ព្រឹត្តិការណ៍ - នយោបាយ ព្រឹត្តិការណ៍

17/06/2026 - 22:33

បង្កកម្លាំងជំរុញបន្ថែមដើម្បីអភិវឌ្ឍសេដ្ឋកិច្ច-សង្គម

គណៈប្រចាំការនៃគណៈកម្មាធិការរណសិរ្សមាតុភូមិវៀតណាមទីក្រុងកឹងធើ ទើបចាត់តាំងត្រួតពិនិត្យនៅឃុំភូហឺវ សង្កាត់ទ្រុងញ៉ឹក អំពីការអនុវត្តប្រជាធិបតេយ្យនៅមូលដ្ឋាន ផ្សារភ្ជាប់នឹងទទួលខុសត្រូវរបស់អ្នកដឹកនាំតាមសេចក្តីកំណត់លេខ ១២៤-QĐ/TW របស់គណៈលេខា។ តាមរយៈការត្រួតពិនិត្យ បានកត់សម្គាល់ការអនុវត្តលក្ខន្តិកៈប្រជាធិបតេយ្យនៅតាមភូមិភាគនានាកាន់តែមានប្រសិទ្ធភាព បង្កបានការឯកភាពខ្ពស់ក្នុងប្រជាជន រួមចំណែកជំរុញអភិវឌ្ឍសេដ្ឋកិច្ច-សង្គម។

លោក ឡេង្វៀងសិនញ៉ឹក អនុប្រធានគណៈកម្មាធិការរណសិរ្សមាតុភូមិវៀតណាមទីក្រុងកឹងធើ បានថ្លែងក្នុងឱកាសត្រួតពិនិត្យមើលនៅឃុំភូហឺវ។

គណៈប្រតិភូត្រួតពិនិត្យបានកត់សម្គាល់ នៅឃុំភូហឺវ និងសង្កាត់ទ្រុងញ៉ឹក ខ្លឹមសារដែលបើកចំហបានថ្នាក់ដឹកនាំឃុំ សង្កាត់ផ្សព្វផ្សាយដោយទម្រង់ជាច្រើន ដូចជា៖ បិទប្រកាសនៅទីស្នាក់ការនៃគណៈកម្មាធិការប្រជាជនឃុំ សង្កាត់; អគារវប្បធម៌ភូមិ មណ្ឌល; ផ្គួបបញ្ចូលក្នុងកិច្ចប្រជុំរបស់អង្គការមហាជន និងប្រជាជន; ជូនដំណឹងលើប្រព័ន្ធផ្សាយសំឡេង; ទន្ទឹមនឹងនោះ ចុះផ្សាយលើទំព័រព័ត៌មានអេឡិចត្រូនិកឃុំ សង្កាត់ និងក្រុម Zalo ជាផ្លូវការរបស់សហគមន៍ប្រជាពលរដ្ឋ... ផ្តើមពីនោះ ប្រជាជនក្តាប់បានគោលការណ៍របស់បក្ស គោលនយោបាយ ច្បាប់របស់រដ្ឋ; ផែនការអភិវឌ្ឍសេដ្ឋកិច្ច-សង្គម; ផ្សព្វផ្សាយអនុវត្តសំណង់ គម្រោងលើភូមិឋាន និងរបបគោលនយោបាយជាប់ពាក់ព័ន្ធ...។

គណៈកម្មាធិការប្រជាជនឃុំភូហឺវ និងគណៈកម្មាធិការសង្កាត់ទ្រុងញ៉ឹក បានចាត់តាំងកិច្ចប្រជុំប្រជាជន សន្ទនា និងយកមតិសហគមន៍ដោយបើកចំហ ប្រជាធិបតេយ្យ បង្កបានការឯកភាពក្នុងសង្គម។ ប្រធានគណៈកម្មាធិការប្រជាជនឃុំភូហឺវ និងប្រធានគណៈកម្មាធិការប្រជាជនសង្កាត់ទ្រុងញ៉ឹក នៅតែរក្សាការទទួលប្រជាពលរដ្ឋតាមកំណត់; បង្កើនក្តោបក្តាប់ស្ថានភាព ស្តាប់មតិ គោលបំណងរបស់ប្រជាជន ដើម្បីចង្អុលការដោះស្រាយបានទាន់ពេលវេលា។ គណៈកម្មាធិការប្រជាជនឃុំ សង្កាត់ទាំងពីរក៏បានបែងប្រភេទ ដោះស្រាយលិខិតស្នាមតាមដែនសមត្ថកិច្ច; ករណីជាច្រើនបានដោះស្រាយ រួមចំណែកលំនឹងស្ថានភាពភូមិភាគ និងបន្ថយការកើតឡើងចំណុចក្តៅ។ ភូមិភាគនានាយកចិត្តទុកដាក់អនុវត្តបច្ចេកវិទ្យាឌីជីថលក្នុងការបម្រើប្រជាជន និងបង្កើនកម្រិតពេញចិត្តរបស់អង្គការ ប្រជាពលរដ្ឋក្នុងការអនុវត្តបែបបទរដ្ឋបាល.. ការបើកចំហប្រជាធិបតេយ្យ បង្កបានភាពស្រុះស្រួលរបស់ប្រជាជនលើវិស័យជាច្រើន៖ តុបតែងទីក្រុង ធានាសន្តិសុខសណ្តាប់ធ្នាប់ អនុវត្តគោលនយោបាយធានាសុខុមាលភាពសង្គម... តាមរយៈនោះ សង្កាត់ទ្រុងញ៉ឹក បានចលនាប្រជាជនចូលរួមវិភាគទានជាទឹកប្រាក់ ២៩,៥ លានដុង ដើម្បីជីកស្តារសំណង់ធារាសាស្រ្តរាយរងលើវាលស្រែចំនួន ៣ សំណង់ ដោយយន្តការបម្រើការស្រោចស្រពដីផលិតកសិកម្ម និងសំណង់សាធារណៈប្រយោជន៍ជាច្រើនទៀត...។

តាមប្រសាសន៍លោក ឌោទ្រុងណាម ប្រធានគណៈកម្មាធិការរណសិរ្សមាតុភូមិវៀតណាមឃុំភូហឺវ រណសិរ្សឃុំធ្វើជាស្នូលសហការជាមួយគណៈកម្មាធិការបក្ស គណៈកម្មាធិការប្រជាជនឃុំអនុវត្តទម្រង់ "ខែស្តាប់ប្រជាជននិយាយ" មានប្រសិទ្ធភាព ទទួលព័ត៌មាន និងដោះស្រាយសំណើរបស់ប្រជាជនបានទាន់ពេលវេលា។ រណសិរ្ស និងអង្គការមហាជនឃុំសហការចលនាក្នុងសង្គមបានជាង ១ ពាន់លានដុង ដំឡើងបង្គោលភ្លើងសូឡាបានជាង ១.៥០០ បង្គោល នៅតាមភូមិចំនួន១៨ ក្នុងចំណោម ២១ ភូមិ រួមចំណែកកសាងដងផ្លូវភ្លឺ - បៃតង - ជ្រះ - ស្អាត - សុវត្ថិភាព សំដៅកសាងឃុំជនបទថ្មីគំរូ...។

គណៈប្រតិភូត្រួតពិនិត្យក៏បានកត់សម្គាល់ការអនុវត្តលក្ខន្តិកៈប្រជាធិបតេយ្យនៅតាមភូមិភាគនានា បច្ចុប្បន្ននៅតែមានការលំបាក និងនៅមានកម្រិត៖ សមត្ថភាពមុខជំនាញរបស់កម្មាភិបាល អ្នករដ្ឋការមួយចំនួនមិនទាន់ឆ្លើយតបនឹងតម្រូវការភារកិច្ចតាមទម្រង់រដ្ឋអំណាចភូមិភាគ២ថ្នាក់។ លើសពីនេះ ចំណេះដឹង មុខជំនាញវិជ្ជាជីវៈស៊ីជម្រៅរបស់សមាជិកគណៈអធិការកិច្ចប្រជាជន គណៈត្រួតពិនិត្យវិនិយោគរបស់សហគមន៍នៅមានកម្រិត... ថ្នាក់ដឹកនាំឃុំភូហឺវ និងសង្កាត់ទ្រុងញ៉ឹក ស្នើទីក្រុងចាត់តាំងបើកថ្នាក់ហ្វឹកហ្វឺន បំប៉នមុខជំនាញ វិជ្ជាជីវៈ បំណិនត្រួតពិនិត្យ ធ្វើវិវេចនាសង្គម និងផ្លាស់ប្តូរឌីជីថលជូនកម្មាភិបាល អ្នករដ្ឋការ សមាជិកគណៈអធិការកិច្ចប្រជាជន គណៈត្រួតពិនិត្យវិនិយោគសហគមន៍ និងឧបត្ថម្ភវិនិយោគបង្កើនកម្រិតហេដ្ឋារចនាសម្ព័ន្ធបច្ចេកវិទ្យាព័ត៌មានជាដើម។

ក្នុងដំណើរការត្រួតពិនិត្យ លោក ង្វៀងហឺវងៀ អនុលេខាប្រចាំការសម្ព័ន្ធយុវជនទីក្រុង សមាជិកគណៈប្រតិភូត្រួតពិនិត្យ សំណូមពរថ្នាក់ដឹកនាំភូមិភាគវែកញែកស៊ីជម្រៅពីស្មារតីធ្វើជាគំរូ ទទួលខុសត្រូវស្រាយបំភ្លឺរបស់អ្នកដឹកនាំ; វាយតម្លៃលទ្ធផលត្រួតពិនិត្យរបស់រណសិរ្ស អង្គការនយោបាយ - សង្គម និងប្រជាជនចំពោះអ្នកដឹកនាំ ក៏ដូចជាវាយតម្លៃជាក់ស្តែងសកម្មភាពសន្ទនាដោយផ្ទាល់រវាងអ្នកដឹកនាំជាមួយនឹងប្រជាជន លទ្ធផលដោះស្រាយក្រោយការសន្ទនា... លោកស្រី ត្រឹងធីហាំង អនុប្រធានសមាគមសហព័ន្ធនារីទីក្រុង សមាជិកគណៈប្រតិភូត្រួតពិនិត្យ សំណូមពរថ្នាក់ដឹកនាំភូមិភាគ គប្បីវែកញែកមូលហេតុ និងដាក់ចេញវិធានការជម្នះលំបាក ការខ្វះចន្លោះក្នុងការអនុវត្តប្រជាធិបតេយ្យនៅមូលដ្ឋាន..។

ថ្លែងក្នុងឱកាសត្រួតពិនិត្យនៅភូមិភាគទាំងពីរនេះ លោក ឡេង្វៀងសិនញ៉ឹក អនុប្រធានគណៈកម្មាធិការរណសិរ្សមាតុភូមិវៀតណាមទីក្រុងកឹងធើ ប្រធានក្រុមគណៈប្រតិភូត្រួតពិនិត្យ សំណូមពរថ្នាក់ដឹកនាំឃុំ សង្កាត់បន្តឃោសនា ផ្សព្វផ្សាយលើកកម្ពស់ការយល់ដឹងរបស់កម្មាភិបាល បក្ខជន និងប្រជាជនអំពីលក្ខន្តិកៈប្រជាធិបតេយ្យនៅមូលដ្ឋាន; អនុវត្តត្រូវតាមខ្សែសង្វាក់ សេចក្តីកំណត់អំពីអនុវត្តលក្ខន្តិកៈប្រជាធិបតេយ្យ; អនុវត្តបានល្អនូវខ្លឹមសារបើកចំហ តម្លាភាពតាមច្បាប់ស្តីពីអនុវត្តប្រជាធិបតេយ្យនៅមូលដ្ឋាន ដើម្បីបង្កភាពជឿជាក់ ការស្រុះស្រួលគ្នារបស់ប្រជាជន។ លោក ឡេង្វៀងសិនញ៉ឹក សំណូមពរការរួមវិភាគទានក្នុងប្រជាជន គប្បីបានបើកចំហច្បាស់លាស់; ត្រូវបង្កលក្ខណៈងាយស្រួលដើម្បីប្រជាជនចូលរួមពិភាក្សា កំណត់សម្រេច ឃ្លាំមើល និងត្រួតពិនិត្យដំណើរការអនុវត្តខ្លឹមសារជាប់ពាក់ព័ន្ធដល់ប្រជាជន។ ភូមិភាគនានាត្រូវអនុវត្តបានល្អនូវសេចក្តីកំណត់ទទួលខុសត្រូវរបស់អ្នកដឹកនាំគណៈកម្មាធិការប្រជាជនក្នុងការទទួលប្រជាពលរដ្ឋ សន្ទនាដោយផ្ទាល់ជាមួយប្រជាជន និងវិនិច្ឆ័យការឆ្លុះបញ្ចាំង សំណើរបស់ប្រជាជនជាដើម៕

ថាញធី-វិមាន

ចែករំលែកអត្ថបទ

ពាក្យគន្លឹះ