មហាសាមគ្គីជនជាតិ ភូមិស្រុកផ្លាស់ថ្មី

10/10/2017 - 15:07

អភិវឌ្ឍតំបន់ជនរួមជាតិ

តាមប្រសាសន៍របស់លោកយ័ញហ៊ុង ប្រធានគណៈជនជាតិខេត្តកៀងយ៉ាង អាស្រ័យគោលនយោបាយវិនិយោគទុនរបស់រដ្ឋពង្រីកបាននូវប្រសិទ្ធភាព ម៉្លោះហើយជីវភាពជនរួមជាតិខ្មែរនៅកៀងយ៉ាង ពីមួយថ្ងៃទៅមួយថ្ងៃមានភាពប្រសើរឡើង។

ផ្លូវចូលទៅកាន់ទីប្រជំុជនហ្គកា្វវ។

តាមរបាយការណ៍របស់គណៈជនជាតិខេត្តកៀងយ៉ាង ឆ្នាំ២០១៧ គណៈកម្មាធិការប្រជាជនខេត្តបែងចែកទុនអនុវត្តកម្មវិធី១៣៥ជិត១៤ពាន់លានដុង។ ប្រភពទុននេះ ត្រូវបានផ្សព្វផ្សាយទាន់ពេលដល់ភូមិភាគនានារៀបចំអនុវត្ត។ មកទល់នឹងបច្ចុប្បន្ន គ្រប់អង្គភាពអនុវត្តត្រូវតាមល្បឿនផែនការដាក់ចេញ។ ក្រៅពីនោះ អាស្រ័យស្ថានភាពដីរបស់ខេត្តកៀងយ៉ាង ម៉្លោះហើយមានគ្រួសារជនរួមជាតិខ្មែរជាច្រើននៅលើភូមិសាស្រ្តឃុំឆ្ងាយពីមជ្ឈមណ្ឌលស្រុក តែងស្ថិតក្នុងស្ថានភាពកង្វះទឹកសាបនៅរដូវប្រាំង។ព្រោះហេតុនោះ ការឧបត្ថម្ភទឹកស្អាតជូនជនរួមជាតិភាគតិច ត្រូវបានគណៈជនជាតិខេត្តធ្វើសេនាធិការជូនគណៈកម្មាធិការប្រជាជនខេត្ត សហការជាមួយនឹងផ្នែកសមត្ថកិច្ចនិងរដ្ឋអំណាចភូមិភាគនានា ជំរុញល្បឿនកសាងសំណង់ផ្គត់ផ្គង់ទឹកស្អាតប្រមូលផ្តុំ។ បច្ចុប្បន្ន សំណង់ទាំងអស់នេះ ត្រូវបានកសាងសម្រេចរួចរាល់ដោយទុនវិនិយោគសរុបជាង៦២ពាន់លានដុង។

លោកយ័ញដាញ ប្រធានការិយាល័យជនជាតិស្រុកកៀងលឿង ឲ្យដឹង៖ ពីមុនមានគ្រួសារប្រជាជនជាច្រើននៅភូមិបាត្រាយ ឃុំប៊ិញអាង ស្តុកទឹកភ្លៀងសម្រាប់ប្រើ។ ពេលអាកាសធាតុរាំងស្ងួតអូសបន្លាយមាមីងកង្វះទឹកស្អាតប្រើ។ល។ នាំឲ្យជីវភាពប្រចាំថ្ងៃជួបលំបាក។ បច្ចុប្បន្ន អាស្រ័យមានស្ថានីយផ្គត់ផ្គង់ទឹកស្អាតប្រមូលផ្តុំ ទើបមាមីងមានទឹកស្អាតប្រើប្រាស់ខួបប្រាំងវស្សា។ បងយ័ញតឿងនៅមណ្ឌលទំនប់បៀងផុង មណ្ឌលក្រុងបាហង ឲ្យដឹង៖“ពីមុនឲ្យតែដល់រដូវប្រាំងគ្រួសារខ្ញុំប្រើប្រាស់ទឹកប្រិតសំចៃ។ ឥឡូវបានរដ្ឋតភ្ជាប់បំពង់ទឹកស្អាតដល់ផ្ទះ គ្រួសារខ្ញុំប្រើទឹកគ្មាននៅបារម្ភដូចមុនឡេីយ”។

តាមប្រសាសន៍លោកយ័ញហ៊ុង ដំណាក់ការអនុវត្តគោលនយោបាយអនុគ្រោះពិសេសរបស់រដ្ឋសម្រាប់តំបន់ដែលមានជនរួមជាតិភាគតិចរស់នៅកុះករ គណៈជនជាតិបានសហការយ៉ាងស្អិតល្មួតជាមួយនឹងភូមិភាគនានា ដើម្បីកសាងផែនការឲ្យបានសមស្រប រួមចំណែកនឹងភូមិភាគកសាងជនបទថ្មី។ លេចធ្លោបំផុតគឺការងារសហការ អាស្រ័យកម្មវិធី ឧបត្ថម្ភវិនិយោគទុនឲ្យបុលទុនផ្លាស់ប្តូររបរអនុវត្តវិទ្យាសាស្រ្តបច្ចេកទេសក្នុងការផលិត កាត់បន្ថយចំណាយបង្កើនប្រាក់ចំណូល។ល។ ផ្តើមពីនោះ ជីវភាពជនរួមជាតិខ្មែរពីមួយថ្ងៃទៅមួយថ្ងៃត្រូវបានលើកស្ទួយ។ តួយ៉ាងដូចឃុំឌិញអាង ស្រុកហ្គក្វាវ ឆ្នាំ២០១០ អត្រាគ្រួសារក្រីក្ររបស់ឃុំគឺ១៦,២៣%។ ចាប់តាំងពីពេលបានជ្រើសកសាងឃុំជនបទថ្មីឃុំបានកសាងផែនការលម្អិត បច្ចុប្បន្ន ផ្លូវគមនាគមន៍តភ្ជាប់ឃុំ ត្រូវបានចាក់ក្រួសក្រាលកៅស៊ូ ចាក់បេតុងសម្រេច១០០% ដោយមានការរួមចំណែក តាមរយៈសំណង់វិនិយោគទុននៃកម្មវិធី១៣៥ជាគ្រឹះធារ។ផ្តើមពីកម្មវិធី ឧបត្ថម្ភជនរួមជាតិភាគតិចចាកផុតពីភាពក្រីក្រ រួមចំណែកកាត់បន្ថយអត្រាគ្រួសារក្រីក្រក្នុងទូទាំងឃុំនៅ៦,៩៥% នាឆ្នាំ២០១៦៕

ហាថាញ់-មុនី

ចែករំលែកអត្ថបទ

ពាក្យគន្លឹះ