សន្តិសុខ - ការពារប្រទេស ការពារប្រទេស

12/01/2016 - 09:51

ជួបយុទ្ធជនកងទ័ពនៅកោះដាច់ស្រយាល

ទោះបីជាអង្គភាពទទួលបន្ទុកការងារហ្វឹកហាត់យុទ្ធជនកងទ័ពថ្មី បោះជំរំនៅកោះសមុទ្រ ប៉ុន្មានឆ្នាំបន្តបន្ទាប់ កងវរសេនាតូច៥៦៥ចំណុះបញ្ជាការដ្ឋានតំបន់៥កងទ័ពជើងទឹក តែងសម្រេចភារកិច្ចឆ្នើមជានិច្ច។

យុទ្ធជនកងទ័ពជើងទឹកសំណេះសំណាលជាមួយនឹងអ្នកកាសែតក្រុងកឹងធើ។

មកសួរសុខទុក្ខក្រុមទី១កងអនុសេនាតូចទី៥ នៃកងអនុសេនាធំ៣៦ ជាកងអនុសេនាធំគំរូមួយរបស់កងវរសេនាតូច៥៦៥ យើងខ្ញុំបានឃើញដោយផ្ទាល់នូវសណ្តាប់ធ្នាប់របៀបរៀបរយរបស់អង្គភាព។ ក្រោយពីបានអង្គភាពហ្វឹកហាត់បាន៣ខែ ចាប់តាំងពីទេពកោសល្យសីលធម៌ផ្នត់ រស់នៅរបស់កងទ័ពយុទ្ធជននៅទីនេះមានការជឿនលឿនបង្គួរ។ អាស្រ័យហេតុនោះ ទោះបីប្រគល់ភារកិច្ចណាក្តី ទៅដល់ទីណាក្តី បងប្អូនតែងប្តេជ្ញាចិត្តធ្វើសម្រេចនូវភារកិច្ចដែលបានប្រគល់ឲ្យ ដើម្បីសក្តិសមទៅនឹងក្តីជំនឿទុកចិត្តរបស់មាតុភូមិ។ ជាគំរូល្អមានដូចពលបាលទោ ថាច់សេរី ជាជនជាតិខ្មែរស្រុកកំណើតនៅក្រុងវិញចូវ ខេត្តសុកត្រាំង មុនពេលចូលបម្រើកងទ័ពអាស្រ័យមានទម្លាប់រស់នៅតាមផ្នត់សាមញ្ញខាងក្រៅ ដូច្នេះពេលចូលមករស់នៅក្នុងកងទ័ពបងតែងមានភាពថ្មីថ្មោង ពីព្រោះត្រូវសម្របខ្លួនទៅតាមរបបអនុវត្តតាមច្បាប់និងការកំណត់របស់អង្គភាព ដំបូងបងហាក់មានភាពលំបាកក្នុងការហ្វឹកហាត់ ពិសេសគឺអំពីការអនុវត្តិលក្ខន្តិកៈ។ល។ ប៉ុន្តែក្រោយមកអាស្រ័យការព្យាយាម ប្តេជ្ញាចិត្តនិងបានកម្មាភិបាល បញ្ជាការអង្គភាពគ្រប់លំដាប់ថ្នាក់ យកចិត្តទុកដាក់គាំទ្របានបងប្អូនមិត្តរួមកងស្និទ្ធស្នាលរាក់ទាក់និង លើកទឹកចិត្តទាន់ពេល បច្ចុប្បន្នបងបានសម្របខ្លួនជាមួយនឹងបរិស្ថាននេះហើយ។ ពិសេស បងនៅទាំងមានបំណងបម្រើកងទ័ពយូរអង្វែងនៅទីនេះទៀតផង។

រីឯពលបាលទោ ត្រឹងអាញ់តូ ស្រុកកំណើតនៅសង្កាត់ធ្វឹងអាង ខណ្ឌធូកណូក ក្រុងកឹងធើ ជាពលបាលទោវ័យក្មេងមួយរូប ត្រូវបានបងប្អូននៅកងវរសេនាតូច៥៦៥ស្រឡាញ់រាប់អាន។ បងតូរៀបរាប់៖ ក្រោយពីពីរឆ្នាំចូលរួមហ្វឹកហាត់រូបបងផ្ទាល់បានរៀនសូត្រនូវប្រការរល្អៗ និងបទពិសោធន៍ជាច្រើនពីមិត្តរួមកង។ ក្រៅពីពេលហ្វឹកហាត់ បងនៅទាំងបានអង្គភាពបញ្ជូនទៅបណ្តុះបណ្តាលកម្រិតបឋម ផ្នែកសុខាភិបាលពេលវិលមកអង្គភាពបានប្រគល់ភារកិច្ចខាងសុខាភិបាល ដើម្បីថែទាំសុខភាពជូនមិត្តរួមកង។

វរសេនីយ៍ត្រី ផាមខាក់ដុង ស្នងការនយោបាយកងវរសេនាតូច៥៦៥ ឲ្យដឹង៖ ក្រៅពីការងារហ្វឹកហាត់ ការងារគិតគូរជីវភាពជូនយុទ្ធជនកងទ័ពតែងបានគណៈកម្មាធិការបក្សនៃកងវរសេនាតូចយកចិត្តទុកដាក់។ កងវរសេនាតូច៥៦៥ តែងផ្គត់ផ្គង់បន្លែបង្ការទាំង១០០%ជូនកងទ័ពនិង ជូនអង្គភាពផ្សេងៗដទៃទៀត។ ទន្ទឹមនឹងនោះ អង្គភាពនៅទាំងធានា សាច់ផ្គត់ផ្គង់គ្រប់ជាតិបំប៉ន ធានាសុខភាពជូនយុទ្ធជនកងទ័ពចូលរួមហ្វឹកហាត់ មិនត្រឹមតែសម្រេចភារកិច្ចឆ្នើមសម្រាប់ខ្លួនឯងប៉ុណ្ណោះទេ នៅទាំងនាំមកនូវស្នាដៃដ៏ថ្លៃថ្លាជូនអង្គភាពទៀតផង។

ជាអង្គភាពមានកងជួរកម្មាភិបាលរហ័សរហួន ស្ម័គ្រចិត្ត មានស្មារតីទទួលបន្ទុកខ្ពស់ក្នុងការងារហ្វឹកហាត់ គិតគូរការងារបង្កបង្កើនផលនិងរក្សាភាពជិតស្និទ្ធចែករំលែកជាមួយយុទ្ធជន ទើបកងវរសេនាតូច៥៦៥ ជាអង្គភាពសក្តិសមទទួលបានទង់ប្រឡងប្រណាំងក្នុងការចលនាប្រឡងប្រណាំងប្តេជ្ញាឈ្នះនៃតំបន់៥កងទ័ពជើងទឹក ដែលបានបញ្ជាការដ្ឋានកងទ័ពចម្រុះនៃកងទ័ពជើងទឹកប្រគល់ជូន៕

កុសល-សុផល

ចែករំលែកអត្ថបទ

ពាក្យគន្លឹះ