ព្រឹត្តិការណ៍ - នយោបាយ ព្រឹត្តិការណ៍

27/07/2026 - 14:52

កិច្ចប្រជុំប្រកាសសេចក្តីសម្រេចរបស់ការិយាល័យនយោបាយ និងគណៈលេខាអំពីការងារកម្មាភិបាល

នៅទីស្នាក់ការមជ្ឈិមបក្ស សមមិត្ត ត្រឹងកឹមទូ សមាជិកការិយាល័យនយោបាយ ប្រចាំការនៃគណៈលេខា បានអញ្ជើញជាអធិបតីក្នុងកិច្ចប្រជុំប្រកាសសេចក្តីសម្រេចរបស់ការិយាល័យនយោបាយ និងគណៈលេខាអំពីការងារកម្មាភិបាល។

សមមិត្ត ត្រឹង កឹមទូ សមាជិកការិយាល័យនយោបាយ ប្រចាំការនៃគណៈលេខា ប្រគល់សេចក្តីសម្រេចរបស់ការិយាល័យនយោបាយ និងគណៈលេខាអំពីការងារកម្មាភិបាល។

នៅក្នុងកិច្ចប្រជុំ សមមិត្ត ហ្វាង ទ្រុងយុង សមាជិកមជ្ឈិមបក្ស អនុប្រធានប្រចាំការនៃគណៈចាត់តាំងមជ្ឈិម បានប្រកាសសេចក្តីសម្រេចចំនួន ៥ របស់ការិយាល័យនយោបាយ និងគណៈលេខាអំពីការងារកម្មាភិបាល។

ជាក់ស្តែង រួមមាន៖ សមមិត្ត ង្វៀង ខាក់ត្វង សមាជិកមជ្ឈិមបក្ស អនុលេខានៃគណៈកម្មាធិការបក្សក្រុង ប្រធានគណៈកម្មាធិការប្រជាជនក្រុងហ្វេ ត្រូវបានផ្លាស់ប្តូរ ប្រគល់ភារកិច្ច និងចាត់ឱ្យចូលរួមក្នុងគណៈប្រតិបត្តិការគណៈអចិន្ត្រៃយ៍ និងកាន់តំណែងជាអនុលេខាប្រចាំការនៃគណៈកម្មាធិការបក្សក្រុងដាណាំង អាណត្តិកាល ២០២៥-២០៣០; សមមិត្ត ង្វៀង ហ្វាងយ៉ាង សមាជិកមជ្ឈិមបក្ស អនុលេខានៃគណៈកម្មាធិការបក្សខេត្ត ប្រធានគណៈកម្មាធិការប្រជាជនខេត្តក្វាងង៉ាយ ត្រូវបានផ្លាស់ប្តូរ ប្រគល់ភារកិច្ច និងតែងតាំងជាអនុប្រធានគណៈគោលនយោបាយ និងយុទ្ធសាស្ត្រមជ្ឈិម; សមមិត្ត ហូធីហ្វាងអៀង សមាជិកាមជ្ឈិមបក្ស អនុលេខាប្រចាំការនៃគណៈកម្មាធិការបក្សខេត្តវិញឡុង ត្រូវបានផ្លាស់ប្តូរ ប្រគល់ភារកិច្ច និងចាត់ឱ្យចូលរួមក្នុងគណៈប្រតិបត្តិការ គណៈអចិន្ត្រៃយ៍នៃគណៈកម្មាធិការបក្សខេត្ត និងកាន់តំណែងជាអនុលេខាប្រចាំការនៃគណៈកម្មាធិការបក្សខេត្តតីនិញ អាណត្តិកាល ២០២៥ - ២០៣០; សមមិត្ត ង្វៀងម៉ាញហ៊ុង សមាជិកមជ្ឈិមបក្ស អនុលេខាប្រចាំការនៃគណៈកម្មាធិការបក្សខេត្ត ប្រធានក្រុមប្រឹក្សាប្រជាជនខេត្តតីនិញ ត្រូវបានផ្លាស់ប្តូរ ប្រគល់ភារកិច្ច និងចាត់ឱ្យចូលរួមក្នុងគណៈប្រតិបត្តិការ គណៈអចិន្ត្រៃយ៍នៃគណៈកម្មាធិការបក្សខេត្ត និងកាន់តំណែងជាអនុលេខាប្រចាំការនៃគណៈកម្មាធិការបក្សខេត្តវិញឡុង អាណត្តិកាល ២០២៥ - ២០៣០; សមមិត្ត ង្វៀង ថាញ់ញ៉ាង អនុលេខាប្រចាំការនៃគណៈកម្មាធិការបក្សខេត្ត ប្រធានក្រុមប្រឹក្សាប្រជាជនខេត្តអាងយ៉ាង ត្រូវបានផ្លាស់ប្តូរ និងចាត់ឱ្យចូលរួមក្នុងគណៈប្រតិបត្តិការ គណៈអចិន្ត្រៃយ៍ និងកាន់តំណែងជាអនុលេខានៃគណៈកម្មាធិការបក្សបណ្តាស្ថាប័នបក្សមជ្ឈិម អាណត្តិកាល ២០២៥-២០៣០។

ថ្លែងក្នុងពិធីប្រគល់សេចក្តីសម្រេច និងជូនពរ ព្រមទាំងប្រគល់ភារកិច្ចដល់សមមិត្តទាំង ៥ រូប តំណាងឱ្យការិយាល័យនយោបាយ និងគណៈលេខា សមមិត្ត ត្រឹងកឹមទូ បានសង្កត់ធ្ងន់ ផ្អែកលើតម្រូវការភារកិច្ច សមត្ថភាព និងចំណុចខ្លាំងរបស់កម្មាភិបាល ថ្ងៃទី ១៧ ខែកក្កដា ឆ្នាំ ២០២៦ ការិយាល័យនយោបាយ និងគណៈលេខា បានឯកភាពប្រគល់ភារកិច្ច និងផ្លាស់ប្តូរសមមិត្តទាំង ៥ រូបឱ្យទទួលភារកិច្ចថ្មី។ បណ្តាសមមិត្តទាំងអស់សុទ្ធតែទទួលបានការបណ្តុះបណ្តាលយ៉ាងត្រឹមត្រូវ ធំដឹងក្តីពីថ្នាក់មូលដ្ឋាន មានបទពិសោធន៍ជាក់ស្តែងច្រើន និងធ្លាប់ឆ្លងកាត់តំណែងដឹកនាំ និងគ្រប់គ្រងនៅគ្រប់ថ្នាក់; ព្រមទាំងបានរួមចំណែកយ៉ាងសំខាន់ក្នុងលទ្ធផលការងាររបស់ភូមិភាគ ស្ថាប័ន និងអង្គភាពនានាក្នុងរយៈពេលកន្លង។

សមមិត្ត ត្រឹង កឹមទូ បានស្នើឱ្យសមមិត្តទាំងអស់បន្តពង្រីកស្មារតីទទួលខុសត្រូវ រក្សាជំហរនយោបាយឱ្យបានរឹងមាំ ខិតខំដុសខាត់ និងហ្វឹកហាត់ខ្លួនជាប្រចាំ រួមជាមួយសមូហភាពដឹកនាំស្ថាប័ន ភូមិភាគ និងអង្គភាពសាមគ្គី ឯកភាព និងផ្តោតលើការដឹកនាំ និងចង្អុលការអនុវត្តសម្រេចជោគជ័យនូវរាល់ភារកិច្ចដែលបានប្រគល់ជូន។

បណ្តាសមមិត្តអនុលេខានៃគណៈកម្មាធិការបក្សខេត្ត ក្រុង និងគណៈកម្មាធិការបក្សចំណុះមជ្ឈិម ត្រូវក្តាប់យកស្ថានការណ៍នៅភូមិភាគ ស្ថាប័ន និងអង្គភាពឱ្យបានឆាប់រហ័ស; សហការដឹកនាំ និងចង្អុលការឱ្យបានល្អនូវការងារកសាងនិងកែលម្អបក្ស កសាងប្រព័ន្ធនយោបាយ; អនុវត្តឱ្យបានទាន់ពេលវេលា និងមានប្រសិទ្ធភាពនូវសេចក្តីសម្រេចសេចក្តីសន្និដ្ឋាន និងកិច្ចចង្អុលការរបស់មជ្ឈិម បណ្តាសេចក្តីសម្រេចយុទ្ធសាស្ត្ររបស់ការិយាល័យនយោបាយ; ផ្តោតលើការដឹកនាំអនុវត្តប្រកបដោយម៉ឺងម៉ាត់បណ្តាដំណោះស្រាយ ដើម្បីសម្រេចឱ្យបាននូវគោលដៅកំណើនសេដ្ឋកិច្ចតួលេខពីរខ្ទង់ ក៏ដូចជាភារកិច្ចនយោបាយដែលបានប្រគល់ជូន។

ប្រចាំការនៃគណៈលេខាបានបញ្ជាក់ ចំពោះសមមិត្តអនុប្រធានគណៈគោលនយោបាយ និងយុទ្ធសាស្ត្រមជ្ឈិម គប្បីរួមជាមួយសមូហភាពដឹកនាំពង្រីកតួនាទី និងការទទួល ខុសត្រូវជាស្ថាប័នសេនាធិការយុទ្ធសាស្ត្ររបស់គណៈប្រតិបត្តិការមជ្ឈិមបក្ស ដោយផ្ទាល់និងជាប្រចាំគឺការិយាល័យនយោបាយ និងគណៈលេខាក្នុងការដឹកនាំ ចង្អុលការអភិវឌ្ឍសេដ្ឋកិច្ច-សង្គម; ម្ចាស់ការ និងសកម្មក្នុងការធ្វើសេនាធិការតម្រង់ទិស កសាងនិងសុក្រឹតស្ថាប័នសេដ្ឋកិច្ច កំណត់ផែនការគោលការណ៍ គោលនយោបាយយុទ្ធសាស្ត្រ និងបណ្តាវិធានការធំៗ និងសំខាន់ៗអំពីសេដ្ឋកិច្ច-សង្គម។

ចំពោះស្ថាប័ន និងភូមិភាគនានាដែលទទួលកម្មាភិបាល ប្រចាំការនៃគណៈលេខា សមមិត្ត ត្រឹងកឹមទូ បានស្នើឱ្យបណ្តាសមមិត្តជាប្រមុខ សមូហភាពថ្នាក់ដឹកនាំ កម្មាភិបាលនិងបក្ខជន បន្តយកចិត្តទុកដាក់ ជួយឧបត្ថម្ភ សហការ និងបង្កលក្ខណៈងាយស្រួលបំផុត ដើម្បីឱ្យសមមិត្តទាំងឡាយដែលទទួលសេចក្តីសម្រេចនេះ អនុវត្តសម្រចភារកិច្ចដែលបានប្រគល់ជូនឱ្យបានល្អប្រសើរ៕

ទីភ្នាក់ងារសារព័ត៌មានវៀតណាម - វ៉ាន់តឹន

ចែករំលែកអត្ថបទ

ពាក្យគន្លឹះ