ក្រោយពេលអនុវត្តគោលការណ៍រៀបចំអង្គភាពរដ្ឋបាលឡើងវិញ ឃុំតឹងថាញ់ ទីក្រុងកឹងធើ  បានបង្កើតឡើងដោយការរួមបញ្ចូលឃុំចំនួនបី រួមមាន ឃុំតឹងហឹង  ចូវខាញ់ និងតឹងថាញ់។ ដោយមានចំនួនប្រជាជនជាង ៣៥ ពាន់នាក់ ក្នុងនោះ ជនរូមជាតិខ្មែរមានប្រមាណ ៣០% ភូមិភាគនេះមានសក្តានុភាពជាច្រើនក្នុងការអភិវឌ្ឍសេដ្ឋកិច្ច-សង្គម ប៉ុន្តែក៏បានដាក់ចេញនូវតម្រូវការថ្មីអំពីការធានាសន្តិសុខសណ្តាប់ធ្នាប់ បង្ការប្រឆាំងអំពើអបាយមុខសង្គម ពិសេសគឺអំពើអបាយមុខគ្រឿងញៀន។ ផ្ដើមពីភាពជាក់ស្តែងនេះ នាខែសីហា ឆ្នាំ២០២៥ ទម្រង់ “ភូមិ​ឋានឃុំតឹងថាញ់គ្មានគ្រឿងញៀន” បានដំណើរការ ដោយមានការចូលរួមយ៉ាងប្តូរផ្តាច់ពីប្រ​ព័ន្ធនយោបាយទាំងមូល និងការស្របចិត្តគំនិតខ្ពស់ពីប្រជាជន។

 កម្លាំងនគរបាលសហការជាមួយអង្គការមហាជនឃុំតឹងថាញ់់ ចុះទៅដល់ផ្ទះប្រជាជនដើម្បីផ្សព្វផ្សាយពីការបង្ការ ប្រឆាំងគ្រឿងញៀន។

ចាប់តាំងពីថ្ងៃដំបូងអនុវត្ត គណៈកម្មាធិការបក្ស រដ្ឋអំណាចភូមិភាគ រួមជាមួយកម្លាំងនគរ​បាលឃុំ បានប្រមូលផ្តុំជំរុញខ្លាំងការងារផ្សព្វផ្សាយ តាម​រយៈទម្រង់ដ៏សម្បូរបែបជាច្រើន ស្របតាមក្រុមមុខសញ្ញានីមួយៗ។

នៅតាមបណ្តាភូមិដែលមានជនរួមជាតិខ្មែររស់នៅកុះករ ការងារផ្សព្វផ្សាយបានអនុវត្តទាំងពីរភាសា គឺភា​សា​វៀតនិងភាសាខ្មែរ តាមរយៈការប្រជុំប្រជាជន ការប្រជុំសាខាបក្ស រហូតដល់សកម្មភាពវប្បធម៌ សិល្បៈ ហាត់ប្រាណ និងកីឡានៅភូមិភាគ សុទ្ធតែបានបញ្ចូលនូវខ្លឹមសារផ្សព្វផ្សាយអំពីបាបគ្រោះគ្រឿងញៀន បទប្បញ្ញត្តិនៃច្បាប់និងការទទួលខុសត្រូវរបស់ប្រជាពលរដ្ឋម្នាក់ៗ ក្នុងការ​ងារបង្ការ ទប់ស្កាត់ និងប្រយុទ្ធប្រឆាំងនឹងបទល្មើសគ្រឿង​ញៀន។ អាស្រ័យហេតុនេះ ជួយលើកកម្ពស់ការយល់ដឹង និងភាពម្ចាស់ការចូលរួមរក្សាសន្តិសុខសណ្តាប់​ធ្នាប់នៅភូមិឋាន។ ជាពិ​សេស ព្រះសង្ឃនិងអ្នកមានប្រិយភាព​ក្នុងសហ​គមន៍ជនរួម​ជាតិ បានពង្រីកតួនាទីជាកម្លាំងស្នូល ក្លាយជាអ្នកឃោសនា​យ៉ាងសកម្ម រួមចំណែកនាំយកគោលការណ៍របស់បក្ស គោលនយោបាយច្បាប់របស់រដ្ឋបង្ខិតជិតនឹងប្រជាជន។ លោកហ្វិញ​គុងតាយ  ប្រ​ធាន​ក្រុមសន្តិសុខសណ្តាប់ធ្នាប់ នៅភូមិតឹងលិច  ឃុំតឹង​ថាញ់ បានចែករំលែក៖ “ចាប់តាំងពីបង្កើតមក ខ្ញុំរួមជាមួយសម្ព័ន្ធយុវជន និងនគរបាលឃុំ បានចុះទៅដល់ផ្ទះប្រជាជនផ្ទាល់ ដើម្បីផ្សព្វផ្សាយ ណែនាំ យុវជនកាត់បន្ថយការដើរលេងពេលយប់ជ្រៅ កុំទំនាក់ទំនងជាមួយមុខសញ្ញាសេពគ្រឿងញៀន។ តាមរយៈការឃោសនា​ យុវជន​ជៀសឆ្ងាយពីគ្រឿង​ញៀន”។ ចំណុចលេចធ្លោមួយនៃទម្រង់នេះ គឺការចូលរួមយ៉ាងសកម្មពីសំណាក់កងកម្លាំងសម្ព័ន្ធយុវជន ពិសេសគឺសម្ព័ន្ធយុវជនជនជាតិខ្មែរ ។ តាមរយៈសកម្មភាពរបស់សម្ព័ន្ធយុវជន និងសមាគម វេទិកា “យុវ​ជននិយាយថាទេចំពោះគ្រឿងញៀន” ពីធីប្រឡងស្វែងយល់ច្បាប់ សមាជិកនិងសម្ព័ន្ធយុវជនជាច្រើន បានលើកកម្ពស់ស្មារតីភ្ញាក់រលឹក ម្ចាស់ការជៀសឆ្ងាយពីអំពើអបាយមុខសង្គម។ មិនត្រឹមតែការពារខ្លួន​ឯង​ប៉ុណ្ណោះទេ ប្អូនៗយុវជនទាំងឡាយថែមទាំងក្លាយជាអ្នក​ផ្សព្វផ្សាយដ៏សកម្ម រួមចំណែកផ្សព្វផ្សាយ រីកសាយ​ភាយ​សារនៃការរស់នៅល្អត្រឹមត្រូវ មានប្រយោជន៍ដល់​សហគមន៍និងសង្គម។ “ក្នុងនាមប្អូនជាយុវជនម្នាក់ មុនដំបូងត្រូវស្តាប់បង្គាប់ឪពុកម្តាយ គ្រួសារ និងលោកគ្រូអ្នកគ្រូ ហើយពេលរៀនសូត្រត្រូវខិតខំប្រឹងប្រែង។ បានពូៗនគរបាល​មក​​ផ្សព្វ​ផ្សាយអំពីការបង្ការនិងប្រឆាំងគ្រឿងញៀន ខ្ញុំកាន់តែយល់ច្បាស់និងដឹងពីផលវិបាកនៃគ្រឿង​ញៀន” ប្អូនផាមក្វឹកគៀក នៅភូមិតឹងលិច ឃុំ​តឹងថាញ បានឱ្យដឹងដូច្នេះ។ ទន្ទឹមនឹងការផ្សព្វផ្សាយ កម្លាំងនគរ​បាលឃុំតឹងថាញ់ ថែមទាំងបន្តដើរពិនិត្យឃ្លាំមើលជាប្រ​ចាំ និងគ្រប់គ្រងយ៉ាងតឹងរ៉ឹងនូវមុខសញ្ញាដែលមានហា​និ​ភ័យ​ខ្ពស់ សហ​ការជាមួយអង្គការមហាជន ចាត់តាំងអនុវត្តការអប់រំកែប្រែខ្លួន ជួយដល់គ្រួសារដែលមានកូនចៅមាន​ហានិ​ភ័យ​ល្មើសច្បាប់ ឬធ្លាក់ចូលក្នុងអំពើអបាយមុខគ្រឿង​ញៀន។ អាស្រ័យការគួបផ្សំព្រមៗគ្នារវាងការផ្សព្វផ្សាយ គ្រប់គ្រង និងការបង្ការ បានរួមចំ​ណែកលើកកម្ពស់ស្មារតីគោរពច្បាប់ក្នុងស្រទាប់យុវជន ជាសន្សឹមៗកសាងបានបរិស្ថានរស់នៅសុវត្ថិភាពនិងល្អប្ររសើរនៅភូមិ​ភាគ។

កម្លាំងនគរបាលសហការជាមួយអង្គការមហាជនឃុំតឹងថាញ់ ផ្សព្វផ្សាយបង្ការ ប្រឆាំងគ្រឿងញៀន នៅវត្តព្រះពុទ្ធសាសនាខ្មែរថេរវាទលើភូមិឋានឃុំ។

តាម​ប្រ​សាសន៍ លោក​វរ​សេនីយ៍​ទោ ទ្រឿង​ហ្វាង​ណាម អនុ​ប្រ​ធាន​នគរ​បាល​ឃុំ​តឹង​ថាញ់ បាន​ឱ្យ​ដឹង ចាប់​តាំង​ពី​អនុ​វត្ត​ទម្រង់ “ឃុំ​តឹង​ថាញ់​គ្មាន​គ្រឿង​ញៀន” គឺ​ថ្នាក់​ដឹក​នាំ​នគរ​បាល​ឃុំ​បាន​ផ្តោត​លើ​ការ​ចង្អុល​ការ​កម្លាំង​ជំ​នាញ ពិ​និត្យ​ឡើង​វិញ​និង​ក្តាប់​បញ្ជី​ឈ្មោះ​មុខ​សញ្ញា​ញៀន និង​មាន​ហា​និភ័យ​ញៀន​គ្រឿង​ញៀន​នៅ​ក្នុង​ភូមិ​ឋាន។ បន្ទាប់​មក សហ​ការ​ជា​មួយ​បណ្តា​គណៈ ផ្នែក និង​អង្គ​ការ​មហា​ជន ដើម្បី​ផ្សព្វ​ផ្សាយ ណែ​នាំ បង្កើន​ចំ​ណេះ​ដឹង​ដល់​គ្រួ​សារ​ដែល​មាន​កូន​ចៅ​ញៀនឬ​មាន​ហា​និភ័យ​ធ្លាក់​ចូល​ក្នុង​អំ​ពើ​អបាយ​មុខ​គ្រឿង​ញៀន។ តាម​រយៈ​ការ​ផ្សព្វ​ផ្សាយ យុវ​ជន​ភាគ​ច្រើន​បាន​យល់​ដឹង​ពី​បទ​ប្បញ្ញត្តិ​ច្បាប់​ស្តី​ពី​ការ​បង្ការ ប្រ​ឆាំង​គ្រឿង​ញៀន គោរព​បាន​ល្អ​នូវ​បទ​ប្បញ្ញត្តិ​ស្តី​ពី​ការ​បង្ការ ប្រ​ឆាំង​គ្រឿង​ញៀន មុខ​សញ្ញា​ញៀន​គ្រឿង​ញៀន តែង​តែ​ប្រ​មូល​ផ្តុំ​គ្នា​នៅ​ពេល​យប់​ជ្រៅ ក៏​បាន​កាត់​បន្ថយ​យ៉ាង​ច្រើន ស្ថាន​ភាព​សន្តិ​សុខ​នយោ​បាយ​និង​សណ្តាប់​ធ្នាប់​សុវត្ថិ​ភាព​សង្គម​នៅ​ក្នុង​ភូមិ​ឋាន​ក៏​បាន​រក្សា​យ៉ាង​រឹង​មាំ។

អាច​បញ្ជាក់​ថា ទម្រង់ “ភូមិ​ឋាន​ឃុំ​តឹង​ថាញ់​គ្មាន​គ្រឿង​ញៀន” មិន​ត្រឹម​តែ​ជា​ដំ​ណោះ​ស្រាយ​បង្ការ​បទ​ល្មើស​ប្រ​កប​ដោយ​ប្រ​សិទ្ធ​ភាព​ប៉ុណ្ណោះ​ទេ ថែម​ទាំង​ជា​ភស្តុ​តាង​បង្ហាញ​ពី​កម្លាំង​សា​ម​គ្គី​នៃ​ប្រ​ព័ន្ធ​នយោ​បាយ​ទាំង​មូល និង​ប្រ​ជា​ជន​ក្នុង​ការ​ធា​នា​សន្តិ​សុខ​សណ្តាប់​ធ្នាប់។ ជា​មួយ​នឹង​លទ្ធ​ផល​វិជ្ជ​មាន​ដំ​បូង​នេះ ទម្រង់​កំ​ពុង​តែ​បង្កើត​បរិស្ថាន​រស់​នៅ​ប្រ​កប​ដោយ​សុវត្ថិ​ភាព ល្អ​ត្រឹម​ត្រូវ រួម​ចំ​ណែក​កសាង​ឃុំ​តឹង​ថាញ់ ពី​មួយ​ថ្ងៃ​កាន់​តែ​អភិវឌ្ឍ ទំនើប ស៊ី​វី​ល័យ និង​ក្លាយ​ជា​ចំ​ណុច​លេច​ធ្លោ​ក្នុង​ការ​ចលនា​ទូ​ទាំង​ប្រ​ជា​ជន​ ចូល​រួម​ការ​ពារ​សន្តិ​សុខ​មា​តុ​ភូមិ​លើ​ភូមិ​ឋាន​ទី​ក្រុង​កឹង​ធើ៕​

ថាញវ៉ាង-ត្រឹងរ៉ូន