សន្តិសុខ - ការពារប្រទេស ការពារប្រទេស

14/08/2026 - 22:23

ប៉ុស្តិ៍ការពារព្រំដែនឡាយហ្វា បិទវគ្គថ្នាក់បង្រៀនអក្សរខ្មែរសម្រាប់សិស្សានុសិស្សនៅតំបន់ព្រំដែនសមុទ្រ

រសៀលថ្ងៃទី ១៤ ខែសីហា ប៉ុស្តិ៍ការពារព្រំដែនឡាយហ្វា កងទ័ពការពារព្រំដែនទីក្រុងកឹងធើ បានសហការជាមួយវត្តព្រៃជាប់ និងវត្តជ្រោយទឹម ឃុំឡាយហ្វា ទីក្រុងកឹងធើ ចាត់តាំងពិធីបិទវគ្គសិក្សាអក្សរខ្មែរនាឱកាសវិស្សមកាលឆ្នាំ ២០២៦ សម្រាប់សិស្សានុសិស្សនៅលើភូមិឋាន។

ប៉ុស្តិ៍ការពារព្រំដែនឡាយហ្វា ជូនរង្វាន់ដល់ប្អូនៗដែលមានស្នាដៃល្អក្នុងវគ្គសិក្សា។

ចូលរួមក្នុងថ្នាក់រៀនមានសិស្សានុសិស្សចំនួន ២៥ នាក់ ដែលជាកូនចៅរបស់ជនរួមជាតិខ្មែរនៅលើភូមិឋានឃុំឡាយហ្វា។ កម្មវិធីបង្រៀនអក្សរខ្មែរថ្នាក់ទី ១ រួមមាន៖ ៤៥ មេរៀន បង្រៀនចាប់ពីថ្ងៃចន្ទដល់ថ្ងៃសុក្ររៀងរាល់សប្តាហ៍។ ក្នុងដំណើរការបង្រៀន កម្មាភិបាល និងគ្រូបង្រៀននៃប៉ុស្តិ៍ការពារព្រំដែនឡាយហ្វា បានអនុវត្តត្រឹមត្រូវតាមខ្លឹមសារកម្មវិធីថ្នាក់ទី ១ អក្សរខ្មែរ ព្រមទាំងបានជ្រើសរើសវិធីសាស្ត្រ និងទម្រង់នៃការបង្រៀនឱ្យសមស្របទៅនឹងសមត្ថភាពយល់ដឹងរបស់សិស្ស។

ក្រៅពីចំណេះដឹងអក្សរខ្មែរ ប្អូនៗនៅទាំងបានអប់រំសីលធម៌ ស្មារតីគោរពបទបញ្ជាផ្ទៃក្នុង និងរបៀបរៀបរយ; ផ្គួបបញ្ចូលបណ្តាខ្លឹមសារស្តីពីការការពារបរិស្ថាន, សិទ្ធិនិងករណីយកិច្ចរបស់កុមារ, សមភាពភេទ, សុវត្ថិភាពចរាចរណ៍ និងបង្ការ-ទប់ស្កាត់ការលង់ទឹក។ ប្អូនៗក៏បានចូលរួមក្នុងសកម្មភាពក្រៅផ្លូវការ, ល្បែងកម្សាន្ត, ការប្រឡងប្រជែង, ការថែទាំសុខភាព, អនាម័យនិងការតុបតែងថ្នាក់រៀន; ចូលរួមថ្នាក់រៀនជម្រាបសួរពេលព្រឹកជាមួយកម្មាភិបាល យុទ្ធជននៃប៉ុស្តិ៍ការពារព្រំដែនឡាយហ្វា និងបានណែនាំពីរបៀបរៀបចំភួយមុង សម្ភារផ្ទាល់ខ្លួន និងការធ្វើអនាម័យ។

លទ្ធផលក្រោយពីសិក្សាអស់រយៈពេលជិត ២ ខែ មានសិស្ស ២៥/២៥ នាក់ ចូលរួមថ្នាក់រៀនសម្រេច ១០០%; និងសិស្ស ២៥/២៥ នាក់ សម្រេចភារកិច្ចឡើងទៅ សម្រេច១០០%។ ក្នុងនោះ មានសិស្ស ៥ នាក់ ទទួលបាននិទ្ទេសល្អប្រសើរ; និងសិស្ស ១០ នាក់ទទួលបាននិទ្ទេសល្អបង្គួរ; និង ១០ នាក់ទទួលបានកម្រិតមធ្យម ។

សិស្សជាច្រើនរូបដែលមានស្នាដៃល្អក្នុងការសិក្សាបានជូនរង្វាន់។

អនុសេនីយឯក ង៉ោក្វឹកហឹង ស្នងការនយោបាយនៃប៉ុស្តិ៍ការពារព្រំដែនឡាយហ្វា កងទ័ពការពារព្រំដែនទីក្រុងកឹងធើ បានឱ្យដឹង៖ ការរក្សាថ្នាក់រៀនអក្សរខ្មែរមិនត្រឹមតែរួមចំណែកបំពេញបន្ថែមចំណេះដឹងដល់សិស្សក្នុងឱកាសវិស្សមកាលប៉ុណ្ណោះទេ ថែមទាំងបង្កបរិយាកាសឱ្យប្អូនៗហ្វឹកហាត់របៀបរៀបរយ បំណិនជីវិត និងស្មារតីគោរពបទប្បញ្ញត្តិនានា។ ឆ្លងតាមរយៈនោះ បន្តពង្រីកតួនាទី និងការទទួលខុសត្រូវរបស់កម្មាភិបាល យុទ្ធជនកងទ័ពការពារព្រំដែនក្នុងការងារឃោសនា អប់រំ និងផ្សារភ្ជាប់ជិតស្និទ្ធជាមួយប្រជាជន ជាពិសេសគឺជំនាន់វ័យក្មេងនៅលើភូមិឋានព្រំដែនសមុទ្រ។

នាពេលខាងមុខ អង្គភាពនឹងបន្តសហការជាមួយវត្តព្រៃជាប់ វត្តជ្រោយទឹម និងកងកម្លាំងនៅភូមិភាគ រក្សានិងលើកកម្ពស់គុណភាពថ្នាក់រៀនអក្សរខ្មែរ; យកចិត្តទុកដាក់ជួយឧបត្ថម្ភសិស្សដែលមានស្ថានភាពលំបាក បង្កើនមូលដ្ឋានសម្ភារ ឧបករណ៍បង្រៀន និងអនុវត្តបច្ចេកវិទ្យាព័ត៌មានក្នុងការបង្រៀន។ ទន្ទឹមនឹងនោះ អង្គភាពថែមទាំងយកចិត្តទុកដាក់ពង្រីកការទទួលខុសត្រូវរបស់ "លោកគ្រូពាក់ស័ក្តិខៀវ" រួមចំណែកលើកកម្ពស់គុណភាពអប់រំ និងកសាងទំនាក់ទំនងសាមគ្គីភាពរវាងកងទ័ព និងប្រជាជននៅលើភូមិឋាន៕

យ្វីអាញ - វ៉ាន់តឹន

ចែករំលែកអត្ថបទ

ពាក្យគន្លឹះ