គោលនយោបាយ -ការរស់នៅ ច្បាប់

31/10/2025 - 06:20

ប្រុងប្រយ័ត្នជាមួយអំពើឆបោក

សព្វថ្ងៃ ករណីឆបោកលើបណ្តាញសង្គមកាន់តែស្មុគស្មាញ បង្កផលប៉ះពាល់មិនតិចដល់ផ្នែកហិរញ្ញវត្ថុនិងព័ត៌មានផ្ទាល់ខ្លួននៃអតិថិជនជាច្រើននាក់។ ថ្មីៗនេះ នៅខេត្តកាម៉ាវ បានប្រទះឃើញស្ថានភាពមុខសញ្ញាមួយចំនួនក្លែងបន្លំជាបុគ្គលិកសាខានាយកដ្ឋានត្រួតពិនិត្យលក្ខណៈបច្ចេកទេសយានយន្ត បុគ្គលិកផ្គត់ផ្គង់ទឹកដើម្បីឆបោក កិបកេងទ្រព្យសម្បត្តិ។

រាល់សំណុំបែបបទ សេវាកម្មទាក់ទិនដល់ត្រួតពិនិត្យលក្ខណៈបច្ចេកទេសយានយន្ត គប្បីទំនាក់ទំនងផ្ទាល់នៅសាខានាយកដ្ឋានត្រួតពិនិត្យលក្ខណៈបច្ចេកទេសយានយន្តលេខ ១៧ ។

លោកឡេហ្វាងគីម នាយកសាខានាយកដ្ឋានត្រួតពិនិត្យលក្ខណៈបច្ចេកទេសយានយន្តលេខ ១៧ ខេត្តកាម៉ាវ ឱ្យដឹង៖ “ថ្មីៗនេះ សាខានាយកដ្ឋានបានទទួលដំណឹងពីអង្គការ បុគ្គលចំពោះការប្រទះឃើញមុខសញ្ញាមួយចំនួនបានក្លែងបន្លំជាបុគ្គលិកសាខានាយកដ្ឋានត្រួតពិនិត្យលក្ខណៈបច្ចេកទេសយានយន្តលេខ១៧ (៦៩០១V ៩៤០១V) ដើម្បីទំនាក់ទំនងស្នើឱ្យផ្តត់ផ្គង់ព័ត៌មានប្តូរតែមត្រួតពិនិត្យលក្ខណៈបច្ចេកទេសយានយន្ត។ បើមិនដូច្នោះទេ ពេលចូលរួមចរាចរណ៍នឹងត្រូវពិន័យ អាស្រ័យមិនទាន់បញ្ចូលព័ត៌មាន ដើម្បីធ្វើការដោះដូរដោយខុសច្បាប់។ លោកគីមអះអាង៖ “នេះជាអំពើឆបោក ធ្វើឱ្យខូចប្រិយភាពរបស់សាខានាយកដ្ឋានត្រួតពិនិត្យលក្ខណៈបច្ចេកទេសយានយន្ត និងធ្វើឱ្យខាតបង់ដល់ប្រជាជននិងអាជីវកម្ម។ យើងខ្ញុំអះអាងថា សាខានាយកដ្ឋានត្រួតពិនិត្យលក្ខណៈបច្ចេកទេសយានយន្តលេខ ១៧ គ្មានសំណូមពរឱ្យផ្លាស់តែម ឬលិខិតបញ្ជាក់ត្រួតពិនិត្យលក្ខណៈបច្ចេកទេសយានយន្តថ្មីឡើយ ” ។

ដើម្បីបង្ការទប់ស្កាត់ លោកគីម បានផ្តល់អនុសាសន៍ដល់អង្គការបុគ្គលមិនគប្បីផ្តល់ព័ត៌មានផ្ទាល់ខ្លួន ឯកសារត្រួតពិនិត្យលក្ខណៈបច្ចេកទេសយានយន្តតាមរយៈទូរស័ព្ទ សារអ៊ីម៉ែល ឬក៏បណ្តាញសង្គម ពេលមិនទាន់ពិនិត្យច្បាស់លាស់។ ទន្ទឹមនឹងនោះ ពេលប្រទះឃើញមុខសញ្ញាសង្ស័យថាក្លែងបន្លំ គប្បីជូនដំណឹងដល់សាខានាយកដ្ឋានត្រួតពិនិត្យលក្ខណៈបច្ចេកទេសយានយន្តលេខ ១៧ តាមរយៈទូរស័ព្ទ ដើម្បីទទួលបានការជំនួយនិងដោះស្រាយទាន់ពេល។ ក្រៅពីនោះ រាល់សំណុំបែបបទសេវាកម្មទាក់ទិនដល់ត្រួតពិនិត្យលក្ខណៈបច្ចេកទេសយានយន្តបានអនុវត្តដោយផ្ទាល់នៅនាយកដ្ឋានត្រួតពិនិត្យលក្ខណៈបច្ចេកទេសយានយន្តលេខ ១៧ និងត្រឹមត្រូវតាមបែបបទតាមសេចក្តីកំណត់របស់ច្បាប់។

ពេលកន្លង ក្រុមហ៊ុនភាគហ៊ុនផ្គត់ផ្គង់ទឹកកាម៉ាវ បានទទួលដំណឹងពីអតិថិជនដែលប្រទះឃើញមានមុខសញ្ញាចម្លែកបន្លំធ្វើជាបុគ្គលិកក្រុមហ៊ុនដើម្បីអនុវត្តអំពើឆបោក។ វិធីឆបោករបស់មុខសញ្ញា គឺប្រើលេខទូរស័ព្ទ ហើយតាំងខ្លួនជាបុគ្គលិកក្រុមហ៊ុន ស្នើឱ្យអតិថិជនផ្គត់ផ្គង់អត្តសញ្ញាណប័ណ្ណ ក្រដាសស្នាមប្លង់ដីដើម្បីចុះកិច្ចសន្យាសេវាផ្គត់ផ្គង់ទឹកឡើងវិញនិងសន្យាបន្ថយថ្លៃទឹក។ ទន្ទឹមនឹងនោះ ព្រមាននឹងផ្ដាច់ការផ្គត់ផ្គង់ទឹកប្រសិនបើមិនអនុវត្តតាម។ ក្រោយមកបញ្ឆោតអតិថិជនភ្ជាប់ទំនាក់ទំនងតាម Zalo ឬ ចុចចូលតំណភ្ជាប់ link ក្លែងបន្លំ ដើម្បីចុះកិច្ចសន្យាភ្ជាប់បណ្តាញ។

លោកផាមភឿកតាយ នាយកក្រុមហ៊ុនភាគហ៊ុនផ្គត់ផ្គង់ទឹកកាម៉ាវ បញ្ជាក់៖ “ធាតុពិត ការភ្ជាប់ link នេះ គឺគ្រោះថ្នាក់ណាស់ ពេលអតិថិជនចុចចូលនិងផ្តល់ព័ត៌មានផ្ទាល់ខ្លួន ពិសេស គឺគណនីធនាគារអាចរងហានិភ័យត្រូវគេលួច។ ចំពោះក្រុមហ៊ុន គ្មានចាត់ឱ្យបុគ្គលិកណាម្នាក់ទំនាក់ទំនងដោយឡែកតាម Zalo សារ ឬក៏សំណូមអតិថិជនចុចចូលតំណភ្ជាប់ link ណាឡើយ ដើម្បីចុះកិច្ចសន្យាភ្ជាប់បណ្តាញឬក៏បន្ថយថ្លៃទឹក តាមរយៈព័ត៌មានមិនច្បាស់លាស់។ អាស្រ័យហេតុនោះ អតិថិជនមិនគួរផ្តល់ព័ត៌មានផ្ទាល់ខ្លួន គណនីធនាគារលេខសម្ងាត់ឬលេខកូដ OTP ឱ្យលេខទូរស័ព្ទ ឬតភ្ជាប់ link មិនច្បាស់លាស់ មិនត្រូវភ្ជាប់ទំនាក់ទំនងតាម Zalo ជាមួយអ្នកតាំងខ្លួនជាបុគ្គលិកក្រុមហ៊ុន។ ពេលប្រទះឃើញមានភាពមិនប្រក្រតីណាមួយ អតិថិជនគប្បីទំនាក់ទំនងលេខទូរស័ព្ទក្រុមហ៊ុន ដើម្បីទទួលបានការជំនួយនិងដោះស្រាយទាន់ពេល”៕

យ្វីអាញ-ដាលីន

ចែករំលែកអត្ថបទ

ពាក្យគន្លឹះ