សន្តិសុខ - ការពារប្រទេស ការពារប្រទេស

08/01/2026 - 21:01

បិទវគ្គបំប៉នភាសាខ្មែរដល់កម្មាភិបាល យុទ្ធជនការពារព្រំដែនចំនួន២០នាក់

នៅព្រឹកថ្ងៃទី៨ ខែធ្នូ គណៈបញ្ជាការកងទ័ពការពារព្រំដែនទីក្រុងកឹងធើ សហការជាមួយនឹងសាលាមធ្យមសិក្សាបំពេញវិជ្ជាបាលីណាមបូ ចាត់តាំងពិធីបិទវគ្គបំប៉នភាសាខ្មែរឆ្នាំ២០២៥ ដល់កម្មាភិបាល យុទ្ធជនការពារព្រំដែន។

លោកគ្រូថាច់សុង ចាងហ្វាងសាលាមធ្យមសិក្សាបំពេញវិជ្ជាបាលីណាមបូ
ជូនវិញ្ញាបនបត្របញ្ចប់វគ្គបំប៉នភាសាខ្មែរដល់សិក្ខាកាម។

វគ្គបំប៉នភាសាខ្មែរបានចាត់តាំងឡើងដើម្បីបំប៉ននិងលើកកម្ពស់សមត្ថភាពប្រើប្រាស់ភាសាខ្មែរ ដល់កងជួរកម្មាភិបាល យុទ្ធជនដែលបំពេញភារកិច្ចផ្ទាល់លើភូមិឋានមានជនរួមជាតិខ្មែររស់នៅកុះករ។ នេះជាតម្រូវការជាក់ស្តែង រួមចំណែកលើកកម្ពស់ប្រសិទ្ធភាពការងារចលនាមហាជន ផ្សព្វផ្សាយច្បាប់ កសាងផែនមហាសាមគ្គីទូទាំងប្រជាជន ផ្សារភ្ជាប់នឹងការពង្រឹងការការពារប្រទេស សន្តិសុខក្នុងស្ថានភាពថ្មី។

កម្មវិធីបណ្តុះបណ្តាលបានអនុវត្តយ៉ាងម៉ឺងម៉ាត់ ត្រូវតាមផែនការ រយៈពេលសិក្សាសរុប២០០ម៉ោង នៅថ្ងៃសុក្រនិងថ្ងៃសៅរ៍រៀងរាល់សប្តាហ៍ ផ្តោតសំខាន់ទៅលើបំណិនចំនួន៤ គឺស្តាប់ និយាយ អាននិងសរសេរ។ ក្នុងអំឡុងពេលសិក្សា សិក្ខាកាមបានឆ្លងកាត់ការធ្វើតេស្ត៥លើក រួមមានការធ្វើតេស្តជាប្រចាំ ធ្វើតេស្តតាមកាលកំណត់និងការប្រឡងបញ្ចប់វគ្គ។

លទ្ធផលនៃការប្រឡងបញ្ចប់វគ្គ មានសិក្ខាកាម១៩រូបជាប់និទ្ទេសពូកែ និង១រូបជាប់និទ្ទេសគ្រាន់បើ។ លទ្ធផលទាំងនេះ បញ្ហញពីស្មារតីសិក្សារយ៉ាងម៉ឺងម៉ាត់ និងស្មារតីទទួលខុសត្រូវខ្ពស់របស់សិក្ខាកាមគ្រប់រូប ព្រមទាំងបង្ហាញពីគុណភាពនៃការបង្រៀននិងការយកចិត្តទុកដាក់របស់កងជួរគ្រូបង្រៀននៃសាលាមធ្យមសិក្សារបំពេញវិជ្ជាបាលីណាមបូ។

ថ្លែងការណ៍ក្នុងពិធីបិទវគ្គ លោកវរសេនីយ៍ឯក ហាហ្វីទ្រឿង ស្នងការនយោបាយរងកងទ័ពការពារព្រំដែនទីក្រុងកឹងធើ បានកត់សម្គាល់និងសរសើរចំពោះកិច្ចសហការយ៉ាងជិតស្និទ្ធប្រកបដោយប្រសិទ្ធភាពរវាងអង្គភាពទាំងពីរក្នុងការរៀបចំថ្នាក់រៀន។ វគ្គបំប៉នភាសាខ្មែរ មិនត្រឹមតែជួយកម្មាភិបាល យុទ្ធជនការពារព្រំដែនលើកកម្ពស់បំណិនប្រស្រ័យទាក់ទង និងយល់ដឹងពីទំនៀមទម្លាប់ប្រពៃណីរបស់ជនរួមជាតិខ្មែរប៉ុណ្ណោះទេ ថែមទាំងជាដំណោះស្រាយដ៏សំខាន់ដើម្បីអនុវត្តបានល្អការងារប្រជាចលនា ការងារជនជាតិ និងការកសាងទំនាក់ទំនងសាមគ្គីជិតស្និទ្ធរវាងកងទ័ពនិងប្រជាជនលើភូមិឋាន។

ស្របក្នុងឱកាសនេះដែរ គណៈបញ្ជាការកងទ័ពការពារព្រំដែនទីក្រុងកឹងធើ ជូនលិខិតសរសើរដល់បុគ្គល៥រូប ដែលសម្រេចបានស្នាដៃឆ្នើមនិងលេចធ្លោក្នុងវគ្គបំប៉នភាសាខ្មែរ ឆ្នាំ២០២៥៕

យ្វីអាញ-មុនី

ចែករំលែកអត្ថបទ

ពាក្យគន្លឹះ