គោលនយោបាយ -ការរស់នៅ ការរស់នៅ

03/03/2026 - 08:50

ជំនួយកម្លាំងដល់គ្រួសារកសិករក្រីក្រអភិវឌ្ឍសេដ្ឋកិច្ច

រយៈពេលប៉ុន្មានឆ្នាំកន្លង ប្រភពឥណទានគោលនយោបាយរបស់ធនាគារគោលនយោបាយសង្គម បាននិងកំពុងពង្រីកតួនាទីយ៉ាងមានប្រសិទ្ធភាព ក្លាយជាទីបង្អែកដ៏រឹងមាំសម្រាប់គ្រួសារក្រីក្រ ក្បែរក្រនិងគ្រួសារគោលនយោបាយនៅលើភូមិឋានទីក្រុងកឹងធើ។ តាមរយៈកម្មវិធីបុលទុនអនុគ្រោះ គ្រួសារជាច្រើនមានលក្ខណៈអភិវឌ្ឍការផលិត ជាជំហានៗមានជីវភាពលំនឹង និងឈានឡើងចាកភាពក្រីក្រដោយចីរភាព។

ទម្រង់ដាំម្រះផ្តល់ប្រាក់ចំណូលលំនឹងដល់គ្រួសារលោកសើុងត្រុង នៅភូមិទ្រុងញឹក ឃុំឡឹមតឹង ទីក្រុងកឹងធើ។

នៅឃុំឡឹមតឹង លោកសើុងត្រុង កំពុងថែដំណាំម្រះបណ្ដើរ ចែករំលែកនឹងយើងខ្ញុំបណ្ដើរ កាលពីប៉ុន្មានឆ្នាំមុន ដោយខ្វះដើមទុនផលិត តាមរយៈសមាគមកសិករឃុំ គាត់បានបុលប្រាក់ចំនួន ៥០ លានដុងពីធនាគារគោលនយោបាយសង្គម។ ពេលមានដើមទុន គាត់បានវិនិយោគដាំដំណាំ ដូច៖ ម្រះ ត្រសក់ និងខ្ទឹមស្លឹក។ល។ ជាជំហានៗកសាងជីវភាពលំនឹង។ “ដើម្បីមានជីវភាពដូចសព្វថ្ងៃនេះ ក្រៅពីខិតខំប្រឹងប្រែងឈានឡើងរបស់គ្រួសារខ្ញុំ នៅទាំងមានការរួមដំណើររបស់ធនាគារគោលនយោបាយសង្គម ទើបគ្រួសារខ្ញុំមានធនធានដើម្បីអភិវឌ្ឍការផលិតនិងបង្កើនប្រាក់ចំណូល។ បច្ចុប្បន្ន គ្រួសារមានផ្ទៃដីទំហំ ១.០០០ម២ ដាំដំណាំក្នុងមួយឆ្នាំបួនលើក និងដីស្រែចំនួន ៦ កុងសម្រាប់ ធ្វើស្រែ៣រដូវ ប្រាក់ចំណូលប្រចាំឆ្នាំបានជាង ១០០ លានដុង” - លោកត្រុង បានចែករំលែកដូច្នេះ។ អាស្រ័យការខិតខំប្រឹងប្រែងពលកម្ម ចំណាយប្រិតប្រៀន ព្រមទាំងមានការរួមដំណើររបស់រដ្ឋអំណាច និងអង្គការនយោបាយ - សង្គម ដូច្នេះជីវភាពគ្រួសាររបស់លោកត្រុង បានលំនឹង បន្តិចម្តងៗ និងចាកផុតពីភាពក្រីក្រ។

ចំណែកគ្រួសារបងទ្រីវលីណា នៅភូមិបឹងទ្រៀក ឃុំលីវទូ មានស្ថានភាពក្រលំបាកនិងដីតិចតួចសម្រាប់ផលិត។ នៅឆ្នាំ ២០១៥ បានរដ្ឋអំណាចបង្កលក្ខណៈកៀកជិតប្រភពទុនកម្ចីពីធនាគារគោលនយោបាយសង្គម ចំនួន ៥០ លានដុង បងវិនិយោគទិញពូជគោទឹកដោះដើម្បីចិញ្ចឹម។ អាស្រ័យការថែទាំបានល្អ គោចំនួន ២ ក្បាលដំបូង បានកើនឡើងដល់១៣ ក្បាល ក្នុងនោះមាន ៣ ក្បាលកំពុងផ្តល់ទឹកដោះជាមធ្យម ជាង ៥០ គីឡូក្រាមក្នុងមួយថ្ងៃ។ ជាមួយនឹងតម្លៃចាប់ពី ១៣.០០០ ទៅ ១៤.៥០០ ដុងក្នុងមួយគីឡូក្រាម ក្រោយពីទូទាត់រួច ទទួលបានប្រាក់ចំណេញប្រហែល ៣ លានដុងក្នុងមួយសប្តាហ៍។ ថ្មីៗនេះ គ្រួសារបងលក់គោចំនួន ៣ ក្បាលបានជិត ៧៥ លានដុង។ ជាមួយប្រាក់ចំណូលសរុបជិត ២០០ លានដុងក្នុងមួយឆ្នាំ គ្រួសារបងលីណា មានជីវភាពលំនឹងនិងឈានឡើងធូរធារ។

អាចនិយាយបានថា ដើមទុនពីធនាគារគោលនយោបាយសង្គមមិនត្រឹមតែជា “ពោងសង្គ្រោះជីវិត” ជួយអ្នកក្រីក្រឆ្លងកាត់ការលំបាកប៉ុណ្ណោះទេ នៅថែមទាំងជាកម្លាំងជំរុញដ៏សំខាន់មួយដែលបង្កកម្លាំងចិត្តសម្រាប់គ្រួសារជាច្រើន ឈានឡើងធូរធារផងដែរ។ ទម្រង់សេដ្ឋកិច្ចមានប្រសិទ្ធភាព គឺជាភស្តុតាងដ៏រស់រវើកនៃភាពត្រឹមត្រូវរបស់គោលនយោបាយឥណទានអនុគ្រោះរបស់បក្សនិងរដ្ឋ រួមចំណែកជំរុញការអភិវឌ្ឍសេដ្ឋកិច្ច-សង្គមនៅភូមិភាគ៕

ថាញវ៉ាង-មេងលី

ចែករំលែកអត្ថបទ

ពាក្យគន្លឹះ