គោលនយោបាយ -ការរស់នៅ ច្បាប់

07/11/2025 - 08:26

ធ្វើបញ្ជីកម្មសិទ្ធិដីធ្លីមុនថ្ងៃទី ៣១/១២/២០២៥ ដើម្បីទទួលផលប្រយោជន៍គ្រប់សព្វ

ចាប់ពីថ្ងៃទី០១/០១/២០២៦ តារាងតម្លៃដីនឹងបានកែសម្រួលជារៀងរាល់ឆ្នាំទៅតាមតម្លៃទីផ្សារ រំពឹងទុកតម្លៃដីនឹងកើនខ្លាំង។ ប្រជាជនគប្បីធ្វើបញ្ជីកម្មសិទ្ធិដីធ្លីមុនថ្ងៃទី ៣១/១២/២០២៥ ដើម្បីប្រិតសំចៃការចំណាយ។

ធ្វើបញ្ជីកម្មសិទ្ធិដីធ្លីមុនថ្ងៃទី៣១/១២/២០២៥ ដើម្បីទទួលផលប្រយោជន៍គ្រប់សព្វ។ រូប៖ ហឹងទើ

ចាប់ពីថ្ងៃទី០១ ខែមករា ឆ្នាំ២០២៦ តាមកថាខណ្ឌទី១ មាត្រា២៥៧ ច្បាប់ដីធ្លីឆ្នាំ២០២៤ ខេត្ត ក្រុងក្រោមឱវាទមជ្ឈិម នឹងប្រកាសឱ្យប្រើនិងអនុវត្តតារាងតម្លៃដីថ្មី។ ខុសពីដំណាក់កាលមុនៗ តារាងតម្លៃដីនឹងមិនកសាងតាមវដ្ដ៥ឆ្នាំម្តងទៀតទេ គឺត្រូវបានធ្វើឱ្យទាន់សម័យកាល កែបង្កើនជារៀងរាល់ឆ្នាំ ដើម្បីឆ្លុះបញ្ចាំងឱ្យកាន់តែជិតនឹងតម្លៃទីផ្សារ (តាមកថាខណ្ឌទី៣ មាត្រា១៥៩ ច្បាប់ដីធ្លីឆ្នាំ ២០២៤)។

ប្រការនេះ មានន័យថាតារាងតម្លៃដីថ្មី អាចនឹងមានលទ្ធភាពកើនខ្ពស់ជាងបើប្រៀបនឹងបច្ចុប្បន្ន ពិសេសនៅតំបន់ដែលមានការប្រែប្រួលខ្លាំងអំពីតម្លៃ។ ពេលប្រជាជនធ្វើបញ្ជីកម្មសិទ្ធិដីធ្លី (ចុះឈ្មោះសុំផ្តល់បញ្ជីកម្មសិទ្ធិប្រើប្រាស់ដីលើកដំបូង) ខ្ទង់ចំណាយនិងកាតព្វកិច្ចហិរញ្ញវត្ថុដែលបង់ត្រូវបានគិតតាមតារាងតម្លៃដីរួមមាន៖

ថ្លៃប្រើប្រាស់ដី (ស្រូបសមាមាត្រធំបំផុត)

ថ្លៃជួលដី (បើមាន)

ថ្លៃចុះបញ្ជី។

ពេលតារាងតម្លៃដីកើនឡើងចាប់ពីថ្ងៃទី ០១ ខែមករា ឆ្នាំ ២០២៦ ខ្ទង់ចំណាយខាងលើនេះ នឹងកើនឡើងផងដែរ បណ្តាលឱ្យការចំណាយធ្វើបញ្ជីកម្មសិទ្ធិដីធ្លីកើនឡើងរាប់សិបលានដុង ជួនកាលរាប់រយលានដុង។ ព្រោះហេតុនេះ អ្នកឯកទេសផ្តល់អនុសាសន៍ប្រជាជនគប្បីបំពេញបែបបទសុំផ្តល់បញ្ជីកម្មសិទ្ធិដីធ្លីឱ្យបានមុនថ្ងៃទី ៣១ ខែធ្នូ ឆ្នាំ២០២៥ ដើម្បីចៀសវាងបន្ទុកហិរញ្ញវត្ថុនិងឆ្លៀតពេលដែលកម្រិតតម្លៃដីកំពុងនៅទាប។

តាមកថាខណ្ឌទី ១ មាត្រា ១៥៩ ច្បាប់ដីធ្លី ឆ្នាំ ២០២៤ តារាងតម្លៃដីថ្មីនឹងបានអនុវត្តក្នុងករណីជាច្រើនរួមមាន៖

គិតថ្លៃប្រើប្រាស់ដី ពេលរដ្ឋទទួលស្គាល់សិទ្ធិប្រើប្រាស់ដីលំនៅឋាន ឬផ្លាស់ប្តូរគោលបំណងប្រើប្រាស់ដីធ្លី;

គិតថ្លៃជួលដីប្រចាំឆ្នាំ;

គិតពន្ធលើការប្រើប្រាស់ដីធ្លី ពន្ធលើប្រាក់ចំណូលពីការផ្ទេរកម្មសិទ្ធិប្រើប្រាស់ដីធ្លី;

គិតថ្លៃគ្រប់គ្រងនិងប្រើប្រាស់ដីធ្លី;

គិតកម្រិតពិន័យ សំណងពេលបំពានច្បាប់ដីធ្លី;

កំណត់តម្លៃចាប់ផ្តើមពេលដេញថ្លៃកម្មសិទ្ធិប្រើប្រាស់ដីដែលមានហេដ្ឋារចនាសម្ព័ន្ធបច្ចេកទេស;

គិតថ្លៃប្រើប្រាស់ដីពេលប្រគល់ដី ឬលក់ផ្ទះដែលជាកម្មសិទ្ធិរបស់រដ្ឋទៅឱ្យអ្នកកំពុងជួល។

ដូច្នេះ ចាប់ពីឆ្នាំ ២០២៦ តទៅ តារាងតម្លៃដីថ្មីនឹងជះឥទ្ធិពលដោយផ្ទាល់ដល់កាតព្វកិច្ចហិរញ្ញវត្ថុស្ទើរតែទាំងអស់អំពីដីធ្លី។ បើប្រៀបធៀបនឹងច្បាប់ដីធ្លីឆ្នាំ ២០១៣ វិសាលភាពអនុវត្តត្រូវបានបើកទូលាយគួរឱ្យកត់សម្គាល់ ពិសេស ក្នុងការគិតថ្លៃជួលដី និងតម្លៃចាប់ផ្តើមសម្រាប់ការដេញថ្លៃកម្មសិទ្ធិប្រើប្រាស់ដីធ្លី។

សម្រេចបែបបទធ្វើបញ្ជីកម្មសិទ្ធិដីធ្លីមុនថ្ងៃទី ៣១ ខែធ្នូ ឆ្នាំ២០២៥ មិនត្រឹមតែជួយឱ្យប្រជាជនប្រិតសំចៃការចំណាយប៉ុណ្ណោះទេ ថែមទាំងនាំមកនូវឧត្តមភាពហិរញ្ញវត្ថុជាក់ស្តែងក្នុងបរិការណ៍ តម្លៃដីមាននិន្នាការបន្តកើនឡើង៕

យោង៖ laodong.vn - ប្រែសម្រួល៖ វិមាន

ចែករំលែកអត្ថបទ

ពាក្យគន្លឹះ