កីឡា - ទេសចរណ៍ កីឡា

07/11/2025 - 08:26

ដំណើររីកចម្រើននៃពិធីប្រណាំងទូក-ង

ការប្រណាំងទូក-ង គឺពិធីបុណ្យវប្បធម៌ដ៏ពិសេសមួយក្នុងចំណោមពិធីបុណ្យវប្បធម៌ដ៏ពិសេសៗ នៅទីក្រុងកឹងធើ កន្លែងដែលបានចាត់ទុកជា “ទីក្រុង” ទូក-ងនៅតំបន់វាលរាបទន្លេគឺវឡុង។ ឆ្លងកាត់រយៈពេលរាប់រយឆ្នាំបង្កើតនិងរីកចម្រើន ពិធីប្រណាំងទូក-ងមិនត្រឹមតែជាសកម្មភាពកីឡាប្រជាប្រិយប៉ុណ្ណោះទេ នៅទាំងជានិមិត្តរូបនៃស្មារតីសាមគ្គី មោទនភាពជាតិនិងអត្តសញ្ញាណវប្បធម៌ដ៏វិសេសរបស់ជនរួមជាតិខ្មែរទៀតផង។

ភាពពុះពោរនៃពិធីប្រណាំងទូក-ង បានទាក់ទាញរាប់ម៉ឺននាក់ចូលរួមទស្សនាកម្សាន្ត។

យោងតាមឯកសារណាមគីផុងទុក ញើងយៀងកា និងយ៉ាឌិញថាញ ថុងជី នៅចុងសតវត្សរ៍ទី១៩ ទម្លាប់ប្រណាំង ទូក-ង (កាលនោះ ហៅថាទម្លាប់ ព្រោះមិនទាន់បានទទួលស្គាល់ជាពិធីបុណ្យ) បានប្រព្រឹត្តឡើង៣លើកក្នុងមួយឆ្នាំ គឺក្នុងឱកាសបុណ្យសែនដូនតា ចេញវស្សានិងអកអំបុក ដោយប្រារព្ធឡើងនៅពាមយូថ បច្ចុប្បន្នចំណុះឃុំង៉ុកតូ ទីក្រុងកឹងធើ ។ អាស្រ័យនៅទីនោះ មានទីតាំងសមស្រប អមដោយផ្ទៃព្រែកធំទូលាយនិងត្រង់ល្អ។ លុះដល់សម័យអាណានិគមបារាំង ដើម្បីងាយស្រួលក្នុងការគ្រប់គ្រងសន្តិសុខ ការប្រណាំងទូក-ង បានប្ដូរមកចាត់តាំងលើដងព្រែកអំពូយារ ដែលបច្ចុប្បន្នចំណុះឃុំញូយ៉ា។ ក្នុងសម័យចក្រពត្តិអាមេរិក ពិធីប្រណាំងទូក-ងនៅតែបន្តចាត់តាំងនៅទីនោះ ហើយម្តងម្កាល (១៩៧២-១៩៧៤) ក៏បានប្រារព្ធឡើងនៅតំបន់កិញឆាង សង្កាត់សុកត្រាំងសព្វថ្ងៃផងដែរ។

ក្រោយពីថ្ងៃភូមិភាគខាងត្បូងរំដោះទាំងស្រុង ពិធីប្រណាំងទូក-ង បានបន្តប្រារព្ធឡើងនៅព្រែកអំពូយារ រហូតដល់ដើមទសវត្សរ៍ ៨០។ សម័យនោះ ពិធីប្រណាំងទូក-ង មានទូក-ងក្នុងខេត្ត និងភូមិភាគជិតខាងមកចូលរួមមិនដល់៣០ទូកផង។ ដើម្បីលើកកម្ពស់តម្លៃវប្បធម៌និងពង្រីកទ្រង់ទ្រាយ ការប្រណាំងទូក-ងបានប្តូរមកចាត់តាំងលើដងព្រែក Maspero រហូតមកទល់សព្វថ្ងៃ។

ក្រោយសម័យផ្លាស់ថ្មី ជីវភាពសេដ្ឋកិច្ច-សង្គម បានលើកកម្ពស់ទ្រង់ទ្រាយនៃពិធីប្រណាំងទូក-ង ក៏ត្រូវបានពង្រីក។ ក្រៅពីសកម្មភាពប្រណាំងទូក-ង មានកម្មវិធីវប្បធម៌ កីឡានិងសិល្បៈជាច្រើនបានចាត់តាំងឡើង រួមចំណែកបង្កើតបរិយាកាសពុះពោរនិងទាក់ទាញ បំពេញតម្រូវការទទួលផលវប្បធម៌ស្មារតីរបស់ប្រជាជន។ ផ្ដើមពីនោះ ពិធីប្រណាំងទូក-ង មិនត្រឹមតែជាសកម្មភាពវប្បធម៌ និងកីឡារបស់ជនរួមជាតិខ្មែរប៉ុណ្ណោះទេ ថែមទាំងក្លាយជាព្រឹត្តិការណ៍ដ៏ធំរបស់ទីក្រុង ទាក់ទាញប្រជាជននិងភ្ញៀវទេសចររាប់រយពាន់នាក់ជារៀងរាល់ឆ្នាំ។

ជាពិសេស ក្នុងឆ្នាំ២០១៣ ពិធីប្រណាំងទូក-ង បានបង្កើនកម្រិតទៅជាពិធីបុណ្យ Festival ប្រណាំងទូក-ង លើកទី១របស់ជនរួមជាតិខ្មែរ ហើយរៀងរាល់៣ឆ្នាំម្តង បានប្រារព្ធឡើងដោយទ្រង់ទ្រាយថ្នាក់តំបន់វាលរាបទន្លេគឺវឡុង ជាមួយនឹងទ្រង់ទ្រាយនិងគុណភាពបានលើកកម្ពស់ពីមួយថ្ងៃទៅមួយថ្ងៃ។

រយៈពេលយូរៗ ពិធីប្រណាំងទូក-ងបានបញ្ជាក់ពីតម្លៃវប្បធម៌និងជាមោទនភាពរបស់ជនរួមជាតិខ្មែរនៅទីក្រុងកឹងធើនិយាយដោយឡែកនិងតំបន់វាលរាបទន្លេគឺវឡុងនិយាយរួម។ ជាមួយនឹងតម្លៃលេចធ្លោទាំងនេះ នៅថ្ងៃ១២ ខែមករា ឆ្នាំ២០២២ ពិធីប្រណាំងទូក-ងរបស់ជនរួមជាតិខ្មែរបានក្រសួងវប្បធម៌ កីឡានិងទេសចរណ៍ បញ្ចូលក្នុងបញ្ជីបេតិកភណ្ឌវប្បធម៌អរូបីថ្នាក់ជាតិដែលបញ្ជាក់ពីភាពឋិតថេរចីរកាលនិងអត្ថន័យមនុស្សធម៌ដ៏ជ្រាលជ្រៅនៃពិធីបុណ្យប្រពៃណីនេះ៕

ស្រាវជ្រាវ៖ វុឌ្ឍា - បកប្រែ៖ ថាច់ធី

ចែករំលែកអត្ថបទ

ពាក្យគន្លឹះ