ព្រឹត្តិការណ៍ - នយោបាយ នយោបាយ

19/12/2017 - 14:21

កសាងយុទ្ធសាស្រ្តជូនកងជួរកម្មាភិបាលជនជាតិភាគតិច

គណៈប្រជាចលនាមជ្ឈិម ទើបនឹងសហការជាមួយគណៈកម្មាធិការបក្សខេត្តកៀងយ៉ាង រៀបចំសន្និបាតប្តូរវេន ការងារប្រជាចលនានៅតំបន់តីណាមបូ។ ខ្លឹមសារមួយក្នុងខ្លឹមសារទាំងឡាយនៃអង្គសន្និបាត គឺលើកយោបល់ឡើងនិងស្នើសុំដល់ស្ថាប័ន គណៈផ្នែករបស់មជ្ឈិម គឺកសាងយុទ្ធសាស្រ្តកងជួរកម្មាភិបាលជនជាតិភាគតិច។

រៀបចំកម្មាភិបាលទទួលជួបប្រជាជននៅមន្ទីរយុត្តិធម៌ខេត្តកៀងយ៉ាង

ដើម្បីដោះស្រាយបែបបទរដ្ឋបាលមានប្រសិទ្ធភាពជាង។

អង្គសន្និបាតក៏បានពិភាក្សាអំពីគោលនយោបាយ និងរបបពិសេសចំពោះកម្មាភិបាល រណសិរ្សមាតុភូមិនិងអង្គការនយោបាយ-សង្គម នៅតំបន់ជនជាតិភាគតិច។ រយៈពេលកន្លង អាស្រ័យដោយការរៀបចំកងជួរកម្មាភិបាលជនជាតិភាគតិច “ប្រសប់ប្រជាចលនា” ដំណាក់កាល២០១៦-២០២០ ដូច្នោះទទួលបានជោគជ័យបង្គួរ។ ទម្រង់រូបភាពជាច្រើនត្រូវបានបង្កើតឡើងលើគ្រប់វិស័យ ឆ្លើយតបនឹងតម្រូវការអនុវត្តកម្មវិធីគោលដៅជាតិពីការកសាងជនបទថ្មី។

ក្រៅពីនេះ ខេត្ត ក្រុងនានា ក៏បានផ្តុំកម្លាំងទៅលើការកែទម្រង់រដ្ឋបាល ឆ្លងតាមរយៈ “មជ្ឈមណ្ឌលរដ្ឋបាលសាធារណៈ” ដើម្បីដោះស្រាយបែបបទ រដ្ឋបាលជូនប្រជាជន។ រៀបចំកិច្ចជួបជុំ សន្ទនាដោយផ្ទាល់ជូនប្រជាជនជាច្រើនលើក ដើម្បីប្រជាជនដោះស្រាយបានទាន់ពេលនូវការកង្វល់ និងបំពេញបំណងប្រាថ្នាស្របច្បាប់របស់ប្រជាជន។ បណ្តាអង្គភាពកងកម្លាំងប្រដាប់អាវុធ ក៏បានផ្សព្វផ្សាយកម្មវិធី សកម្មភាពឆ្ពោះទៅមូលដ្ឋាន ជំនួយគណៈកម្មាធិការបក្ស រដ្ឋអំណាចភូមិភាគពង្រឹង និងធ្វើឲ្យប្រសើរនូវប្រព័ន្ធនយោបាយ ជាពិសេសនៅភូមិសាស្រ្តសកម្មភាពលំបាក កសាងកងកម្លាំងស្នងស្នូល ចូលរួមដោះស្រាយទាន់ពេលនូវបញ្ហាកើតឡើង ដូចជាបញ្ហាជម្នះគ្រោះធម្មជាតិ រក្សាខ្ជាប់ស្ថានភាពសន្តិសុខព្រំដែន ទប់ស្កាត់និងជំនះនូវបញ្ហាបាបគ្រោះសង្គមលើភូមិសាស្រ្តខេត្ត។ តួយ៉ាងដូចសកម្មភាពបុណ្យតេតកងទ័ព និងប្រជាជនឆ្នាំ២០១៧ ដោយមានសកម្មភាពជាច្រើនដូចជាកសាងនិងប្រគល់ជូនផ្ទះ “មហាសាមគ្គី” ជូនអំណោយពិនិត្យនិងព្យាបាលជម្ងឺ ជូនថ្នាំដោយឥតគិតថ្លៃ និងរៀបចំសកម្មភាព វប្បធម៍ កីឡា ។ល។ ដោយចំណាយថវិការាប់ពាន់លានដុង។

យោងតាមប្រសាសន៍សមមិត្ត ហាង៉ុកអាញ់ អនុប្រធានគណៈប្រជាចលនាមជ្ឈិមឆ្នាំ២០១៧៖ បណ្តាគណៈកម្មាធិការបក្ស ខេត្ត ក្រុងនានានៅតំបន់តីណាមបូ បានខិតខំដើម្បីសម្រេចការងារប្រជាចលនាជនជាតិ សាសនា នោះគឺជាការរួមចំណែកយ៉ាងធំធេងរបស់កងជួរកម្មាភិបាលជនជាតិភាគតិច។ ដើម្បីកម្មាភិបាលជាជនជាតិភាគតិចឆ្លើយតបនឹងតម្រូវការការងារ គណៈកម្មាធិការបក្ស រដ្ឋអំណាចគ្រប់លំដាប់ថ្នាក់ត្រូវ តែម្ចាស់ការច្នៃប្រតិដ្ឋ ស្វែងរកវិធានការសមស្រប ដើម្បីជម្នះរាល់ការលំបាកបង្កលក្ខណៈសម្បត្តិដើម្បីកងជួរកម្មាភិបាលជនជាតិភាគតិចរីកចម្រើនព្រមគ្នា និងស្ថិរភាព។ បក្សនិងរដ្ឋតែងយកចិត្តទុកដាក់ បង្កលក្ខណសម្បត្តិលើគ្រប់វិស័យជួយឲ្យខេត្តនានានៅភូមិភាគខាងត្បូងណាមបូជំនះការលំបាក កសាងកងជួរកម្មាភិបាល ពីមួយថ្ងៃទៅមួយថ្ងៃកាន់តែរឹងមាំ ឆ្លើយតបនឹងតម្រូវការនៃបុព្វហេតុកសាង និងការពារមាតុភូមិសង្គមនិយមនៅក្នុងសម័យថ្មី៕

ថាញ់ផុង

ចែករំលែកអត្ថបទ

ពាក្យគន្លឹះ