មហាសាមគ្គីជនជាតិ គំរូក្នុងសហគមន៍

04/02/2026 - 06:46

បក្ខជនគំរូរៀនសូត្រនិងធ្វើតាមអ៊ំ

ការរៀនសូត្រនិងធ្វើតាមឧត្ដមគតិ សីលធម៌ ឥរិយាបថហូជីមិញ តាមរយៈការងារជាក់ស្តែង ពិតប្រាកដ បងលីវមិញកឿង អនុលេខាសាខាបក្សភូមិដៀងហ្វា ឃុំធើយឡាយ ទីក្រុងកឹងធើ តែងជាគំរូឈានមុខនិងអស់ពីចិត្តដើម្បីប្រជាជន។

បងលីវមិញកឿង គំរូបក្ខជនរៀនសូត្រនិងធ្វើតាមដំបូន្មានអ៊ំ។

ភូមិដៀងហ្វាមានជនរួមជាតិខ្មែររស់នៅកុះករ ស្រូបអត្រា ៤៧,១៩% នៃចំនួនប្រជាជន ជីវភាពប្រជាជនសំខាន់ផ្អែកលើការផលិតកសិកម្ម អត្រាគ្រួសារក្បែរក្រនៅមានកម្រិតខ្ពស់។ ក្នុងបរិការណ៍នោះ បងលីវមិញកឿង អនុលេខាសាខាបក្សភូមិដៀងហ្វា តែងខ្នះខ្នែងសហការឃោសនា ចលនាប្រជាជនអនុវត្តវិទ្យាសាស្ត្រ - បច្ចេកទេសក្នុងការផលិតកសិកម្ម បង្វែរហេដ្ឋារចនាសម្ព័ន្ធឈើដំណាំ ពង្រីកការចិញ្ចឹមសត្វ សំដៅលើកកម្ពស់ទិន្នផល បង្កើនប្រាក់ចំណូលនិងបង្ករការងារធ្វើ ជូនពលករជនបទ។

ក្រៅពីនេះ បងថែមទាំងខ្នះខ្នែងចលនាប្រជាជន អនុវត្តការចលនា “ទូទាំងប្រជាជនសាមគ្គីកសាងជីវភាពវប្បធម៌នៅមណ្ឌលតាំងទីលំនៅ” បន្តរក្សារបៀបរៀបរយ ចុះឈ្មោះពិនិត្យជ្រើសរើសគ្រួសារ វប្បធម៌រៀងរាល់ឆ្នាំ។ អាស្រ័យដោយការយល់ស្របរបស់ប្រជាជន អត្រាគ្រួសារសម្រេចបទដ្ឋាន ជាគ្រួសារវប្បធម៌របស់ភូមិមានជាង ៩៨% រួមចំណែករក្សាសន្តិសុខសណ្តាប់ធ្នាប់ កសាងមនោសញ្ចេតនាភូមិផងរបងជាមួយសាមគ្គីគ្នា។ បងក៏ជាកម្មាភិបាលមួយរូបក្នុងចំណោមកម្មាភិបាលដែលឈានមុខចលនាប្រជាជនអនុវត្តគោលលំនាំ “រដ្ឋនិងប្រជាជនរួមគ្នាធ្វើ”។ អាស្រ័យហេតុនោះ ផ្លូវគមនាគមន៍ជនបទភូមិដៀងហ្វា បានជួសជុលនិងកសាងស្ពានឆ្លងប្រឡាយដៀងហ្វា សរុបទឹកប្រាក់ជាង ១ ពាន់លានដុង; ដំឡើងអំ ពូលភ្លើងបំភ្លឺផ្លូវចំនួន ៨៩ ដើម ដោយមានប្រវែង ដងផ្លូវ ៣,៦ គីឡូម៉ែត្រ រួមចំណែកញុាំងឱ្យទិដ្ឋភាពជនបទស្រស់បំព្រង សុវត្ថិភាពពីមួយថ្ងៃទៅមួយថ្ងៃ។

ក្នុងអាណត្តិកន្លង បងបានធ្វើសេនាធិការ សំណើចលនាសាងសង់ផ្ទះមហាសាមគ្គីជូនជនរួមជាតិខ្មែរ ២ គ្រួសារ ដែលមានជីវភាពខ្វះខាតគិត ជាតម្លៃទឹកប្រាក់ជាង ១០០ លានដុង និងផ្ទះមិត្តរួមកង ២ ខ្នង តម្លៃ ១៦០ លានដុង។ ទន្ទឹមនឹងនោះ នាឱកាសពិធីបុណ្យសែនដូនតានិងបុណ្យចូលឆ្នាំប្រពៃណីរបស់ជនរួមជាតិខ្មែរ។ បងរួមជាមួយនឹងសាខាបក្សចលនាអំណោយបាន៣០ ចំណែកជូនគ្រួសារក្បែរក្រ គ្រួសារខ្វះខាត គិតជាតម្លៃទឹកប្រាក់សរុបជាង ១៥ លានដុង។

បងកឿង ចែករំលែក៖ “រៀនសូត្រតាមអ៊ំ គឺអនុវត្តល្អគ្រប់ការងារដែលបានប្រគល់ជូន តែងចាត់ទុកផលប្រយោជន៍របស់ប្រជាជនជាធំ។ ជាកម្មាភិបាលនៅមូលដ្ឋានត្រូវតែជិតដិតនឹងប្រជាជន ស្តាប់ប្រជាជននិងរួមជាមួយប្រជាជនដោះស្រាយការលំបាក”។

លោក ហ្វិញថាញភឿង ប្រធានគណៈកម្មាធិការប្រជាជនឃុំធើយឡាយ ឱ្យដឹង៖ “សមមិត្ត កឿង គឺជាបក្ខជនគំរូឆ្នើមក្នុងការរៀនសូត្រនិងធ្វើតាមឧត្ដមគតិ សីលធម៌ ឥរិយាបថហូជីមិញ តាមរយៈការងារជាក់ស្តែង ពិតប្រាកដជាច្រើន បង្កបានទំនុកចិត្តនិងការយល់ស្របក្នុងប្រជាជន”។

ជាមួយស្មារតីទទួលខុសត្រូវ ការអស់ពីចិត្តនិងទង្វើជាក់ស្តែងពិតប្រាកដ បងលីវមិញកឿង ច្រើនឆ្នាំបន្តបន្ទាប់បានគណៈកម្មាធិការបក្សគ្រប់លំដាប់ថ្នាក់ស្ងើចសរសើរជូនរង្វាន់ សក្តិសមជាគំរូឆ្នើមដើម្បីកម្មាភិបាល បក្ខជននិងប្រជាជនភូមិភាគរៀនសូត្រ និងយកតម្រាប់តាម៕

ហុងទើ - លីសៀ

ចែករំលែកអត្ថបទ

ពាក្យគន្លឹះ