយមានលទ្ធភាពល្អ មានវិសាលភាពគ្រប់គ្រងទូទាំងឃុំ។ នេះជាអង្គការមហាជនមួយមានការរួមចំណែកច្រើនក្នុងការធ្វើឲ្យស្អាតស្អំភូមិសាស្រ្ត។

លោកស៊ឺនសុង អ្នកដែលបានតែងតាំងជាប្រធានក្រុមគោត្រស្វ័យគ្រប់គ្រង ត្រកូលស៊ឺនអស់រយៈកាល៦ឆ្នាំ និងជាប្រធានក្រុមសន្តិសុខវត្តគម្ពីរសាគរ (ព្រែកជ្រៅ) ។ ក្នុងឱកាសបុណ្យទានម្តងម្កាលរបស់ជនរួមជាតិខ្មែរ លោកស៊ឺនសុងតែងសហការជាមួយនឹងកម្លាំងនគរបាលការពារសន្តិសុខសណ្តាប់ធ្នាប់បានល្អ លោកសុង ឲ្យដឹងៈ “ក្រុមគោត្រតស្វ័យគ្រប់គ្រងជាកន្លែងប្រជុំជីវភាពរបស់ជនរួមជាតិ សំដៅអប់រំអ្នកទាំងអស់គ្នារស់នៅនិងធ្វើការតាមច្បាប់។ ទន្ទឹមនឹងនោះ ចលនាប្រជាជនក្រប់រូបក្តោបក្តាប់សភាពការណ៍រាយការណ៍ជូននគរបាលភូមិភាគក្នុងការតស៊ូ បង្ការបង្ក្រាបឧក្រឹដ្ឋកម្ម។ ឆ្នាំ២០១៧ មាមីងបានផ្តល់ដំណឹងមានតម្លៃចំនួន៤៨ ជួយឲ្យកម្លាំងនគរបាលដោះស្រាយបានជាច្រើនករណី ទាក់ទងនឹងសន្តិសុខសណ្តាប់ធ្នាប់លើភូមិសាស្រ្ត។

លោកវរសេនីទោ ង្វៀនវ៉ាន់ស៊ី ប្រធាននគរបាលឃុំវិញត្រាច់ដុង ឲ្យដឹងៈ បច្ចុប្បន្ន ឃុំវិញត្រាច់ដុងមានភូមិចំនួន៥/៦សម្រេចបទដ្ឋានអំពីសន្តិសុខសណ្តាប់ធ្នាប់ ដោយមានគ្រួសារសម្រេចសុវត្ថិភាពជាង៩៦,៥%។ ស្មារតីតស៊ូបង្ការប្រឆាំងឧក្រឹដ្ឋកម្ម បាបគ្រោះសង្គមរបស់ជនរួមជាតិខ្មែរពីមួយថ្ងៃកាន់តែខ្ពស់។ មានអ្នកជាច្រើនបានរួមចំណែកយ៉ាងសកម្មក្នុងការរក្សាសន្តិសុខសណ្តាប់ធ្នាប់ និងបង្ការទប់ស្កាត់ជនអាក្រក់ឆ្លៀតយកបញ្ហាជនជាតិ ធ្វើសកម្មភាពបំពានច្បាប់”៕

យោងកាសែតបាកលីវ-វ៉ាន់តឹន

ចែករំលែកអត្ថបទ

ពាក្យគន្លឹះ