ព្រឹត្តិការណ៍ - នយោបាយ ព្រឹត្តិការណ៍

22/04/2026 - 21:05

គណៈសេដ្ឋកិច្ច - ថវិកានៃក្រុមប្រឹក្សាប្រជាជនទីក្រុង ពិនិត្យសម្រេចលើសេចក្តីព្រាងនៃសេចក្តីសម្រេចនានា

ថ្ងៃ២២ ខែមេសា លោកស្រីង្វៀងធីហុងអៀង - ប្រធានគណៈសេដ្ឋកិច្ច - ថវិកានៃក្រុមប្រឹក្សាប្រជាជនទីក្រុង អញ្ជើញជាអធិបតីក្នុងកិច្ចប្រជុំពិនិត្យសម្រេចលើសេចក្តីព្រាងនៃសេចក្តីសម្រេច ព្រមទាំងរបាយការណ៍របស់គណៈកម្មាធិការប្រជាជនទីក្រុង លើកជូនក្នុងសម័យប្រជុំលើកទី ២ នៃក្រុមប្រឹក្សាប្រជាជនទីក្រុងកឹងធើ។

អញ្ជើញចូលរួមកិច្ចប្រជុំមានលោកស្រី ម៉ាធីទឺយ សមាជិកគណៈអចិន្ត្រៃយ៍នៃគណៈកម្មាធិការបក្សទីក្រុង អនុប្រធានប្រចាំការនៃក្រុមប្រឹក្សាប្រជាជនទីក្រុង លោកត្រឹងជីហ៊ុង អនុប្រធានគណៈកម្មាធិការប្រជាជនទីក្រុង...។

សមាជិកគណៈសេដ្ឋកិច្ច-ថវិកា ថ្លែងការណ៍ពិនិត្យសម្រេច។

តំណាងទាំងឡាយបានពិនិត្យនិងវាយតម្លៃលើសេចក្តីព្រាងនៃសេចក្តីសម្រេចរួមមាន៖ បទប្បញ្ញត្តិអំពីខ្លឹមសារចំណាយលើការថែទាំ ការជួសជុល និងការដោះស្រាយបន្ទាន់នូវបញ្ហាទំនប់សមុទ្រ-ទន្លេ ចំពោះប្រព័ន្ធទំនប់ដែលគ្រប់គ្រងដោយភូមិភាគ។ គោលនយោបាយជំនួយកម្រៃសេវាជួលប្រចាំតាមរយៈផ្កាយរណប សម្រាប់ឧបករណ៍ត្រួតពិនិត្យដំណើរនាវាជលផល (VMS)។ គោលការណ៍ផ្លាស់ប្តូរគោលដៅប្រើប្រាស់ព្រៃ ដើម្បីអនុវត្តគម្រោងបណ្តុំ រោងចក្រអគ្គិសនីដោយថាមពលខ្យល់ភូគឿង១អា ១បេ និងគម្រោងរោងចក្រអគ្គិសនីដោយថាមពលខ្យល់សុកត្រាំង៤។ ការអូសបន្លាយពេលវេលាអនុវត្ត និងការផ្តល់ផ្ទេរទុនវិនិយោគរដ្ឋឆ្នាំ ២០២៥ ផ្ទេរទៅឆ្នាំ២០២៦ ដែលជាប្រភពថវិកាមជ្ឈិម។ ការបែងចែកលម្អិតនូវផែនការទុនវិនិយោគរដ្ឋឆ្នាំ ២០២៦ ពីប្រភពថវិកាភូមិភាគ (លើកទី៣)។ ការផ្តល់មតិលើកម្រិតភាគរយ (%) សម្រាប់គណនាតម្លៃជួលដី តម្លៃជួលដីសាងសង់សំណង់ក្រោមដី និងតម្លៃជួលដីចំពោះផ្ទៃដីដែលមានផ្ទៃទឹក។ ការអនុម័តបញ្ជីឈ្មោះសំណង់និងគម្រោងដែលត្រូវដកហូតដីនៅលើភូមិឋានទីក្រុង។

លោកស្រី ង្វៀងធីហុងអៀង ប្រធានគណៈសេដ្ឋកិច្ច-ថវិកានៃក្រុមប្រឹក្សាប្រជាជនទីក្រុងថ្លែងការណ៍បណ្តាខ្លឹមសារពិនិត្យសម្រេច។

ទន្ទឹមនឹងនោះ ការត្រួតពិនិត្យលើសេចក្តីព្រាងនៃសេចក្តីសម្រេច ដែលកំណត់អំពីលក្ខឋាន លំដាប់លំដោយ បែបបទ ខ្លឹមសារនិងកម្រិតនៃការជំនួយសម្រាប់គម្រោងផលិតនូវផលិតផលបច្ចេកវិទ្យាឌីជីថលសំខាន់ៗ គម្រោងស្រាវជ្រាវ និងអភិវឌ្ឍការរចនា ការផលិត ការវេចខ្ចប់ និងការធ្វើតេស្តផលិតផលបន្ទះឈីបពាក់កណ្តាលចម្លង គម្រោងសាងសង់មជ្ឈមណ្ឌលទិន្នន័យបញ្ញាសិប្បនិម្មិត និងគម្រោងបង្កើតថ្មី ច្នៃប្រតិដ្ឋក្នុងឧស្សាហកម្មបច្ចេកវិទ្យាឌីជីថលនិងសេចក្តីព្រាងសេចក្តីសម្រេចស្តីពីការចេញផ្សាយបទប្បញ្ញត្តិអំពីលក្ខឋាន លំដាប់លំដោយបែបបទ ខ្លឹមសារនិងកម្រិតនៃការជំនួយសម្រាប់គម្រោងរចនាបន្ទះឈីបពាក់កណ្តាលចម្លង គម្រោងផលិតនូវផលិតផលជំនួយដោយផ្ទាល់ក្នុងឧស្សាហកម្មពាក់កណ្តាលចម្លង និងគម្រោងផលិតឧបករណ៍អេឡិចត្រូនិច។

លោកស្រីម៉ាធីទឺយ សមាជិកគណៈអចិន្ត្រៃយ៍នៃគណៈកម្មាធិការបក្សទីក្រុង និងជាអនុប្រធានប្រចាំការនៃក្រុមប្រឹក្សាប្រជាជនទីក្រុង ថ្លែងការណ៍ក្នុងកិច្ចប្រជុំពិនិត្យស្រេច។

ដើម្បីឱ្យបណ្តាសេចក្តីសម្រេចរបស់ក្រុមប្រឹក្សាប្រជាជនទីក្រុងដែលបានដាក់ចេញស្របតាមបទប្បញ្ញត្តិនៃច្បាប់ សមស្របទៅនឹងការអនុវត្តជាក់ស្តែង និងមានប្រសិទ្ធភាពភ្លាមៗ បន្ទាប់ពីការប្រកាសឱ្យប្រើប្រាស់ បណ្តាតំណាងក៏បានគល់វាល់មតិជាច្រើនចំពោះសេចក្តីព្រាងនៃសេចក្តីសម្រេចនីមួយៗ។ ថ្នាក់ដឹកនាំគណៈសេដ្ឋកិច្ច-ថវិកា ស្នើឱ្យស្ថាប័នរៀបចំសេចក្តីព្រាង ទទួលយកមតិយោបល់របស់អ្នកតំណាង ត្រួតពិនិត្យបទប្បញ្ញត្តិនៃច្បាប់ បំពេញបន្ថែមឯកសារពាក់ព័ន្ធនិងសម្រេចឱ្យបានឆាប់នូវសេចក្តីព្រាងបណ្តាសេចក្តីសម្រេច មុនពេលលើកជូនក្រុមប្រឹក្សាប្រជាជនទីក្រុងពិត្យ និងសម្រេចនៅក្នុងសម័យប្រជុំលើកទី២។ ដោយឡែក ចំពោះសេចក្តីព្រាងនៃសេចក្តីសម្រេចស្តីពីការដាក់ចេញនូវបទប្បញ្ញត្តិអំពីលក្ខឋាន លក្ខណៈ លំដាប់លំដោយ បែបបទ ខ្លឹមសារ និងកម្រិតជំនួយសម្រាប់គម្រោងរចនាបន្ទះឈីបពាក់កណ្តាលចម្លង គម្រោងផលិតផលិតផលជំនួយដោយផ្ទាល់ក្នុងឧស្សាហកម្មពាក់កណ្តាលចម្លងនិងគម្រោងផលិតឧបករណ៍អេឡិចត្រូនិកនឹងបន្តសុក្រឹតខ្លឹមសារ ដើម្បីលើកជូនក្រុមប្រឹក្សាប្រជាជនទីក្រុងពិនិត្យក្នុងសម័យប្រជុំលើកទី៣៕

ធ្វីឃេ្វ-ដាលីន

ចែករំលែកអត្ថបទ

ពាក្យគន្លឹះ